EPHESI 4:14 - Pathien Lekhabu Inthieng (BSI)

¹⁴ Chuongchun, indiknawna zâwr- na angin, var vervêka mihriem hlêm fâwmin, inchûktirna thli tinrênga khing tieng khing tienga vawr le lên lên naupang ni ta nâwm ei nih a,

EPHESI 4:14 ပူးပေါင်းရင်းမြစ်များ

INPÂKNA HLABU 10:9

Sakeibakneiin a pûka ân chân- rûk angin, ama chun fienriel- ah ân chânrûk zing hlak a; Mi rimsi man dingin an chân hlak a, Mi rimsi chu a man ngei a; chuongchun, a lênin a keihmang hlak.

INPÂKNA HLABU 59:3

Aw LALPA, ka bawsietna lei ni loin, ka suol lei khawm ni bawk loin, Ngai ta, ka hringna hi an inchân zing sih a, Mi hrâthai chu a mi thaw dingin an pungkhâwm a nih.

ISAI 28:9

Hrietna tieng chu tu hîm ân chûktir ding a ni leh? Thucha chu tu hîm ân hriettir ding a ni leh? Nene nêk bân chauhai le nêne innêktir ta lohai hîm an ni ding?

MIKA 7:2

Pathien ngaisak mi chu hnuoia inthawk hin an bohmang a, mihriem lai hin mi indiktak hrim an um nawh; thisen insuo dingin an inchân vawng a, mi tinin mâni unau chu lênin an ve a nih.

MATTHAI 11:7

Chun, chuhai chu an fe phingleh, Isûn mipui kuoma chun Johan thu a hril tah a, “Ieng en dingin am thlalêrah in fe suok kha? Luong thli imût hnîng maw?

MATTHAI 24:11

Zâwlnei tehlêm tamtak khawm hung suok an ta, mi tamtak hlêm an tih.

MATTHAI 24:24

Krista tehlêm le zâwlnei te- hlêmhai an hung suok ding a ni sih a; thei hai sien la chu, thlanghai rau khawm an hlêm theina dingin inchik- na le thilmak ropuitakhai thâwng an tih.

THILTHAWHAI 23:21

Nisienlakhawm, an thu lo awi naw rawh; anni laia mi sâwmli nêka tam lemin an inchân zing a, chuonghai chun ama an that hmakhat chu iengkhawm faa dâwn lo dingin an inkhâm a; tuhin i thu nghâkin inpei sa zingin an um a nih,” a ta.

1 KORINTH 12:2

Awinawhai in ni lai khan, ieng ang khawma an ṭhuoi ang pei cheu khan, khâng milim rawl neilo tienga khan ṭhuoihmangin in um ti in hriet a.

1 KORINTH 14:20

Unauhai, lungril tieng naupang naw ro; nisienlakhawm, suol kawnga chu nautê ang ni unla, lungril tienga chun puitling ro.

1 KORINTH 3:19

Hi khawvêl varna hi Pathien ngaiah invêtna a ni sih a. “Ama chun mi varhai chu anni var vervêknaah a âwk hlak,” ti ziek a ni sih a.

2 KORINTH 2:17

Chuong ang ding chun tu am tling zo an ta? Mi tamtakin Pathien thu hi mihai hlêma sumdâwngnaa an hmang angin, keini chun kan hmang ve si nawh a, titakzet lemin, Pathien itir lemin, Pathien mithmuin Kristaa chun thu kan hril lem hlak a nih.

2 KORINTH 4:2

thil inzâpuium inthuphai chu kan mâk ta lem a; zâwrna thu kan hmang nawh a, Pathien thu mi hlêmnain kan hmang bawk nawh a; thutak inhriettirin Pathien mit- hmuin mi tin sie le ṭha hrietna mit kan intlungtir lem hlak a nih.

GALATI 3:1

Aw, Galati rama mi invêthai, tûin am a dâwi cheu a, in mithmu ngeiah Isu Krista chu hemdein chiengtaka inlangtir a ni vei leh?

EPHESI 6:11

Diebol zâwrnahai chu in do zona dingin Pathien râlthuom famkimin inthuom ro.

1 TIMOTHE 3:6

Ringthar a ni ding a ni nawh a, chuong naw chun, chapoin um a ta, Diebol thiemnaw changna chu chang ve rawi a tih.

2 TIMOTHE 1:15

Asia rama um po pohaiin an mi nghatsan ti ka hriet a, anni lai chun, Phugel le Hermogen an ṭhang a nih.

2 TIMOTHE 3:13

Mi suol le hlêmtuhai ruok chu mihai hlêmin le hlêma umin suol zuol deu deu an tih.

2 TIMOTHE 4:3

Inchûktirna indik an ngai pei naw hun a la tlung ding a ni sih a; an nahai ân za leiin anni dit zâwng angin inchûktirtuhai an kuomah inkhâwm lem an tih.

HEBRAIHAI 13:9

Inchûktirna tinrêng le inchûk- tirna maktak lên hmangin um naw ro; lungril hi lunginsietnaa sukdet chu a ṭha sih a, fâk dinghaia sukdeta um loin, chuong ang kawng lungkhamhai chun chuonga chun ṭhathnemna an hmu chuong nawh.

JAKOB 1:6

Nisienlakhawm, ringhla hlek loin, ringna neiin hni raw se, ring- hlatu chu tuisuoriet fâwn thli imût lêng le vawr ang a ni sih a.

JAKOB 3:4

Ngai ta u, lawnghai khawm hi a lien hleh a, thli natak imût lêngin a um hlak a, nisienlakhawm, a suk- hertu chun ân fetir nuomna tieng phawtah sukherna chîterekin a sukher hlak.

2 PETER 2:18

Thu teplo uortak taka hrilin, suola umhai laia inthawka tlân suok zinghai chu tisa châknaa hurnain an thlêm thlûk hlak sih a.

1 JOHAN 2:19

Anni chu eini laia inthawkin an suok a, nisienlakhawm, eini mi tak an ni nawh; eini mi tak ni hai sienla, eini kuomah an um ve pei ding a ni sih a. Nisienlakhawm, an rêngin eini mi tak an ni naw vawng ti ân lang fel theina dingin an mi suoksan ta a nih.

1 JOHAN 2:26

Chuong nangni ṭhuoi hmang tumtuhai thu chu, in kuomah ka ziek a nih.

1 JOHAN 4:1

Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.

JUDA 1:12

Chuonghai chu, zakmaw taka an insukhlimtuona leiin, hmangaina ruoi in ṭhenaa chun, in hmêlsietna an nih; mâni hmakhuo chau ngai mi an nih a; sûm tui painaw, thli imût lênghai an nih; favânga thing ra naw, vawi hni thi tah, a zung puma phawi dawkhai an nih;

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sah a. An pahni chun kâta kâng mei dîla chun a hringin an pei a.