EPHESI 2:15 - Pathien Lekhabu Inthieng (BSI)

¹⁵ ama chun intaina, (ser le sâng thilhaia thupêk Dân um chu), a taksaa sukboin, amaa chun pahnihai chu mihriem thar pumkhata siem a, inremna a siem theina ding le,

EPHESI 2:15 ပူးပေါင်းရင်းမြစ်များ

ISAI 9:6

Ei ta dingin naupang a hung pieng a, naupa pêkin ei um tah a; rorêlna chu a liengkoah chuong a ta, a hminga chun Maka, Remruottu, Pathien Hrât, Chatuon Pa, Remna Lal an ti ding a ni sih a.

2 KORINTH 5:17

Chuleichun, tûkhawm Kristaa a um chun thilsiem thar a hung ni tah a; thil hluihai chu a bo tah a, ngai ta u, a hung thar tah.

GALATI 3:10

Dân thilthawa um taphawthai chu ṭawngse hnuoiah an um sih a, “Dân Lekhabua thu ziek po po anga thaw dinga um zing naw taphawt chu ṭawngsephurin an um hlak,” ti ziek a ni sih a.

GALATI 3:28

Chutaka chun Juda mi an um thei nawh a, Grik mi khawm an um thei bawk nawh; suok an um thei nawh a, suoknaw khawm an um thei bawk nawh; nuhmei le pasal khawm an um thei nawh; Krista Isua chun in rêngin pumkhat in ni sih a.

GALATI 6:15

Siem thar nâwkna naw chu sertan hi iengkhawm a ni nawh a, sertannaw khawm iengkhawm a ni chuong bawk nawh.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni sih a, chu thil ṭha thaw chu ei umna dingin Pathienin a buotsai lâwk a nih.

EPHESI 2:14

Ama chu ei inremna a nih, pâwl hnihai chu pumkhata siemin, an inkâr ping dangna bang chu a sukchim a;

EPHESI 2:16

kraws zâra taksa pumkhata pahnihai chu Pathien le ân remtir theina dingin: chu kraws chun intaina chu a sukhlum sih a.

EPHESI 4:16

Ama zârah taksa pumpui chun inzawmna tinrêng thaw leia inrem- taka insuktuo le inzawm khâwmin, pêng tin sin thaw zie ang sengin, hmangainaa insiem ṭha dingin taksa chu a hung sukpung hlak a nih.

KOLOSSA 2:14

Batna lekha thupêka ziek, ei chunga um a mi kal hlaktu chu a thaibo ta sih a; chu ngei chu krawsa hemdein a lâk hmang tah a.

KOLOSSA 2:20

Khawvêl dânhai chu Krista kuoma in thi san ve ta chun, iengdinga khawvêla la hring anga hieng thupêk,

KOLOSSA 3:10

Mihriem thar chun in inthuom ta sih a, chu mihriem thar chu, hriet famkimna nei dingin a siemtu angpui anga siem tharin a um mêk a nih;

KOLOSSA 3:11

chutaka chun Grik mi le Juda mi, sertan le tan lo, hnamchawm dâm, Skuthia mi dâm, suok dâm, suok naw dâm khawm an um thei nawh, Krista chu iengkim ni lemin, iengkimah a um bawk a nih.

KOLOSSA 3:15

Chun, Krista thlamuonna chun in lungrilah ro rêl raw se; chuong ang ni dingin taksa pumkhata ko in ni hrim in sawnnaw; lawm nachâng hre bawk ro.

HEBRAIHAI 7:16

tisa thupêk Dân thu anga siem mi ni lo, hring tâwp nei lo, thilthaw- theina anga siem lem mi, a hung um ding chun:

HEBRAIHAI 8:13

“Thuthlung thar,” tiin a hril lei khan a hmasa chu a sukhlui tah a nih. Chuongchun, hung hluia hung upa ta chu a bo vâng vâng ta a nih.

HEBRAIHAI 9:23

Chuongchun, vâna thil um anghai chu sukthiengin a um hrim ding a nih, vân thil taktakhai ruok chu chuong nêka inthawina ṭha lem haiin sukthiengin a um ding a nih.