DANIEL 9:8 - Pathien Lekhabu Inthieng (BSI)

⁸ Aw LALPA, i chungah thil kan lo suksuol ta leiin, keini chu kan lalhai leh, kan ṭhuoituhai leh, kan thlatuhai leh hmêl hamhaitak put kan nih.

DANIEL 9:8 ပူးပေါင်းရင်းမြစ်များ

2 LALHAI 21:15

an pi le puhai Aigupta rama an hung suoka inthawka vawisûn ni chen hin ka mithmuah thil ṭha naw- tak an thaw a, an mi suklungsen lei hin,’ tiin,” a ta.

2 CHANCHIN SUINA 6:37

sala ṭhuoihmanga an umna rama chun anni chu an inngaituoh a, an hung ngha kîr a, sal an nina rama chun nanga kuomah hnina an hung siem a; ‘Thil kan suk suol tah a, rilotakin kan thaw tah a, khawhlo- takin kan lo thaw tah a nih,’ tiha;

NEHEMIA 1:6

Israel thlahai suolna, i chunga kan suolna thupha ka chawi sûng hin i na lo sit la; i mit lo meng la, i siehlaw ṭawngṭaina, i kuoma a sûn a zâna i siehlaw Israel thlahai ka ngênpêkna hi lo ngaithlapêk la; kei le ka pa sûnghai chu kan lo suol ta sih a.

ISAI 64:4

Tienlaia inthawk tah mihaiin, nangma chau naw chu, anni nghâktuhai ta ding thawpêk hlaktu Pathien an hriet ngai si nawh a, nain an hriet ngai nawh a, mit khawma an hmu ngai bawk nawh.

JEREMIA 14:20

Aw LALPA, kan suolnahai ka hung inhriettir a, kan thlatuhai suolna leh; nangma chunga chun thil kan lo suksuol ta sih a.

JEREMIA 32:32

Juda thlahai le Israel thlahai suolna po po, mi suklungsenna ding ela, anni le an lalhai le an rorêltuhai le, an thiempuhai le, an zâwlneihai le, Juda rama mihai le Jerusalem hluotuhaiin an lo thaw tahai lei chun.

JEREMIA 7:19

Kei chu an mi suklungsen am a nih? LALPA chun a tih; an inzakna dingin, anni le anni chu an insuk- lungsen a ni nâwm a nih?

ṬAP HLA 1:18

LALPA chu a fel a nih; a thupêk dodâlin ka hel sih a; Ngai ta u, ka ngên cheu, nangni hnam po pohai, ka lungngaina hi en ta u, Ka nunghâkhai le ka tlangvâl- hai chu salah an fe tah a.

ṬAP HLA 3:42

Kan bawsiet a, kan hel tah a, nang chun i mi ngaidam nawh a.

ṬAP HLA 5:16

Kan lua inthawk lallukhum chu a tlah a, Kan chung a va rik de! kan lo suol ta sih a.

EZEKIEL 16:63

Thil i lo thawtahai po poa ka ngaidam pha che chun i hriet zing a, i hmai a mâwk a, în zak leia i bau i kâk dêr ta nawna dingin, Lalpa PATHIEN chun a tih,” tiin.

EZEKIEL 5:6

Hnamhai nêka rîtlona thawin ka rorêl chunga chun a hel tah a; ram a vêla umhai nêkin ka thuruot chunga chun a hel ta bawk a; ka rorêlhai chu an inkîra, ka thuruothai chu zâwm khawm an zâwm nuom nawh.

DANIEL 9:9

Zângaina le ngaidamna chu Lalpa kan Pathien ta a nih; ama chunga chun kan lo hel ta sih a;