DÂN PAHNINA 4:9 - Pathien Lekhabu Inthieng (BSI)

⁹ Iengkhawm ni sienla, fîmkhur unla, nguntakin inenkawl phawt el ro, chuong naw chun, in mita in thil hmuhai chu theinghil in ta, in dam sûngin in lungrila inthawk chun bo hlau rawi a tih; in nauhai le in tuhai chen khawm inchûktir ro.

DÂN PAHNINA 4:9 ပူးပေါင်းရင်းမြစ်များ

INṬANNA 18:19

LALPA lampui an hraw theina dingin, a hnunga a nauhai le a sûng- hai, thil feltaka thaw ding le rorêl anga thaw dinga thu a pêk theina dingin ama chu ka ruot ta sih a, a chungchâng thu a hril chu LALPAIN Abraham chunga ân tlungtir theina dingin,” a ta.

INPÂKNA HLABU 119:11

I chunga thil ka suksuol nawna dingin, I thu chu ka lungrilah kân khâwl khâwm a.

INPÂKNA HLABU 71:18

Anih, aw Pathien, ka hung tar a, ka lu a hung inṭuok pha khawm mi mâksan lul naw la, I hrâtna hi ruolthar nâwkhai kuoma le I thilthawtheina hi la hung um dinghai taphawt kuoma kân hriettir hmakhat chu.

FESUOKNA 10:2

anni lai ngeia inchikna ka thawhai le, Aigupta mihai chu ieng angin am an chungah thil ka thawha ti i naupa le i tupa hrieta ngei khawm i hril theina dingin le; LALPA chu ka ni ngei ti i hriet theina dingin, ti rawh,” a tih a.

FESUOKNA 23:13

I kuoma ka hril ta po po hi pawisa la, pathien danghai hming hrim chu lam naw la, i baua inthawkin hriet khawm ni bawk naw raw se.

THUVARHAI 1:8

Ka naupa, i pa inchûktirna hi ngai la, I nu inchûktirna chu nghatsan naw rawh;

THUVARHAI 23:26

Ka naupa, i lungril mi pe ta, Chun, ka lampuihaia chun i mithai khawm chu fu bawk raw se.

THUVARHAI 3:21

Ka naupa, i mithmuhaia inthawk chun anni chu infehmangtir naw la, Ngairuotthiemna le varna hrisêl chu kawl tlat rawh.

THUVARHAI 7:1

Ka naupa, ka thu hi kawl la, Ka thupêkhai hi nangmaa chun siekhâwl rawh.

ISAI 38:19

Mi hringin, mi hringin, anni ngei chun vawisûna ka thaw ang hin inpâk an ti che; Pa chun a nauhai kuomah i thutak chu inhriettir a tih.

ISAI 42:20

Thil tamtak i hmuh a, nisien- lakhawm, i lungrilah i vawng zing ngai nawh a, nahai chu ân âwng a, anachu a hriet ngai nawh.

JEREMIA 17:21

LALPA chun hieng hin a tih: In hringna thuah fîmkhur unla, châwlni chun phur phur naw unla, Jerusalem dai kawtkhâra chun hung la lût bawk naw ro;

LUKA 8:18

Chuongchun, ieng angin am in hriet fimkhur ro; tûkhawm a nei taphawt chu pe sâng an ta, tûkhawm a nei naw taphawt chu a nei suna a ruot khawm chu lâkpêk an tih,” a ta.

EPHESI 6:4

Chun, nangni pahai, in nauhai suklungsen naw unla, Lalpa thunun- na le kâwknaa chun enkawl lem ro.

DÂN PAHNINA 11:19

Chuong chu in nauhai inchûktir in ta, in ina in ṭhung lai dâmin, lampuia in fe lai dâmin, in zâl lai dâmin, in tho pha khawm in hril hlak ding a nih.

DÂN PAHNINA 12:1

“LALPA in pi le puhai Pathien- in a pêk cheu ram in hluo a, hnuoia in um sûnga fîmkhurtaka in zâwm ding thuruothai, rorêl dânhai chu hieng hi a nih.

DÂN PAHNINA 16:3

Chawl ṭhang bei leh in fâk ding a ni nawh a; in dam sûng poa Aigupta rama inthawka in suok ni chu in hriet zing theina dingin ni sari sûng chawl ṭhanglo rinumna bei leh in fâk ding a nih, Aigupta rama inthawk khan inhmâwtaka suok in ni kha.

DÂN PAHNINA 17:19

kawl a ta, a dam sûng chun a tiem rawp hlak ding a nih, hieng dân le hieng thuruothai po po hi pawma, zâwma thaw dinga LALPA a Pathien ṭi dân ân chûk theina dingin;

DÂN PAHNINA 29:29

Thil inthuphai chu LALPA ei Pathien ta a na, thil suklanghai ruok chu hi dân thu po po hi ei zâwm theina dingin eini le ei thlahai ta kumkhuo ding a nih.

