EPHESI 2:1 - Pathien Lekhabu Inthieng (BSI)

¹ Nangni khawm in bawsiet le in suolhai leia thi in ni lai khan, a sukhring cheu a nih,

EPHESI 2:1 ပူးပေါင်းရင်းမြစ်များ

INṬANNA 8:21

Chun, LALPAIN riminhnik chu a hriet a; chun, LALPA chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol sih a; tuta ka hrem ang hin thilsiem hringna nei tinrêng chu hrem nâwk ta naw bawk ka tih.

MATTHAI 8:22

Nisienlakhawm, ama chun a kuomah, “Mi zui rawh, mithiin anni mithi chu vui raw se,” a ta.

LUKA 15:24

hi ka naupa hi a thih a, a hung hring nâwk tah a ni hi; ân hmang a, ei hmu nâwk tah a ni hi,’ a ta. Chuong- chun, hlimtakin an um ṭan tah a.

LUKA 15:32

Hlimtak le lâwmtaka um ding a ni hrim annâwm; hi i sang hi a thih a, a hung hring nâwk tah a; ân hmang a, ei hmu nâwk tah a ni sih a,’ a tih a,” a ta.

JOHAN 10:10

Inruhmang chu, inru ding le, sukhlum ding le sukse ding naw chun a hung nawh; kei chu hringna an neina dingin, tamtaka an neina dinga hung ka nih.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 5:21

Pain mithihai a keithoa a sukhring hlak angin, Naupa khawm- in a nuom nuom a sukhring hlak.

JOHAN 5:25

Titakzetin, titakzetin ka hril cheu hi, a hun a tlung ding a ni tah, tu khawm hin a tlung zing tah, chu pha chun mithihaiin Pathien Naupa râwl hrieng an ta, a hre taphawt hring an tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:2

Krista Isua Hringna Thlarau dân chun suolna le thina dâna inthawk chun a mi sansuok ta sih a.

1 KORINTH 15:45

Chuong ang bawkin, “Mihriem hmasatak Adam chu mi hring a hung nih,” ti ziek a nih; Adam nuhnung lem chu hringna petu thlarau a nih.

2 KORINTH 5:14

Krista hmangaina chun keini a mi tirlui a nih, hieng ang hin kan ngaituo; mi po po thi aiin mi pakhat a thih a, chuleiin, mi po po chu an thi a nih.

EPHESI 4:18

hrietnawna anniah a um, chu hrietnawna lei chun Pathien hring- naa inthawka ṭhea hung umin, an hrietnaa chun an hung inthim a nih; an lungril a ngawng leiin,

EPHESI 5:14

suklanga um taphawt chu var a ni sih a. Chuleiin, “Nang a in! meng la, Mithi laia inthawkin tho rawh. Chuongchun, Krista chun, Hung ên var a ti che,” a ti kha.

KOLOSSA 2:13

Chun, nangni bawsietnahai le tisaa sertan nâwna leiin thi in lo nih a, nangni ngei chu ama leh a sukhring cheu in ni kha. Ei baw- sietnahai po po a mi ngaidam a.

1 TIMOTHE 5:6

Nisienlakhawm, hmeithai mâni inhawitirna ngawta inpe chu, a dam lai khawm a thi a nih.

1 JOHAN 3:14

Unauhai ei hmangai leiin thi- naa inthawkin ei suok a, hringnaah ei lût tah ti ei hriet. Tûkhawm hma- ngaina nei naw taphawt chu thinaah a la um zing a nih.

THUPUONGSUO 3:1

“Chun Sardisa kohran tirko kuoma chun hieng hin ziek rawh:— “ ‘Pathien Thlarau pasari le arasi pasari nei khan hieng thu hi a hril a nih: I thil thawziehai ka hriet, thi zing sih a, hring hming i put hi.