DÂN PAHNINA 7:9 - Pathien Lekhabu Inthieng (BSI)

⁹ Chuleiin, LALPA in Pathien chu Pathien a nih ti hre ro; Pathien ringum, ama hmangaia a thu zâwmtu chunga suon sâng chena thuthlung le lunginsietna innghat zing a,

DÂN PAHNINA 7:9 ပူးပေါင်းရင်းမြစ်များ

INṬANNA 17:7

Chun, kei le nang le i hnunga i thlahai an thla sâwng peihai chen inkârah kumkhaw thuthlung dingin ka thuthlung hi sukdet ka tih, i ta ding le i hnunga i thlahai ta dinga Pathien ka nina dingin.

INṬANNA 28:15

Ngai ta, i kuomah ka um a, i fena taphawtah vêng pei ka ti cheh a, hi rama hin ṭhuoi kîr nâwk ka ti che: i kuoma ka hril hi ka thaw hmakhat chun thlathlam naw ning che,” a tih a.

INṬANNA 9:15

kei le nangni le tisa po po laia thilsiem hringna nei tinrêng inkâra ka thuthlung hi hre zing ka tih. Chuongchun, tui chu tisa po po sukbohmang dingin hung lêt nâwk ta naw nih.

1 LALHAI 8:23

“Aw LALPA, Israelhai Pathien, i siehlaw an lungril po poa um ṭhahai kuoma thuthlung hlena lunginsietna suklang hlaktu, i siehlaw ka pa David kuoma thutiem hlentu, chungtieng vâna le hnuoitieng hnuoia hin nangma ang hi Pathien dang hrim hrim an um dêr nawh;

1 CHANCHIN SUINA 16:15

A thuthlung chu kumkhuoin hre zing unla, Suon sâng khat chena a thu lo pêk chu.

2 CHANCHIN SUINA 6:14

“Aw LALPA Israelhai Pathien, an lungril po poa i hmaa khawsa hlakhai i siehlawhai chunga zângai- na le thuthlung kawl zingtu nang ang hi, hnuoi le vâna khawm Pathien dang an um dêr nawh a;

NEHEMIA 1:5

“Aw LALPA, vân Pathien, Pathien ropui le ṭium, nangma hma- ngaia i thupêk pawmtuhai chunga thuthlung hlena lunginsietna suk- langtu,

NEHEMIA 9:32

Chuleiin, kan Pathien, Pathien ropui, iengkim thawthei le ṭium, thuthlung hlena lunginsietna suk- langtu chun keini chunga le kan lalhai, kan mi lienhai dâm, kan thiempuhai dâm, kan zâwlneihai dâm, kan pi le puhai le i mihai po po chungah, Assuria lalhai inlal laia inthawka tu chena rinumna hung tlung zozai hi thil chîn thamah ngai nawh rawh.

INPÂKNA HLABU 103:18

A thuthlung zâwm taphawt le, A thuhrilhai awi tuma hre zinghai taphawt chunga chun.

INPÂKNA HLABU 105:8

A thuthlung chu kumkhuoin a hriet hlak a, Suon sâng khat chena a thu lo pêk chu;

INPÂKNA HLABU 119:75

Aw LALPA, i rorêlhai chu a fel ti le, Nang chun ringumtakin a nih i mi sukrinum chu ti ka hriet.

INPÂKNA HLABU 146:6

Ama chu hnuoi dâm, vân dâm, Tuisuoriet dâm le an sûnga um po po siemtu a nih; Ama chun thutak kumkhuoa dingin a vawng ṭha hlak a nih.

INPÂKNA HLABU 36:6

I felna chu Pathien tlânghai ang a na, I rorêlhai chu tui inthûk lientak ang a nih; Aw LALPA, mihriem le sa khawm i humhim hlak.

FESUOKNA 20:6

a mi hmangaituhai le ka thupêk hai zâwmtuhai sâng tamtak chunga zângaina inentirtu chu ka ni sih a.

ISAI 49:7

LALPA Israelhai intlantu le an Mi Inthieng chun, nasataka hmusita um le hnamhai iten, rorêltuhai sie- hlaw kuoma chun hieng ang hin a hril, “LALPA ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

JEREMIA 32:18

nang chun sâng kuoma zâ- ngaina inentira, pahai suolna chu an nauhai ângsûnga thungna petu, Pathien thilthawthei, ropui le, sipai- hai LALPA chu a hming a nih;

ṬAP HLA 3:23

Zîng tinin an thar a; i ringumna chu a ropui a nih.

