EPHESI 1:17 - Pathien Lekhabu Inthieng (BSI)

¹⁷ ei Lalpa Isu Krista Pathien, ropuina Pa chun, ama hrietna kawngah, varna le hriet chiengna thlarau a pêk theina ding cheuin.

EPHESI 1:17 ပူးပေါင်းရင်းမြစ်များ

1 CHANCHIN SUINA 29:11

Aw LALPA, ropuina dâm, thil- thawtheina dâm, chawimawina dâm, hnena dâm, inlalna dâm i ta an na; hnuoi le vâna um po pohai chu i ta an ni vawng sih a; Aw LALPA, lalram chu nangma ta a na, mi po po chungah nang chu lu anga chawi- mawiin i um hi.

JOB LEKHABU (THE BOOK OF JOB) 42:5

Naa hrietna chun nangma chu ka hriet ta cheh a, Tu ruok hin chu ka mit hin a hmu che a ni hi.

INPÂKNA HLABU 24:10

Chu Ropuina Lal chu tu am a na? Sipaihai LALPA chu, Ama ngei hi Ropuina Lal chu a nih.

INPÂKNA HLABU 24:7

Aw kul kawtkhârhai, in lu chung kha dawm sâng unla, Nangni kawtkhâr hlunhai, inkhai sâng ro: Chuongchun, ropuina LALPA hi a hung lût ding a nih.

INPÂKNA HLABU 29:3

LALPA râwl chu tuihai chunga chun ân rih a, Ropuina Pathien chu a hung inri dur dur a, LALPA ngei chu tui tamtak chunghaia chun a hung in- rih a,

FESUOKNA 28:3

Mi, lungrila varna nei, varna thlaraua ka suksiphai po chu, Aron silfênhai siem dingin hril rawh, ama chu thiempu sina ka kuoma rawng a bâwl theina dinga inhlânthieng a ni theina dingin.

THUVARHAI 18:15

Mi var lungril chun hrietna a nei a, Mi var na chun thiemna a zawng bawk.

THUVARHAI 2:5

LALPA ṭitna chu hung hre tâng i ta, Pathien hrietna chu hmu suok tâng i tih.

ISAI 11:2

chun, LALPA thlarau-varna le hriet theina thlarau, remruotna le hrâtna thlarau, hrietna le LALPA ṭina thlarau chu-a chungah fûng a tih.

JEREMIA 2:11

Hnamhai chun an pathienhai, pathien tak ni lohai hnam chu an thleng am a nih? amiruokchu, ka mihai chun, ienga khawm ṭhahnem lo le chun an ropuina chu an thleng a ni hi.

JEREMIA 24:7

An kuoma chun, LALPA ka nih ti mi hre dingin lungril pêng ka ta; chuongchun, ka mihai nîng an ta, kei khawm an Pathien nîng ka tih; an lungril po po leh ka kuomah an hung kîr nâwk ding a ni sih a.

JEREMIA 31:34

chun, mi tinin mâni tuol- bâwmhai chu inchûktir ta naw ni hai a, mâni unauhai seng leh; “LALPA chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, LALPA chun a tih: an bawsietnahai chu ngaidam ka ta, an suolna khawm hre zing ta naw ning.

JEREMIA 9:24

a suong taphawt chun hi hi suong lem raw se, kei hi LALPA lung- insietna neia, rorêla, hnuoi chunga hin felna thil thaw hlak chu ka nih ti hre a hrietthiemna chu suong lem raw se; hieng thilhaia hin ka lâwm sih a, LALPA chun a tih.

DANIEL 10:1

Persia lal Kura inlal kum thumnaa chun a hming Belte- sazzar inbûk, Daniel kuomah thil suklangin a um a, chu thil chu thil indik, indona ropuitak a na, chu thil chu a hriet a, thilhmulâwk chu hriet- thiemna a nei bawk a.

DANIEL 5:11

I rama hin mi pakhat amaa pathien inthienghai thlarau umna chu a um a; i pa damlai khawm êngna dâm, hrietthiemna dâm, pathienhai varna anga varna dâm amaa chun hmu suokin a um tah a: aw lalpa, i pa Nebukadnezzar, i pa chun ama chu mitvaidawithiemhai, aisânthiemhai, Kaldai mihai le vânghriltuhai hotuah a siem a,

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i phuong lei hin kân pâk che.

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a phuong nuom- nahai chau naw chun tukhawmin Pa chu an hriet bawk nawh.

MATTHAI 16:17

Chun, Isûn a kuomah, “Simon Bar-Jona, i hamṭha ie; tisa le thisenin ân hriettir che a ni si nawh a, ka Pa vâna mîn ân hriettir lem che a nih.

MATTHAI 20:33

Anni chun a kuomah, “Lalpa, mit var kan nuom,” an ta.

MATTHAI 6:13

Suol dinga thlêmnaa chun mi ṭhuoi lût naw la, Mi suol laka chu mi sandam lem rawh, tiin.

LUKA 12:12

chu pha taka chun, ieng am in hril ding ti Thlarau Inthieng chun hril a ti cheu,” a ta.

LUKA 2:14

“A chunghnungtakah Pathien ropuitakin um raw se, Hnuoi chunga a ilâwm bêk bêk mihriemhai kuomah inremna thu inlêng raw se,” an tih a.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni sih a.

