EPHESI 1:23 - Pathien Lekhabu Inthieng (BSI)

²³ kohran chu a taksa a nih, iengkim tinrênga suksiptu famkimna chu.

EPHESI 1:23 ပူးပေါင်းရင်းမြစ်များ

JOHAN 1:16

A famkimna ei chang seng, lunginsietna chunga lunginsiet nâwksâwnna leh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:5

Chuleiin, lunginsenna ṭi lei chau ni loin, i sie le ṭha hrietna lei khawmin rorêltu thu thuin i um ding a ni hrim a nih.

1 KORINTH 12:6

Sinthaw dân tum tum khawm a um a, Pathien ruok chu hmunkhat a nih, mi po poa iengkim thawtu chu.

1 KORINTH 15:28

Chun, a hnuoia iengkim siea a um pha chun, Naupa ngei khawm chu a hnuoia iengkim sietu hnuoia siein um bawk a tih, Pathien chu iengkima iengkim a ni theina dingin.

EPHESI 2:16

kraws zâra taksa pumkhata pahnihai chu Pathien le ân remtir theina dingin: chu kraws chun intaina chu a sukhlum sih a.

EPHESI 3:10

Chuongchun, tulaia vân hmun- haia khin inlalna le thuneinahai kuoma chun, Pathien varna tinrêng kohranhai leiin inhriettirin um thei a tih;

EPHESI 3:19

Krista hmangaina hriet phâk lo hriet theina nei a, Pathien famkimna tinrênga suksipa in um theina dingin.

EPHESI 4:10

A hung ṭum kha, iengkim a suksip theina dinga, vân po po chung daia hang fe bawk kha a nih).

EPHESI 4:12

Krista taksa siem ṭha dinga, rawngbâwlna sin thawa, mi inthieng- hai sukfamkim dinga,

EPHESI 4:13

ringna le Pathien Naupa hrietna kawnga chun thukhat vuoa puitlinga, Krista famkimna lienzie tluka ei rênga ei hung um theina dingin.

EPHESI 4:4

A ko san cheu beiseina hmun- khata ko in ni ang bawk khan, taksa pakhat le Thlarau pakhat chau a um a.

KOLOSSA 1:24

Tuta ka tuorpêkna cheua hin ka lâwm a, Krista rinum tuor bâk chu a taksa leiin ka taksaa hin ka sunzawm pei a nih, a taksa chu kohran hi a nih.

KOLOSSA 2:19

Lu chu an chel tlat si nawh a. Ama, Lua chun, taksa hlawmpui chu, inzawmna le khuopnahaia châwm le inzawmkhâwma umin, Pathien inṭhang liennain ân ṭhanglien hlak a ni sih a.

KOLOSSA 3:11

chutaka chun Grik mi le Juda mi, sertan le tan lo, hnamchawm dâm, Skuthia mi dâm, suok dâm, suok naw dâm khawm an um thei nawh, Krista chu iengkim ni lemin, iengkimah a um bawk a nih.

KOLOSSA 3:15

Chun, Krista thlamuonna chun in lungrilah ro rêl raw se; chuong ang ni dingin taksa pumkhata ko in ni hrim in sawnnaw; lawm nachâng hre bawk ro.