DANIEL 9:4

LALPA ka Pathien kuoma chun ka ṭawngṭai a, thuphachawina dâm ka siem a, “Aw LALPA, i thupêkhai kawltu le, nangma hmangaituhai kuoma zângaina le thuthlung kawltu Pathien ṭiumtak le ropui;

NAMBAR 14:18

‘LALPA chu lung inuoitak, zainêmna hau, rîtlonahai le bawsiet- nahai ngaidam hlak, thiemlo changhai insuoktir el ngailo, pahai rîtlona leia nauhai, nauhai nau nâwk chen, suon thumna le suon lina chen khawma hrem hlak a nih,’ ti kha.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:28

Chun, Pathien hmangaituhai amain a ruot anga a kohai ta ding chun, an ṭhatna dingin iengkimin a thawpêk hlak ti ei hriet a.

1 KORINTH 1:9

Pathien a Naupa ei Lalpa Isu Krista pâwlnaa ko lûttu cheu kha ring a um a nih.

1 KORINTH 10:3

an rêngin thlarau tieng bu hmunkhat khawm an fâk seng a,

1 KORINTH 8:3

amiruokchu, mi tûkhawmin Pathien a hmangai chun, chu ngei chu ama ihriet a nih.

2 KORINTH 1:18

Iengkhawm ni raw se, Pathien a ringum angin, nangni tienga ka thu hi “A nih” ti le, “A ni nawh,” ti a ni ve ve si nawh.

DÂN PAHNINA 32:39

“Kei, keima ngei ka ni hre unla, Pathien dang an um nawh; Ka sukhlum hlak a, ka sukhring bawk hlak; Ka sukhliem hlak a, ka sukdam bawk hlak; Ka kuta inthawka mi lapêk thei hrim hrim an um nawh.

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

DÂN PAHNINA 4:35

LALPA chu Pathien a nih ti in hriet theina dingin in kuoma suklang a na; ama naw chu a dang hrim an um nawh.

DÂN PAHNINA 4:39

Chuleiin, tuhin in lungrilah vawng unla, chungtieng vâna le hnuoitieng leihnuoia hin LALPA chu Pathien a nih ti hre ro; a dang hrim an um nawh.

DÂN PAHNINA 5:10

mi hmangaia ka thupêkhai pawmtu sâng tamtakhai chunga ruok chu lunginsietna inlangtir hlak ka ni hi.

1 THESSALONIKA 5:24

A kotu cheu chu ring a um a, thaw khawm thaw ngei bawk a tih.

2 THESSALONIKA 3:3

Amiruokchu, Lalpa chu ring a um a, ama chun sukdetin mi suolhai lai chun hum a ti cheu.

2 TIMOTHE 2:13

Eini ringum loin um inla khawm, Ama chu ringumin a um zing a nih; Ama le ama ân phat thei si nawh a,” ti hi.

TITA 1:2

Chatuona hringna beiseina chu Pathien khêl hril thei naw chun leilung insieng hmain a tiem a;

HEBRAIHAI 10:23

Inhnîng lovin ei beisei thuring hi pawm tlat ei tiu; thutiemtu chu ring a um sih a.

HEBRAIHAI 11:11

Ringnain Sara ngei khawmin, a tiemtu chu ringuma a ruot leiin tar ta hnungin chi pai theina a hmuh a.

HEBRAIHAI 6:18

Pathien inkhêl ruol a ni nawna, thil danglam thei naw pahni leiin, eini, insanhimna dinga ei hmaa beiseina um chel dinga tlânhai in- fuina nasatak ei nei theina dingin.

JAKOB 1:12

Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangai- tuhai kuoma a tiem chu a hmu ding a ni si.

1 JOHAN 1:9

Ei suolhai thupha ei chawi chun, ei suolhai ngaidam ding le, ei felnaw- na po po sâwpfai dingin ama chu ring a umin a fel a nih.

RORELTUHAI 2:1

Chun, LALPA vântirko Gilgala inthawkin Bokimah a hang feh a. Ama chun, “Aigupta rama inthawk khan kân suoktir cheu a, in thlatuhai kuoma inkhâma ka ilo tiem tah rama khan ka ṭhuoi lût cheu a; ‘In kuoma thu ka ithlung kha bawse naw tawp ka tih;

RORELTUHAI 5:31

Chuong ang chun aw LALPA,i hmêlmahai po po chu bohmang vawng hai sien, Nangma hmangaituhai ruok chu hrâttaka fe nisa ang hi ni raw hai se,” tiin. Chun, ram chu kum sâwmli sûng râlmuongin a um a.