DÂN PAHNINA 31:19

Chuleiin, hla hi in ta dingin ziek la, Israel thlahai chu inchûktir rawh; Israel thlahai chungchâng thuah hi hla hi a mi hrietpuitu a ni theina dingin invawntir rawh.

DÂN PAHNINA 32:46

“Tuta in kuoma ka thu in- hriettira cheu hin, in lungril innghat tlat unla, hieng dân thuhai po po hi fîmkhurtaka zâwm dingin in nauhai chu thu pe ro.

DÂN PAHNINA 4:10

“Horeb tlânga LALPA in Pathien hmaa ngîr a, LALPAIN ka kuomah, ‘Mipuihai chu mi ko khâwm pêk rawh, hnuoia an um sûng poa mi ṭi dân an inchûk theina dingin an nauhai inchûktir dingin ka thuhai lo inhriettir ka tih,’ a mi ti ni khawm kha theinghil rawi in tih.

DÂN PAHNINA 4:15

“Chuleiin, fîmkhur hle ro; Horeb tlânga meia inthawka LALPA- IN a hung biek ni cheu khan hmêl- hmang iengkhawm in hmu si nawh a;

DÂN PAHNINA 4:23

Fimkhur hle ro, chuong naw chun, LALPA in Pathien thuthlung in kuoma a thlung chu theinghil rawi in ta, LALPA in Pathienin ieng angpui khawma siem a phal naw milimhai dâm insiem fâwm pal rawi in tih.

DÂN PAHNINA 6:12

fîmkhur hle el ro; chuong naw chun, Aigupta rama inthawka suoka inthawka ṭhuoi suoktu cheu LALPA chu theinghil el rawi in tih.

DÂN PAHNINA 6:2

nangni le in naupasalhai, in tupahaiin LALPA in Pathien chu an ṭih a, an dam sûng po poa a thu- ruothai po po le a thupêk cheu hi in zâwmna ding le in chêng sâwt theina dingin.

DÂN PAHNINA 6:20

“Chun, in unauhaiin ‘LALPA ei Pathienin thu a pêk cheu thuin- hriettir dâm, thuruot dâm, rorêl dam chu iengtizie am a nih a?’ tih a na- kie hun tienga an la hung indawn cheu chun, nangnîn in nauhai kuomah,

DÂN PAHNINA 6:7

in nauhai ṭhahnemngaitakin in- chûktir in ta, in ina in ṭhung lai dâm, lampuia in fe lai dâm, in zâl lai dâm, in tho huna khawm in hril hlak ding a nih.

DÂN PAHNINA 8:11

“A thupêkhai, a thuruothai, a rorêlhai, vawisûna ka pêk cheu hi zâwm loin LALPA in Pathien chu theinghil khat rawi in tih, fîmkhur ro;

DÂN PAHNINA 8:14

in lungril hung chapo a ta, suoka inthawka Aigupta rama in- thawka ṭhuoi suoktu cheu LALPA in Pathien theinghil el in ti kha.

HEBRAIHAI 2:1

Chuleiin, naa ei ihriethai kha ṭhahnemngaitakin ei pawisa nâwkzuol ding a nih, chuong naw chun, intawl hmang hlau rawi ei tih.

HEBRAIHAI 2:3

hieng ang lâwma sandamna ropui hi inthlathlam inla, iengtin am tlân suok thei hlak ei ta? Chu Sandamna thu chu Lalpa hmanga a tîra hril a ni tah a, a hretuhai chun an mi sukdet pêk pei a.

JAKOB 2:22

Ringna chun a thilthaw leh a thaw hmunkhat a, chun, thilthaw leiin a ringna chu a famkim tah ti i hriet.

JOSUA 1:18

Tukhawm i thupêk chunga hela, thu i pêk taphawt zâwm nuom lo chu sukhlum ding nîng an tih, hrâttak le huoitakin um phawt el rawh,” tiin.

JOSUA 23:11

Chuongchun, LALPA in Pathien chu hmangai dingin fimkhur ṭha hle ro.

JOSUA 4:21

Chun, Israel thlahai kuoma chun thu a hril a, “Nakie phaleh in thlahaiin an pahai, ‘Hieng lunghai hi ieng inentirna am a na?’ tia an la hung indawn pha chun,

THUPUONGSUO 3:3

Chuongchun, i changta le i hriet ta kha hre zing rawh; chun, chu chu pawm la, sim rawh. în vêng naw chun inru angin hung ka ta, ieng hun âm ka hung phâwk ding che hre si naw ti nih a.

RORELTUHAI 3:7

Chun, Israel thlahai chun LALPA mithmuah thil suol an lo thawh a, LALPA an Pathien chu an theinghil a, Baalhai le Aserah rawng an bâwl a.

RORELTUHAI 8:34

Chun, Israel mipui chun an vêla hmêlmahai po poa inthawka san- suoktu LALPA an Pathien chu an hriet ta nawh a;