DANIEL 9:14 - Pathien Lekhabu Inthieng (BSI)

¹⁴ Chuleiin, LALPA chun thil ṭha naw chu a hmu zing a, kan chungah a hung intlungtir tah a nih; LALPA kan Pathien chu a sinthaw a thawhai po poa chun a fel a nih, keini ruok chun a râwl chu kan awi nawh a.

DANIEL 9:14 ပူးပေါင်းရင်းမြစ်များ

2 CHANCHIN SUINA 12:6

Chun, lal tak le Israel upahai chu an insukhnuoi a, “LALPA chu a fel a nih,” an tih a.

EZRA 9:15

Aw LALPA, Israel Pathien, nang chu în dik a, a suok a mahla chu i mi lo hlapêk ta sih a, vawisûn ni ang chen khawm hin: ngai ta, kan khaw- hlonahai leh i hmaa hin kan um a ni hi; hi hi lei hin tukhawm i hmaa chun an ngîr thei âwm si nawh a,” tiin.

NEHEMIA 9:33

Iengkhawm ni sienla kan chunga thil hung tlung po poa hin, nang chu i fel a; nang chun indiktakin thil i thawh a, keini ruok chun ṭha naw takin kan thaw a nih;

INPÂKNA HLABU 111:7

A kut thilthawhai chu thutak le rorêlna fel a na, A thununna thu po pohai chu ring a um a nih.

INPÂKNA HLABU 116:5

LALPA chu mi lunginsietthei le feltak a na, Anih, ei Pathien chu mi lainattheitak a nih.

INPÂKNA HLABU 119:137

Aw LALPA, nang chu i fel a, I rorêlhai khawm ân dik a nih.

INPÂKNA HLABU 51:14

Aw Pathien, nang ka sandamna Pathien, thisen insuonahaia inthawk chun mi sanhim rawh; Chuongchun, ka lei hin i felna thu hi hlimtakin hlaah sak a tih.

FESUOKNA 9:27

Chun, Pharao chun mi a tir a, Aron le Mosie chu ân kotir a, an kuomah, “Tuta ṭum chu ka lo suol takzet a nih, ka mihai le kei chu kan khawhlo a, LALPA ruok chu a fel a nih.

JEREMIA 12:1

Aw LALPA, nang chu ka hung ngên lai che chun, i fel a, nangma le chun a san chu ei ngaituo tlâng a, mi rilo lampui chu ieng dinga a hlawtling hlak a, khawhlotaka thawtuhai po po chu nuomsaa um am an na?

JEREMIA 31:28

Chun, anni chu hmalthla ding le, sukchim ding le, peithla ding le, sukse ding le, sukrinum dinga ka enkai zing ang khan, chuong ang bawk chun, anni chu bâwl ding le phun dingin enkai zing ka tih, LALPA chun a tih.

JEREMIA 4:17

Lo vêngtuhai ang elin, a vêlin an umnghah a; keia chungah a lo hel ta leiin, LALPA chun a tih.

JEREMIA 44:27

Ngai ta u, thil ṭha tiengah ni loin, thil ṭha naw tienga dingin anni chu ka enkai dêk a nih: Aigupta rama Juda mi um po pohai chu, an ram dêr hmakhat chun, ṭâmna dâm le kâwl- hnâm dâma anni chu sukbohmang nîng an tih.

ṬAP HLA 1:5

A khingtuhai chu lu an hung na, a hmêlmahai chu an hung hlawtling a; A bawsietna tamtak el lei chun LALPAIN ama chu a sukrimsi sih a, A nau le têhai chu a hmêl- mahai hmaa chun salah an feh a.

EZEKIEL 16:43

I tleirâwl lai nihai kha i hriet zing ta nawh a, amiruokchu, hieng thilhaia hin i mi suklungsen a; chuleiin, ngai ta, kei khawma i nun suol maw chu i lu chungah hung intlungtir ka tih, Lalpa PATHIEN chun a tih; chun, pawrchenahai po po belsain hi khawhlona hi thaw ta naw ti nih.

DANIEL 4:34

Chuong nihai tâwpa chun, kei Nebukadnezzar hin ka mithai chu vântieng ka tang a, ka hrietna chu ka kuomah a hung kîr nâwk a, Achung- hnungtak chu mal ka sâwm a, cha- tuona hring zing chu ka chawimawiin kân pâk a: A rorêlna chu chatuon rorêl a na, A lalram chu ṭhanga inthawk ṭhang sâwng tamtak chen a ni sih a;

DANIEL 9:7

Aw LALPA, felna chu nangma ta a na; nisienlakhawm, vawisûn ni ang bawk hin, hmêl hamhaitak chu kan nei lem a; Juda mihai le, Jerusalem hluotuhai le, Israel rama mi po po khawm, i chunga an lo bawsiet ta leia an bawsietna leia anni i lo hnawt suokna ram po po, ram hla le ram hnaia umhai khawm chu angkhat vawng kan nih.