EPHESI 1:19 - Pathien Lekhabu Inthieng (BSI)

¹⁹ ama kona beiseina dâm, mi inthienghaia chun a ro hluo ding ropui hauzie dâm, a thahrui hrâtna thaw zie ang peia, keini a ringtuhai tienga a thilthawtheina inkhi ruolloa lien Krista chunga a thaw —

EPHESI 1:19 ပူးပေါင်းရင်းမြစ်များ

ISAI 53:1

Kan thuhril tuin am a ring a? LALPA kut chu tu kuom am ân lang a?

JOHAN 3:6

tisaa pieng taphawt tisa a nih, Thlaraua pieng taphawt chu thlarau a nih.

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:16

Chanchin Ṭha chu kân zâpui si nawh a, tûkhawm a awihai po ta dinga sandamna dinga Pathien thilthawtheina a ni sih a; a phutin Juda mi ta dingin, chun, Grik mihai ta ding khawmin a hung nih.

2 KORINTH 4:7

Nisienlakhawm, thilthawtheina nasatzie chu keini kuoma inthawk ni loin, Pathien ta a ni thei lemna dingin, chu ro chu pil bêlahai kan kawl a nih.

2 KORINTH 5:17

Chuleichun, tûkhawm Kristaa a um chun thilsiem thar a hung ni tah a; thil hluihai chu a bo tah a, ngai ta u, a hung thar tah.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni sih a, chu thil ṭha thaw chu ei umna dingin Pathienin a buotsai lâwk a nih.

EPHESI 3:20

Chuongchun, einia thaw hlak thilthawtheina ang peiin, ei hni le ei ngaituo po po nêka nasa lema thaw theitu kuoma ngei chun,

EPHESI 3:7

A thilthawtheina thaw zie anga, a thlâwna a pêk, Pathien lungin- sietna chu a mi pêk ang peia, chu Chanchin Ṭha rawngbâwltua siem ka nih.

EPHESI 6:10

A tâwp taka chun Lalpaa le a hrâtna thahruia chun thilthawtheina neiin um ro.

PHILIPPI 2:13

ama lâwmna dinga thaw tum ding le thaw dinga nangnia sin thawtu chu Pathien a ni sih a.

PHILIPPI 3:21

Ama chun a sinthawin iengkim khawm ama thu thuin ân umtir thei, chu thawzie ang pei chun ei tlâwmlai taksa hi, ama taksa ropui anga um dingin siem ṭha nâwk a tih.

KOLOSSA 1:29

chuong anga inngîrtir thei dingin, nasataka keimaa sin a thaw, chu a sinthaw ang peia thaw ṭâlin, ka thaw hrim bawk hlak a nih.

KOLOSSA 2:12

Baptismaa chun a kuoma phûm in lo ni ve ta sih a, chu bawka chun mithi laia ama keithotu Pathien sinthaw awi leia a kuoma keitho in ni ve kha.

1 THESSALONIKA 1:5

khânga kan Chanchin Ṭha chu thu chaua tlung loa, thilthawtheina le Thlarau Inthieng le nasataka ring tlatna leh a hung tlung lem kha. Nangni hma sielin in chungah ieng ang mi am kan lo ni ta kha in hriet sih a.

2 THESSALONIKA 1:11

Chuong anga chawimawi le makti a ni theina dingin, ei Pathienin a kona cheua chun ko tlâk nia a ruot theina ding cheu le, ṭhat nuomna tinrênga le ringna sinthaw tinrênga thilthawtheinaa ân hlawtlingtir theina ding cheuin kan ṭawngṭaipêk rawp cheu a ni hi.

JAKOB 1:18

A thilsiemhai hma ṭhuoitu ang ei lo ni theina dingin ama dit zâwngin thutaka inthawkin a mi nei a nih.

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni sih a. Amen.