DÂN PAHNINA 4:2 - Pathien Lekhabu Inthieng (BSI)

² LALPA in Pathien thupêk ka pêk cheu hi in pawm theina dingin, thu ka pêk cheu hi in belsa ding a ni nawh a, in suktlâwm ding a ni bawk nawh.

DÂN PAHNINA 4:2 ပူးပေါင်းရင်းမြစ်များ

INPÂKNA HLABU 78:7

An beiseina chu Pathienah an innghat theia, Pathien thilthawhai chu an theinghil nawha, A thupêkhai chu an zâwm lemna dingin;

THUVARHAI 30:6

A thuhai chu nang chun belsa naw la, Kâwk rawi a ti cheh a, khêlinhlip i nih ti hmu suok ni rawi a tih.

THUHRILTU 12:13

Hi hi thil tâwp chu a nih; thil po po chu hriet a ni tah a; Pathien ṭî la, a thupêkhai chu zâwm rawh; hi hi mi- hriem thilthaw ding pumpui chu a nih.

JEREMIA 26:2

“LALPA chun hieng hin a tih: LALPA in huon tuollaia chun ngîr la, an kuoma thuhril ding ka thupêk po po che chu, LALPA ina Pathien be dinga hung khâwm, Juda khawpui- hai po po kuoma chun hril rawh; thu khat chau khawm ip naw rawh.

MATTHAI 5:18

Titakzetin ka hril cheu hi, hnuoi le vân hi a bo hmakhat chun Dân thua sunhâng chite amanih, thai- hâng chite amanih, pakhat khawm, bo naw tawp a tih, a rênga a tlung kim hmakhat chun.

MATTHAI 5:43

“ ‘I vênghai hmangai la, i hmêl- ma theida rawh,’ an tih ti in hriet tah.

GALATI 3:15

Unauhai, mihriem angin ka hril hi, mihriem thuthlung khawm ni sien la, sukdet ta hnungin an sût nâwk ta ngai nawh a, bel khawm an belsa ngai bawk nawh.

DÂN PAHNINA 1:3

Kum sâwmli kum, thla sâwmpa- khatna, chu thla ni khat ni chun, LALPAIN anni hril dinga thu a pêkhai po po chu Israel thlahai kuoma chun Mosien a hril a.

DÂN PAHNINA 12:32

“Thaw dinga thu ka pêk ta- phawt cheu chu in thaw ding a na, in belsa ding a ni nawh a, in suktlâwm ding a ni bawk nawh.

DÂN PAHNINA 13:1

“Nangni lai zâwlnei amanih, mang neitu amanih an hung um a, inchikna amanih, thilmak amanih an inentir cheu a,

DÂN PAHNINA 33:4

Mosie chun dân a mi pêk a; Jakob mipuihai ta dingin ro hluo ding,

DÂN PAHNINA 4:14

Chun, chuong lai chun hluo dinga in va kaina rama in zâwm dingin dânhai le rorêlhai inchûktir dingin LALPAIN thu a mi pêk a.

DÂN PAHNINA 4:40

Kumkhuoa dinga LALPA in Pathienin a pêk cheu rama chun nangni le in thlahai ta dinga ṭha le in chêng sâwt theina dinga thuruothai le thupêkhai, tuta ka pêk cheu hi in zâwm ding a nih,” ti hi.

DÂN PAHNINA 4:5

Ngai ta u, in va hluo ding rama khawm in zâwm pei dingin LALPA ka Pathienin thu a mi pêk ang takin dânhai le rorêlhai chu kân chûktir cheu a.

DÂN PAHNINA 5:29

Chuong ang lungril chu put hlak hai sien chu aw, mi ṭîng an ta, ka thupêkhai chu zâwm rawp an ta, anni le an nauhai khawm kumkhaw- tluongin an tluongtlung hle ding bah!

DÂN PAHNINA 5:32

Chuleiin, LALPA in Pathienin thu a pêk cheu anga thaw dingin fîmkhur ro; changtienga manih, vawitienga manih in pêt ding a ni nawh.

JOSUA 1:7

Ka siehlaw Mosiein dân po po zâwm dinga a pêk che kha zâwm tlat dingin hrâttak le huoitakin um phawt el rawh. I fena taphawta i tluongtlung peina dingin i changtieng amanih, i vawitieng amaniha khawm pêtsan dêr naw rawh.

JOSUA 8:35

Mosie thupêk ang po po chu Israel pungkhâwm po pohai le nu- hmeihai le naupang chite tehai le anni laia hnam dang chêng vehai hrieta chun Josua chun tiem ṭhel hrim hrim a nei nawh.