EPHESI 2:3 - Pathien Lekhabu Inthieng (BSI)

³ Chuong ringnaw nauhai laia chun, eini khawm inhma chun tisa le lungril nuomzâwng thawin, ei tisa châknahai angin ei um vawng a, mi danghai angin lunginsenna naua insieng hrim ei ni kha.

EPHESI 2:3 ပူးပေါင်းရင်းမြစ်များ

INṬANNA 5:3

Adam chun kum za le sâwmthum a niin, ama angtak, ama angpui ngei naupasal a nei a; a hmingah Seth a sak a;

INṬANNA 6:5

Chun, LALPA chun hnuoia hin mihriem suolzie chu nasatak a nih ti le, a lungril ngaituonahai hrim hrim chu suol ruok a nih ti a lo hriet a.

INṬANNA 8:21

Chun, LALPAIN riminhnik chu a hriet a; chun, LALPA chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol sih a; tuta ka hrem ang hin thilsiem hringna nei tinrêng chu hrem nâwk ta naw bawk ka tih.

JOB LEKHABU (THE BOOK OF JOB) 14:4

Tuin am thil inthieng nawa inthawkin thil inthieng la suok thei an ta? Tukhawma thei naw ni hai.

JOB LEKHABU (THE BOOK OF JOB) 25:4

Chuong a ni chun iengtin am mihriem chu Pathien hmaa chun mi dik ni thei a ta? Annawleh, nuhmei inei taphawt chu iengtin am inthieng ni thei a ta?

INPÂKNA HLABU 51:5

Ngai ta, rîtlonaa inngîrin ka um a, Ka nuin suolin a mi vawn a,

ISAI 53:6

Ei rêng hin berâm angin ei invâk hmang a, mâni lampui sengah ei pêt a; LALPA chun ama chunga chun ei rênga khawhlona chu ân nghat tah a.

MARKA 4:19

nisienlakhawm, khawvêl lung- khamnahai, hausakna hlêmnahai, thil dang châknahai chu a hung lût a, thu chu a dîp a, ra loin a lo um hlak.

JOHAN 1:13

Chuong mihai chu thisena nei an ni nawh a, tisa dit zâwnga nei an ni bawk nawh a, pasal dit zâwnga nei khawm an ni nawh a, Pathien inei an ni lem.

JOHAN 8:44

Nangni chu in pa diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a um nawh, a sûngah thutak hrim a um naw leiin. Khêl thu a hrilin ama suksuok a hril a ni hlak, khêlhlip a ni si; thukhêl pa khawm a nih.

THILTHAWHAI 14:16

Chu Pathien chun, tienlaiin hnam tin mâni lampui seng hraw a phal hlak a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:24

Chuleichun, an taksa inzakum- taka insiem tuo dingin an lungril inhâwk anga pawrchêtaka um phalin Pathienin a nghatsan tah a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:30

Inhma khan Pathien thu in awi nawh a, nisienlakhawm, tuhin chu an awi naw leiin lunginsietna in chang sih a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:14

Lalpa Isu Krista chun inthuom lem unla, in tisa inhâwkna puitlin dingin iengkhawm insiem naw ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:14

Dân nei naw Jentailhai hmanin an lungril insiengpuia dân thilhai kha an thawin, Dân nei naw hai sien khawm anni le anni chu dânah an insiem fâwm a,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:10

Hmêlma ei ni lai hmana, a Naupa thina leia Pathien le lo inrem tah ei ni chun, inrema ei um ta hnung lem hin chu a hringna leiin sandamin um ngei ei tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:9

Chuongchun, a thisena thiem inchangtira ei um ta hin chu, ama lei bawkin Pathien lungsennaa in- thawkin sandamin um ngei ei tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:12

Chuleiin, in taksa nuom zâwng ang in zâwmna dingin, in taksa thi theia chun suolnain ro rêl naw raw se.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:18

Keimaa hin, chu chu ka tisaa hin tina a nih, thil ṭha hrim a um nawh ti ka hriet, thil ṭha thaw nuomna chu keimaah a umdea chu, thil ṭha thawna chu a um si nawh a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:22

Lunginsenna bêl bohmang tlâkhai chunga chun, Pathienin a lunginsenna le a thilthawtheina inlangtir nuom sien khawm, a daw hrâm hrâm chun ieng am pawi a ta?

1 KORINTH 4:7

Nang tûin am a sukdanglam chuong cheh a? Dawng naw chu ieng am i nei leh? I dawng a ni si chun iengdinga i dawng ni lo anga i uongpui am a na?

2 KORINTH 7:1

Chuongchun, dittakhai, chuong thutiem chu ei nei leiin, tisa le thlarau inthiengnaw po poah insuk- fai ei tiu, Pathien ṭi puma inthieng- na sukfamkimin.

GALATI 3:22

Nisienlakhawm, Isu Krista ring leia thiltiem chu ringtuhai kuoma pêk a ni theina dingin, Pathien Lekha thu chun suol hnuoiah iengkim a khârkhip ta vawng a.

EPHESI 2:2

chuongahai chun inhma khan hi khawvêl dân angin in um kha, boruoka thuneina lal, tuta awinaw nauhai sûnga sin thaw zingtu thlarau dân ang hin.

EPHESI 4:22

Chuleiin, in tienlai umdân kawnga mihriem hlui, hlêmna châknaa se deu deu kha hlîp thla unla;

KOLOSSA 1:21

Chun, nangni inhmaa in thil suksuolnaa khan amaa inthawka ṭhein in lo um a, in lungrila chun hmêlma in lo ni bawk kha.

1 THESSALONIKA 4:13

Nisienlakhawm, unauhai, mi dang beiseina hrim nei nawhai anga in lungngai nâwna dingin, a inhai chanchin in hriet naw kan nuom nawh.

1 THESSALONIKA 5:6

Chuleichun, mi danghai angin in ta nâwng ei tiu khai! Meng ei tiu a, fîmkhurin ngaiven lem ei tiu.

1 TIMOTHE 6:9

Amiruokchu, hausak tumtuhai chu thlêmnaa dâm, chânga dâm, invêtthlâk le sukkhawhlo thei inhâwkna tamtaka dâm an tlu lût a, chuong inhâwknahai chun sietna le bohmangnaah mi a suktlum hlak.

TITA 3:3

Eini khawm inhma khan invêt tak dâm, thu awi naw dâm, hlêma um dâm, châkna le lâwmna tinrêng rawng bâwl dâm, suol le îtthîk hmanga um dâm, tirdakum dâm, intheida tuo dâm ei ni sih a.

1 PETER 1:14

nau tiawihai angin, in hriet naw laia in tienlai châknahai anga um loin;

2 PETER 2:14

mit uirea sip, suol bân thei naw- hai an nei a; mi det nawhai an thlêm thlûk a; inhnar hmang lungril an put a; ṭawngsephur nauhai an nih.

2 PETER 2:18

Thu teplo uortak taka hrilin, suola umhai laia inthawka tlân suok zinghai chu tisa châknaa hurnain an thlêm thlûk hlak sih a.

1 JOHAN 2:16

Khawvêla thil um po po, tisa châkna dâm, mit châkna dâm, dam sûng ropuina tehlêm dâm hi Paa inthawka suok a ni nawh a, khawvêla suok a ni lem sih a.

1 JOHAN 2:8

Nisienlakhawm, thupêk thar ziek ni bawk naw ning am, (chu chu amaah le nangniah ân lang a nih), inthim chu a bo zing lei le, var taktak chu tuhin a hung var ta leiin.