DANIEL 9:6 - Pathien Lekhabu Inthieng (BSI)

⁶ i siehlaw zâwlneihai, kan lalhai le, kan ṭhuoituhai le, kan thlatuhai le hi rama mi po po kuoma nangma hminga thu lo hril hlakhai thuhril chu kan ngaisak bawk nawh a.

DANIEL 9:6 ပူးပေါင်းရင်းမြစ်များ

2 LALHAI 18:12

LALPA an Pathien thu chu an pawm nuom nawh a, a thuthlung chu an bawsiet lem a, LALPAIN a siehlaw Mosie thu a pêkhai po pohai ngei kha an pawm nuom nawh a, an thaw nuom naw leiin.

2 CHANCHIN SUINA 33:10

Chuongchun, Manasse le a mi- hai kuoma chun LALPA chun thu a hril a, nisienlakhawm, an pawisa nawh a.

EZRA 9:7

Kan thlatuhai hun laia inthawk tah vawisûn ni chen hin suol namên loin kan suol ta a; kan khawhlonahai lei hin kan lalhai le kan thiempuhai chu hieng ram lalhai kuthaia hin pêk suokin an um tah a; vawisûn ni ang chen khawm hin hmêla ham- haina le, suksietnaa le sal intângnaa le kâwlhnâm kuoma pêkin an um hi.

NEHEMIA 9:30

Nisienlakhawm, kum tamtak anni chu i dawh a, i thlaraua i zâwl- neihai hmangin i kâwk hlak a; nisien- lakhawm, an na an suksêt a; chuleiin, chu rama mihai kuta chun i pêk tah a.

NEHEMIA 9:32

Chuleiin, kan Pathien, Pathien ropui, iengkim thawthei le ṭium, thuthlung hlena lunginsietna suk- langtu chun keini chunga le kan lalhai, kan mi lienhai dâm, kan thiempuhai dâm, kan zâwlneihai dâm, kan pi le puhai le i mihai po po chungah, Assuria lalhai inlal laia inthawka tu chena rinumna hung tlung zozai hi thil chîn thamah ngai nawh rawh.

NEHEMIA 9:34

kan lalhai dâm, kan mi lienhai dâm, kan thiempuhai dâm, kan pi le kan puhai khawmin i Dân chu an zâwm nawh a, i thupêk le i thuin- hriettir, anni i kâwknahai chu an pawm bawk nawh.

JEREMIA 26:5

inhmataka thoa anni hung tira, ka siehlaw zâwlneihai in kuoma ka hungtirhai thuhai in ngai dinghai chu, in ngai ta nawh a;

JEREMIA 29:19

anni chun ka thu an ngai naw leiin, LALPA chun a tih; inhmataka thoa anni tirin, ka siehlaw zâwlnei- hai chu an kuomah ka tir a; nisien- lakhawm, anni chu in lo ngai si nawh, LALPA chun a tih.

JEREMIA 44:16

“LALPA hminga kan kuoma i thuhril chungthua chun, i thu chu ngai naw ning ungah.

JEREMIA 7:13

Chun, tuhin LALPA chun, ‘Hieng thilthawhai po po hi in thaw ta leiin, inhmataka thoa thu hrilin, in kuoma ngei chun thu ka lo hril tah a; nisienlakhawm, in ngai si nawh a; ka ko cheu a, in mi dawn nawh a;

JEREMIA 7:24

Nisienlakhawm, an ngai nawh a, an na khawm an sit bawk nawh a, amiruokchu, anni remruotnaa le, an lungril rilo kâwmâwna chu hrawin, hmatiengah ni loin an kîr nâwk ta lem a.

DANIEL 9:10

a siehlaw zâwlneihai hmanga kan hmaa ân entir a, a dânhai chu hraw dingin kan Pathien LALPA râwl chu kan awi naw bawk a.

DANIEL 9:9

Zângaina le ngaidamna chu Lalpa kan Pathien ta a nih; ama chunga chun kan lo hel ta sih a;

MATTHAI 23:37

“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu, ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum a! Nisienlakhawm, in nuom si nawh.

THILTHAWHAI 13:27

Jerusalema umhaiin, an hotu- hai leh, ama chu an hriet naw lei le, zâwlneihai thu, Châwlni ta- phawta tiem hlak kha, an hriet bawk naw leiin, ama chu thiemnaw in- changtirin, chu thu chu an hlen tah a.