EPHESI 2:16 - Pathien Lekhabu Inthieng (BSI)

¹⁶ kraws zâra taksa pumkhata pahnihai chu Pathien le ân remtir theina dingin: chu kraws chun intaina chu a sukhlum sih a.

EPHESI 2:16 ပူးပေါင်းရင်းမြစ်များ

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:10

Hmêlma ei ni lai hmana, a Naupa thina leia Pathien le lo inrem tah ei ni chun, inrema ei um ta hnung lem hin chu a hringna leiin sandamin um ngei ei tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:6

Hieng hi ei hriet; ei mihriem hlui chu a kuoma hemdein a um ve tah, suol taksa chu sukboa a um theina dinga, tuta chen chu suol suoka ei um ta nawna dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:3

Tisa leiin Dân chu a hrât nawh a, a thaw thei ruol naw chu Pathienin ama Naupa ngei tisa suol ang putin suol thawina dinga hung tirin, tisaa suolna um chu thiemnaw ân changtir tah a nih,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:7

tisa dit zâwng chu Pathien dona a ni sih a. Chu chu Pathien dânin a um nghâl si nawh a, um khawm a um thei bawk nawh.

1 KORINTH 10:17

Eini mi tamtak hi, bei tlang khat, taksa pumkhat ei ni hi; ei rêngin bei tlang khata inthawkin ei chang seng sih a.

GALATI 2:20

Krista kuomah hemdein ka um tah. Nisienlakhawm, ka hring a nih, kei ruok chu ka ni ta nawh a, Krista chu keimaah a hring lem a nih; chun, tuta tisaa ka hring hi ringnaa hring ka nih, Pathien Naupa, mi lunginsiettu, ka aia inpetu ringnaa chun.

EPHESI 2:15

ama chun intaina, (ser le sâng thilhaia thupêk Dân um chu), a taksaa sukboin, amaa chun pahnihai chu mihriem thar pumkhata siem a, inremna a siem theina ding le,

EPHESI 3:6

Chu chu hi hi a nih: Chanchin Ṭha leiin, Krista Isua chun Jentailhai hi rohluopuihai, taksa pêngpuihai, thutiem dawngpuihai an ni hi.

EPHESI 4:4

A ko san cheu beiseina hmun- khata ko in ni ang bawk khan, taksa pakhat le Thlarau pakhat chau a um a.

KOLOSSA 2:14

Batna lekha thupêka ziek, ei chunga um a mi kal hlaktu chu a thaibo ta sih a; chu ngei chu krawsa hemdein a lâk hmang tah a.

KOLOSSA 3:15

Chun, Krista thlamuonna chun in lungrilah ro rêl raw se; chuong ang ni dingin taksa pumkhata ko in ni hrim in sawnnaw; lawm nachâng hre bawk ro.