EPHESI 2:8 - Pathien Lekhabu Inthieng (BSI)

⁸ Ringna leia lunginsietnaa sandam in ni sih a, chu khawm chu nangnia inthawka suok a ni nawh a, Pathien thilpêk a nih.

EPHESI 2:8 ပူးပေါင်းရင်းမြစ်များ

MATTHAI 16:17

Chun, Isûn a kuomah, “Simon Bar-Jona, i hamṭha ie; tisa le thisenin ân hriettir che a ni si nawh a, ka Pa vâna mîn ân hriettir lem che a nih.

MATTHAI 20:9

Chun, zântienga a iruoihai chu an hung chun duli an hmu seng a.

MARKA 16:16

Awia, baptisma chang chu sandamin um an tih; a awi naw ruok chu thiemnaw changin um an tih.

LUKA 7:50

Chun, ama chun nuhmei kuoma chun, “I ringna hi sandam I ni pha a nih, thlamuongtakin fe rawh,” a ta.

JOHAN 3:36

Tûkhawm Nau ring taphawt chun chatuona hringna an nei tah, nisienlakhawm, tûkhawm Nau thu awi naw taphawt chun hringna nei naw hi hai, Pathien lunginsenna an chungah a um zing lem a nih,” a ta.

JOHAN 4:10

Chun, Isûn a dawn a, a kuomah, “Pathien thilpêk le, ‘Dâwn ding mi pe rawh,’ i kuoma titu hi hre la chu nangin a kuomah i hni lem ding a nih; chun, ama chun tui hring a pêk ding che a nih,” a ta.

JOHAN 5:24

“Titakzetin, titakzetin ka hril cheu hi, tûkhawm ka thu hrea a mi tirtu ring chun chatuona hringna a nei tah, inthiemloin a um nawh a, thinaa inthawkin a suok a, hringnaah a lût lem tah a nih.

JOHAN 6:35

Chun, Isûn an kuomah, “Kei hi hringna bei chu ka nih, tûkhawm ka kuoma hung chu phîngṭâm naw ni, tûkhawm a mi ring chu iengtika khawm dangchâr naw ni.

JOHAN 6:37

Pain a mi pêkhai po po ka kuomah hung vawng an tih; tûkhawm ka kuoma hung chu hnawt suok naw tawp ka tih.

JOHAN 6:40

Chun, hi hi ka Pa dit zâwng a nih, tûkhawm Nau hmua ring taphawt chun chatuona hringna nei sienla; chun, keiin ni kin nia chun ama chu kei tho lang,” a ta.

JOHAN 6:44

Pa a mi tirtuin a hîp naw chun tukhawm ka kuomah hung thei naw ni hai; chun, keiin ni kin nia chun a hung chu keitho ka tih.

JOHAN 6:65

Chun, ama bawkin, “Chu lei chun a nih in kuomah, ‘Pain a ṭhang- pui naw chun, tukhawm ka kuomah hung thei naw ni hai,’ ka ti kha,” a ta.

THILTHAWHAI 13:39

tûkhawm ama ring taphawt chu, iengkimah ama thiem inchang- tirin a um, chuonga chun, Mosie Dânin thiem inchangtirin in um thei nawh.

THILTHAWHAI 14:27

Chun, an tlung hnungin ko- hranhai chu an ko khâwm a, Pathienin anni hmanga, thil a thawhai po po le, Jentailhai ta dinga ringna kawtkhâr a hawngpêkziehai chu an hril a.

THILTHAWHAI 15:11

Anni ring ang bawkin eini khawmin Lalpa Isu lunginsietna leia sandam ding niin ei ring sih a,” a ta.

THILTHAWHAI 16:14

Chun, a hming Luda, puon senduk zawrtu, Thuotira khuoa mi, Pathien betu nuhmei pakhatin kan thu a hriet a; chun Paula thu hril zâwm dingin Lalpa chun a lungril a sukvar tah a.

THILTHAWHAI 16:31

Chun, anni chun, “Lalpa Isu ring la, chuongchun, sandamin um i tih, nang le i sûnghai leh,” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:14

Anleh, an awi naw chu iengtin am lam an ta? A thu an hriet naw chu iengtin am awi an ta? Thuhriltu um loin iengtin am hrieng an ta?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:17

Chuongchun, ringna chu hrietna leiin a hung um hlaka; chun, hrietna chu Isu Krista leiin a hung um.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:16

Chuleiin, lunginsietna a ni theina dingin, ringna leiin a nih hi suon po pohai chun thutiem chu matheiloa an hmu chu. Dân nei mi chauin an hmu ding a ni nawh a, Abraham ringna ang ringna neihai khawmin hmûng an tih. Abraham chu ei rênga pa a nih,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:5

Amiruokchu, mi, a thilthawa innghat loa, Pathien hre nawhai thiem inchangtirtu ring lemtu ringna chu, a felnaa ngai a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:16

Chuleiin, a dittu lei a ni nawh a, a hnawttu lei a ni bawk nawh, a lunginsiettu Pathien lei a ni lem a nih.

GALATI 3:14

Chuongchun, Abraham chunga malsâwmna chu Krista Isua chun Jentailhai chungah hung um thei a ta; chuongchun, ringna leiin Thlarau tiem chu hmu thei ei tih.

GALATI 3:22

Nisienlakhawm, Isu Krista ring leia thiltiem chu ringtuhai kuoma pêk a ni theina dingin, Pathien Lekha thu chun suol hnuoiah iengkim a khârkhip ta vawng a.

EPHESI 1:19

ama kona beiseina dâm, mi inthienghaia chun a ro hluo ding ropui hauzie dâm, a thahrui hrâtna thaw zie ang peia, keini a ringtuhai tienga a thilthawtheina inkhi ruolloa lien Krista chunga a thaw —

EPHESI 2:10

Thil ṭha thaw dinga Isu Kristaa chun siema umin, ama kut suok ei ni sih a, chu thil ṭha thaw chu ei umna dingin Pathienin a buotsai lâwk a nih.

EPHESI 2:5

ei bawsietna leia thi ei ni lai meu khawmin, Krista ruolin a mi suk- hring veh a, (lunginsietnaa sandam in ni tah),

PHILIPPI 1:29

Krista leia ama in ring chau ni loin, ama leia in tuor khawm phal a ni sih a,

KOLOSSA 2:12

Baptismaa chun a kuoma phûm in lo ni ve ta sih a, chu bawka chun mithi laia ama keithotu Pathien sinthaw awi leia a kuoma keitho in ni ve kha.

2 THESSALONIKA 1:9

Chuong mihai chun hrem tuor an tih: Lalpa kuoma inthawk le a hrâtna ropuinaa inthawka chatuona bo- hmangna chu;

HEBRAIHAI 6:4

Chun, vawikhat lungril sukvara, vân thilpêk intema, Thlarau Inthieng inchangtira,

1 PETER 1:5

Sandamna, hun nuhnunga in- lang dinga inzosa chu hmu dingin, ringna leia Pathien thilthawtheinaa vêng chu in nih.