JOHAN 14:17

chu chu Thlarau indiktak a nih; khawvêlin chu chu an nei thei nawh, ama an hmu nawh a, an hriet bawk naw leiin. Nangnîn ama chu in hriet, in kuomah a um zing lei le, nangniah a um ding leiin.

JOHAN 14:26

Chun, Thlamuongtu, Thlarau Inthieng, Pain ka hminga a hung tir ding khan, ama chun iengkim inchûktir a ti cheu a, in kuoma ka hril po po kha inhriet suoktir nâwk a ti cheu.

JOHAN 16:3

Chuong thil chu thâwng an tih, Pa le kei an mi hriet naw leiin.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

JOHAN 20:17

Chun, Isûn a kuomah, “Mi chel naw rawh, tu chen khawmin Pa kuomah ka la hang fe nawh; amiruokchu, ka unauhai kuomah va fe la, an kuomah, ‘Ka pa, in Pa, Ka Pathien, in Pathien kuomah ka lâwn ding a nih,’ a tih, va ti rawh,” a ta.

THILTHAWHAI 6:10

Nisienlakhawm, a varna le a hrilpuitu Thlarau chu an letthlâk thei nawh a.

THILTHAWHAI 7:2

Chun, Stephan chun, “Unauhai, pahai ngai ta u, ei thlatu Abraham Harana a um hmaa, Mesopotamia rama a um lai khan Ropuina Pathien chu a kuomah a hung inlâr a,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:28

Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan tah a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:6

ei Lalpa Isu Krista Pathien le Pa chu, lungril hmunkhat le inthuruola in chawimawi theina dingin.

1 KORINTH 12:8

Mi pakhat kuomah Thlaraua chun varna thu pêk a nih; mi dang kuomah chu Thlarau thu ma chun hrietna pêk a nih;

1 KORINTH 14:6

Tuhin, unauhai, ṭawng hriet- lohaia thu hrilin in kuomah hung ta ang lang, inhriettirna tieng amanih, hrietna tieng amanih, thu hrilna tieng amanih, inchûktirna tieng ama- nih in kuomah ka hril si naw chun ieng am ka sukṭhathnemna ding cheu a um a?

1 KORINTH 2:10

Keini ruok chu chuong chu Pathienin Thlarauin a mîn hriettir tah a nih; Thlarau chun iengkim a suisuok hlak sih a; anih, Pathien thu inril khawm.

1 KORINTH 2:8

Chu chu hi khawvêl rorêltuhai hrim hrimin an hriet nawh, hre hai sien chu ropuina Lalpa chu hemde naw ni hai.

2 KORINTH 12:1

Ka suong hrim hrim ding a nih, ṭhat chu a ṭha nawh a, nisienlakhawm, Lalpa kuoma in- thawka inlârna le inhriettirna thu hril kai pei el ka tih.

EPHESI 1:3

Ei Lalpa Isu Krista Pathien le Pa chu inpâkin um raw se. Ama chun vân hmunhaia thlarau tieng mal- sâwmpêkna tinrêngin Kristaa chun mal a mi sâwm a.

EPHESI 3:5

Chu chu tulaia a tirko inthieng- hai le zâwlnei inthienghai kuoma Thlarau inhriettirin a um ta ang hin, tuta hma tieng khan mihriem nauhai kuoma inhriettirin a um ngai nawh.

EPHESI 4:13

ringna le Pathien Naupa hrietna kawnga chun thukhat vuoa puitlinga, Krista famkimna lienzie tluka ei rênga ei hung um theina dingin.

PHILIPPI 3:15

Chuongchun, puitling taphawt chu chuong ang lungril putin um ei tiu; chun, ieng kawnga khawm lungril danglam put in lo ni chun, chu khawm chu Pathienin lân hriettir a ti cheu.

2 TIMOTHE 2:25

ama do dinga insiemhai chu thuhnuoirawl takin ân chûktir lem ding a nih; chuongchun, sima thutak an hung hriet theina dingin Pathienin hun remchâng a pêk el thei a nih;

TITA 1:1

Paula Pathien suok, Pathien ithlanghai ringna kawnga le, Pathien ngaisak tieng thutak hrietna kawnga Isu Krista tirko bawk chun:

JAKOB 2:1

Ka unauhai, ei Lalpa Isu Krista, Ropuina Lalpa, ring si chun mi thlier bîk nei naw ro.

2 PETER 1:3

Ama ropuina le ṭhatna zâra a mi kotu, a chanchin hriet leiin a Pathien thilthawtheinain hringna le Pathien ngaisakna kawnga chun thil po po a mi pêk sih a.

2 PETER 3:18

Amiruokchu, ei Lalpa le San- damtu Isu Krista lunginsietna le hrietnaa chun inṭhang lien ro. Tuta le chatuon chenin ama kuoma chun ropuina um raw se. Amen.

THUPUONGSUO 7:12

“Amen, malsâwmna dâm, ropuina dâm, varna dâm, Lâwmthu hrilna dâm, chawimawina dâm, Thilthawtheina dâm, hrâtna dâm, Chatuonin ei Pathien kuomah um raw se, Amen” tiin Pathien chibai an bûk a.