EPHESI 1:20 - Pathien Lekhabu Inthieng (BSI)

^20-21 mithi laia inthawka a keitho lai le, inlalna dâm, thuneina dâm, thilthawtheina dâm, rorêlna po po dâm, hi khawvêla chau ni loa, khaw- vêl la hung tlung dinga khawma, hming sak tinrênghai chung daia vân hmunhaia a changtienga ân ṭhungtir laia kha.

EPHESI 1:20 ပူးပေါင်းရင်းမြစ်များ

INPÂKNA HLABU 110:1

LALPA chun ka Lalpa kuomah, “I hmêlmahai i ke innghatnaa ka siem hmakhat chu, Ka changtieng ṭhung rawh,” a tih a.

DANIEL 7:14

Chun, ama chu mi po po le hnam po po le ṭawng tinrêngin, A rawng an bâwl theina dingin a kuoma chun Rorêlna dâm, ropuina dâm, lalram dâm an pêk a, A lalram chu chatuon lalram bo ta ngailo ding le, A ram suksieta um ta ngailo ding chu a nih.

MATTHAI 26:64

Isûn a kuomah, “I hril ang chun ka nih; chu nawa khawm, ka hril cheu hi, hi hnung leh Mihriem Naupa hi thilthawtheina changtienga ṭhunga, vân sûm chunga hung in la hmu ding a nih,” a ta.

MATTHAI 28:18

Chuongchun Isu chu an kuomah a hung a, anni rawi chu a biek a, “Hnuoi le vâna thuneina po po ka kuomah pêk a ni tah.

MARKA 14:62

Chun, Isûn, “Ni e, Mihriem Naupa hi thilthawtheina chang tienga ṭhunga, vân sûm laia hung la hmûng in tih,” a ta.

MARKA 16:19

Chuongchun, Lal Isu chu an kuoma thu a hril zo chun vâna zuk ṭhuoiin a um tah a, Pathien changtieng a hang ṭhung tah a.

JOHAN 10:18

Tûkhawmin mi lâkpêk naw ni hai, keima thu thuin ka pêk lem ding a nih; pe thei ka nih, la nâwk thei khawm ka nih. Hi thupêk hi ka Pa kuoma inthawka ka hmu a nih,” a ta.

JOHAN 10:30

Kei le Pa chu pumkhat kan nih,” tiin a dawn a.

THILTHAWHAI 10:40

Pathienin ama chu ni thum niin a keitho nâwk a, fietakin ân entir a,

THILTHAWHAI 26:8

“Pathienin mithihai a keitho ti hi iengdinga awium nawa in ruot am a na?

THILTHAWHAI 4:10

nangni po poin hre ro, Israel mi po khawmin hre raw se, Nazareth Isu Krista krawsa in hemde Pathienin mithi laia inthawka a ikeitho nâwk kha, ama hming ngeiin hi mipa hi hitaka hin in hmaah damin a ngîr tah a ni hi.

THILTHAWHAI 5:31

Ama ngei kha Pathienin Lal le Sandamtua um dingin a changtieng a chawimawi tah, Israelhai suol insim- tir ding le ngaidam dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:4

inthiengna Thlarau tieng thua ruok chun mithi laia inthawka a thonâwkna chun Pathien Nau a ni zie thilthawtheina nasatakin ân hriettir a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:34

Tuin am thiemnaw inchangtir a ti leh? A thi chu Isu Krista chu a ni sih a, anih, mithi laia inthawka tho nâwk ta lem a, Pathien changtienga uma a mi hrilpêktu bawk kha a nih.

EPHESI 1:3

Ei Lalpa Isu Krista Pathien le Pa chu inpâkin um raw se. Ama chun vân hmunhaia thlarau tieng mal- sâwmpêkna tinrêngin Kristaa chun mal a mi sâwm a.

PHILIPPI 3:10

Krista le a thonâwkna thil- thawtheina chu ka hriet chieng theina ding le a tuornahai inṭawm- puia, a thinaa ama ang ka hung ni theina dingin;

KOLOSSA 1:16

Amaa chun iengkim siem a ni sih a; vâna umhai, hnuoia umhai leh, hmu thei lo le hmu theihai le chun, lalṭhungphahai khawm, rorêlnahai khawm, inlalnahai khawm, thunei- nahai khawm, iengkim amaa chun, ama ta ding bawka siem a nih.

KOLOSSA 3:1

Chuongchun, Krista kuomah keithoin in um ve ta chun, chung tieng, Pathien changtienga ṭhung Krista umnaa thil umhai chu zawng ro;

HEBRAIHAI 1:3

Ama chu a Pathien ropuina var le, a tak angpui ngei leh, ama thil- thawtheina thuah iengkim tungding- tu niin, suolhai a sukthieng hnungin chung tienga Ropuitak changtienga khin a hang ṭhung a.

HEBRAIHAI 10:12

ama ruok hi chu, chatuona dingin suolhai ta dinga inthâwina ṭum khat chau ân hlân hnungin, Pathien changtieng a hang ṭhung ta lem a.

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thu- thlungna thisen zâra mithi laia inthawka ṭhuoi suok nâwktu inrem- na Pathien khan,

HEBRAIHAI 2:9

Nisienlakhawm, Isu vântirkohai nêka inhnuoia siema la um hri chu thina tuor leia ropuina le chawi- mawina inkhumtira umin ei hmu ta lem a nih; Pathien lunginsietna leia thîna chu mi tin ân tempêkna dingin.

1 PETER 1:3

Ei Lalpa Isu Krista Pathien le Pa chu inpâkin um raw se. Ama chun, a lunginsietna nasatak angin, mithi laia inthawka Isu Krista thonâwkna leiin beiseina hring hmu dingin nauvin a mi nei nâwk a,

THUPUONGSUO 1:17

Ama chu ka hmu phingleh thi ang dêrin a ke bulah ka tlu tah a. Ama chun a kut changtieng chu ka chunga innghatin,ka kuomah, “Ṭi naw rawh; kei Hmasatak le, Nu- hnungtak le,