DÂN PAHNINA 3:4 - Pathien Lekhabu Inthieng (BSI)

⁴ Chu ṭum chun a khuo po po, khuo sâwmruk, Basana Og ram Argob ram po po chu ei lâk vawng a; ei lâkpêk naw khuo pakhat bêk khawm a um nawh.

DÂN PAHNINA 3:4 ပူးပေါင်းရင်းမြစ်များ

1 LALHAI 4:13

Ramoth-gilead khuoah Ben- geber, ama chun Manasse naupa Jair khuo, Gilead rama umhai chu a chang sah a; Basan rama Argob biel, khaw ropuitak tak khaw sâwmruk, kul le a kalna dâr tluon neihai khawm a chang sah a;

JOSUA 12:4

chun, Astaroth le Edrei khuoa um Rephaim hnam la um sunhai laia chun Basan lal Og chu ân lal a.

NAMBAR 21:35

Chuongchun, ama khawm, a naupasalhai khawm, hla hrim hrim nei loin a mihai leh an that a; a ram chu an hluopêk tah a.

DÂN PAHNINA 3:3

Chuongchun, LALPA ei Pathien chun Basan lal Og khawm a mihai po po leh ei kutah a pêk a; chuongchun, pakhat bêk khawm hlapêk loin ei that a.

DÂN PAHNINA 3:5

Hieng khuo po po hi kul in- sângtak tak, kawtkhâr le kalna nei vawng a nih, kul nei lo khuo tamtak tiem lo khawma.

DÂN PAHNINA 3:13

Gilead ram la um po le Og ram Basan po po chu Manasse hnam zâtvehai ka pêk a; Argob ram po po le Basan ram po po chu. (Hi hi Repha mihai ram an ti bawk hlak a.

DÂN PAHNINA 3:14

Manasse naupa Jair chun Argob ram po po Gesur mihai le Maakat mihai ram chenin a lâk a; chuongchun, Basan chu, ama hming chawiin Havot-Jair a ta, tu chen hin an la ti zing.)

DÂN PAHNINA 4:47

A ram le Basan lal Og ram, nisa suokna tienga Amor mihai lal pahni ram chu an hluo a,