DÂN PAHNINA 2:9 - Pathien Lekhabu Inthieng (BSI)

⁹ Chun, LALPAIN ka kuoma, ‘Moab mihai chu sukbuoi naw unla, râl thawin thaw naw ro; an ram chu in puola dingin ka pêk naw ding cheu a nih, Lota thlahai puolah Ar chu ka pêk tah a nih.

DÂN PAHNINA 2:9 ပူးပေါင်းရင်းမြစ်များ

2 CHANCHIN SUINA 20:10

Tuhin, ngai ta, Ammon le Moab thlahai le Seir tlâng Aigupta rama inthawka an hung suok laia nangin Israel mihai inrûntir lo le, insuk- siettir lo a i în umtirhai khan,

INPÂKNA HLABU 83:8

Assuriahai khawm anni tieng an ṭhang veh a, Lota thlahai chu an ṭhang- pui a,

ISAI 15:1

Moab ram phurrik chu. Zân khat kârin Moab rama Ar khuo chu suksietin a um a, iengkhawm ni loa siemin a um ta sih a; zân khat kârin Moab rama Kir khuo chu suksietin a um a, iengkhawm ni loa siemin a um ta sih a.

NAMBAR 21:15

Ar umna tienga thle, Moab rama innghat Ruom pangpêrhai chu,” tiha hril a nih.

NAMBAR 21:28

Hesbona inthawkin mei a suok a, Sihon khawpuia inthawk chun meichawk, Moaba Ar a kâng zo a.

NAMBAR 22:4

Chuongchun, Moab mihai chun Midian mi upahai kuomah, “Hieng mipuihai hin bâwngin hlohna an pet zo angin ei vêla mi po po an pet zo ding annâwm,” an ta. Chuong lai chun Zippor naupa Balak chu Moab lal a nih.

DÂN PAHNINA 2:29

Jordan ka kân a, LALPA kan Pathienin a mi pêk ram lût hmakhata Seira um Esau thlahai le Ar-a um Moab mihai mi thaw ang khan,’ tiin.

DÂN PAHNINA 2:5

Anni chu thaw naw ro. An ram chu a khâwlai khawm kephaa sir khawp chau khawm ka pêk naw ding cheu a nih; Seir tlâng chu ama chanpuol dingin Esau ka pêk tah a nih.

RORELTUHAI 11:15

a kuomah, “Jepthah chun hieng ang hin a tih, ‘Israelhaiin Moab ram an lâkpêk nawh a, Ammon mihai ram khawm an lâkpêk bawk nawh;

RORELTUHAI 11:17

Israelhai chun Edom lal kuom- ah, I ram min fe thlengtir rawh, kan hni che a nih, tiin palaihai an tir a; nisienlakhawm, Edom lal chun a lo ngaisak nuom nawh a. Chuong ang bawk chun Moab lal kuomah an tir nâwk a; nisienlakhawm, a lo remti nawh a; chuleiin, Israelhai chu Kadesa chun an um tah a.

RORELTUHAI 11:18

Chu zoah thlalêr chu an fe thleng a, Edom ram le Moab ram chu an fe huol a, Moab ram saktieng pangah an feh a, Arnon khingtieng pangah an inkul a, Moab ram sûnga chu an lût dêr naw a nih, Arnon chu Moab ramri chin a ni sih a.