EPHESI 2:13 - Pathien Lekhabu Inthieng (BSI)

¹³ Tu ruok hin chu Krista Isuah, nangni inhmaa hlataka umhai kha, Krista thisen chun sukhnaiin in lo um tah a.

EPHESI 2:13 ပူးပေါင်းရင်းမြစ်များ

INPÂKNA HLABU 22:7

A mi hmu taphawtin an mi nuisan a, An hner an phen a, an lu an thin a;

INPÂKNA HLABU 73:27

Ngai ta, nangma hlata umhai chu an bohmang ding a ni sih a, A uiret santu taphawt che chu i sukbohmang tah a.

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

ISAI 43:6

hmârtieng kuoma chun, ‘Inthla ro,’ tîng ka ta, simtieng kuoma chun, ‘Hrên zing naw ro,’ tîng ka tih; ka naupasalhai chu hlataka inthawkin hung ṭhuoi unla, ka naunuhmeihai chu leihnuoi tâwpa inthawkin hung ṭhuoi ro;

ISAI 49:12

En ta, sawhai saw, hlataka inthawkin an hung ding a ni saw; en ta, sawhai saw, hmartienga inthawk dâm, thlangtienga inthawk dâm, Sim rama inthawk dâmin an hung ding a ni saw.

ISAI 57:19

Kei chun hmûrhai ra ka siem hlak a, ‘Inremna, inremna, hlataka um kuoma le hnaitaka um kuoma chun um raw se,’ LALPAIN a tih, ama chu sukdam ka tih.

ISAI 60:4

Tang la, i mit inlên vêl la, en rawh: an rêngin an inkhâwm a, i kuomah an hung a ni hi: i naupasal- hai chu hlataka inthawkin hung an ta, i naunuhmeihai chu hung pawm an tih.

ISAI 60:9

Ama chun a chawimawi che leiin LALPA i Pathien hming ta ding le Israelhai Mi Inthieng ta ding chun i naupasalhai an tangka le rângka- chak leh hlataka inthawka ṭhuoi dingin matheiloin thlierkârhai chun mi nghâk an ta. Tarsis lawng lienhai chun hmasak inchûng an tih.

ISAI 66:19

Chun, anni lai chun inchikna inumtir ka ta, chuongchun, anni laia hremna khêltuhai taphawt chu hnam tin kuomah--Tarsis dâm, Pul dâm, thalngul kuoihai Lud kuoma dâm, Tubal le Javan mihai dâm, thlierkâr hlatak, ka hminginthang la hre ngai lo a ka ropuina la hmu ngai lohai kuoma chun -- tir ka tih; chuongchun, hnam tin lai chun ka ropuina thu hril an tih.

JEREMIA 16:19

Aw LALPA, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung nawh a,” hung tîng an tih.

JOHAN 10:16

Chun, hi berâm huona mi naw khawm hi, berâm dang ka nei; anni khawm ka la hung ṭhuoi ding a nih, ka râwl khawm hrieng an tih, chuongchun, pâwl khatin um an ta, a vêngtu pakhat leh.

THILTHAWHAI 15:14

Pathienin ama hming put dingin, anni laia mihai la suok dingin Jentailhai a hung kan tîr thu kha, Simeon hin a hril tah.

THILTHAWHAI 2:39

A tiem kha, nangni ta ding khawmin, in nauhai ta ding khawmin, hlataka mi po po ta ding khawmin, Lalpa ei Pathienin a kuoma a kohai taphawt ta dingin a nih ie,” a ta.

THILTHAWHAI 22:21

“Chun, ama chun, ‘Fe rawh; hitaka inthawka hlatakah, Jentail- hai kuomah tir lem ka ti che,’ a mi tih a,” a ta.

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:1

Chuongchun, tuhin chu Krista Isua umhai ta ding chun thiem- naw inchangtirna hrim a um ta nawh.

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

1 KORINTH 12:13

Ei rêngin, Judahai amanih, Grikhai amanih, suok amanih, suok nilo amanih taksa pumkhata um dingin, Thlarau pakhat chauah bap- tisin ei um seng sih a. Thlarau pakhat chau bawk a mîn dâwntir bawk a.

1 KORINTH 6:11

Chun, nangni ṭhenkhat chuong ang mi in ni hlak kha; nisienla- khawm, Lalpa Isu Krista hminga le ei Pathien Thlaraua sâwpfai in ni tah a, sukthieng in ni tah a, thiemchang in ni tah.

2 KORINTH 5:17

Chuleichun, tûkhawm Kristaa a um chun thilsiem thar a hung ni tah a; thil hluihai chu a bo tah a, ngai ta u, a hung thar tah.

GALATI 3:28

Chutaka chun Juda mi an um thei nawh a, Grik mi khawm an um thei bawk nawh; suok an um thei nawh a, suoknaw khawm an um thei bawk nawh; nuhmei le pasal khawm an um thei nawh; Krista Isua chun in rêngin pumkhat in ni sih a.

EPHESI 1:1

Paula, Pathien ditzâwnga Krista Isu tirko chun: Mi inthieng Ephesia um, Krista Isua mi ringumhai kuoma chun:

EPHESI 1:7

A thisen leiin amaa chun ei intlanna ei nei a nih — a lunginsietna hauzie ang peia ei bawsietnahai ngaidamna chu.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni sih a, chu thil ṭha thaw chu ei umna dingin Pathienin a buotsai lâwk a nih.

EPHESI 2:12

khâng lai khan Krista boin, Israel khuoletui leh intuolkhat loin, khawvêla hin beiseina hrim nei lo le, Pathien boa umin, tiemna thu- thlunghaia mikhuola in um kha.

EPHESI 2:2

chuongahai chun inhma khan hi khawvêl dân angin in um kha, boruoka thuneina lal, tuta awinaw nauhai sûnga sin thaw zingtu thlarau dân ang hin.

EPHESI 2:6

Krista Isua chun ama ruol bawka mi keithoin, vân hmunhaiah ama kuom ngeiah a mîn ṭhungtir tah a,

HEBRAIHAI 9:18

Chuongchun, thuthlung hmasa khawm kha thisen naw chun an sukdet nawh.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk sih a, mi fel chun mi fel naw aiin a tuor a, tisaa sukhlumin a um a, thlaraua ruok chun sukhringin a um tah.

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um tah a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,