EPHESI 2:20 - Pathien Lekhabu Inthieng (BSI)

²⁰ Isu Krista ngei chu a kia lung pawimawtak niin, tirkohai le zâwlneihai lungphûm chunga bâwl in nih.

EPHESI 2:20 ပူးပေါင်းရင်းမြစ်များ

1 LALHAI 7:11

Chun, chu chung tieng chu lung man tamtak tak, lung a huntâwk ang chiea sut le sidar thing a na.

INPÂKNA HLABU 118:22

In bâwltuhai lung dit naw kha, A kila lung ṭhangkaitak a lo ni tah.

THUVARHAI 9:1

Varna chun a in chu a bâwl a, A lungban pasarihai chu a phun tah a.

ISAI 28:16

chuleiin, Lalpa Pathien chun hieng ang hin a hril, “Ngai ta, lung, lung fie hnung, a kia lung hlutak ka phûm, dettak chu, Ziona chun lung- phûm dingin ka rem hi; ama ringtu chu inhmaw naw nih.

ZEKARIA 10:4

Amaa inthawkin a kiha lung dâm, amaa inthawkin a kilna dâm, amaa inthawkin indona thalngul dâm, amaa inthawkin rorêltu dâm an hung suok tlâng vawng ding a ni sih a.

MATTHAI 16:18

Chun, nang Peter i nih ti ka hril che; hi lungpui chunga hin ka kohran rem ka ta, mithi khuo kul kawtkhârhai chun chu chu ngam naw ni hai.

MATTHAI 21:42

Isu chun an kuomah, “Pathien lekhaa, ‘In bâwltuhai lung dit naw kha, Chu ngei chu a kia lung ṭhangkai tak a hung ni tah. Chu chu Lalpa thaw a na, Ei mithmua hin a mak a nih,’ ti hi in tiem ngai naw am a nih?

1 KORINTH 12:28

Chun, Pathienin ṭhenkhat chu kohran lai a sieh a, pakhatnaa chun tirkohai, a pahninaa chun thuhriltu- hai, a pathumnaa chun inchûktir- tuhai a sie a, chu hnunga chun thilmak thawhai an um a, chu zoa chun sukdam theina thilpêkhai, ṭhangpui theina thilpêkhai, rorêl thiemna thilpêkhai, ṭawng hrietlo chi tum tuma thuhril theina thilpêkhai a um nâwk a.

GALATI 2:9

Lunginsietna a mi pêk chu an hrietin, Jakob hai, Kipha hai, Johan hai, bana an iruothai chun, keini Jentailhai laia fe ding le, anni po sertanhai kuoma fe dingin kei le Barnaba chu inpâwlna kut chang- tieng an mi pêk ta lem hman a.

EPHESI 3:5

Chu chu tulaia a tirko inthieng- hai le zâwlnei inthienghai kuoma Thlarau inhriettirin a um ta ang hin, tuta hma tieng khan mihriem nauhai kuoma inhriettirin a um ngai nawh.

KOLOSSA 2:7

Amaa zung kei le, rem sâng deu deua umin, an inchûktir ang cheu khan, lâwmthu hrilna hauin, in ringnaa chun dettakin um ro.

1 PETER 2:6

Chuleiin, Pathien Lekha Thua chun, “Ngai ta u, Ziona chun a kia lung pawimaw tak, thlang le hlutak ka rem a nih, Ama ringtu chu muolpho naw ni,” ti a chuong a nih.

THUPUONGSUO 21:14

Chun, chu khaw kul chun lung- phûm sâwm le pahni a nei a, chuonga chun Berâmte tirko sâwm le pahnihai hming a chuong a.