DANIEL 9:13 - Pathien Lekhabu Inthieng (BSI)

¹³ Mosie Dâna ziek a ni angin hieng thil ṭha naw po po hi kan chungah a hung tlung a nih; chuong khawm chun, i thudik chu chîktaka ngaituona nei ding le kan rîtlonahaia inthawka inher hmang dingin LALPA kan Pathien ditsakna chu kan hni chuong nawh a.

DANIEL 9:13 ပူးပေါင်းရင်းမြစ်များ

2 LALHAI 22:16

LALPAIN hieng ang hin a tih, Ngai ta, hi hmuna le, a sûnga chêng- hai chunga hin thil ṭha nawtak ka hung intlungtir ding a nih, Juda lal- in lekhabua a thu tiem ang po po kha;

JOB LEKHABU (THE BOOK OF JOB) 36:13

Nisienlakhawm, chuong lungrila Pathien ngaisak nawhai chun lunginsenna an khâwlkhâwm a, Anni a khuop pha khawm ṭhangpuina ngênin an khêk nawh.

INPÂKNA HLABU 119:18

I dân thua inthawka thilmak ka hmu theina dingin, Ka mithai hi mi sukvarpêk rawh.

INPÂKNA HLABU 119:27

I thununna kawng chu mîn hrietthiemtir la, Chuongchun, i thilmak thaw thuhai chu ngaituong ka tih.

INPÂKNA HLABU 119:73

I kutin i mi siemin, i mîn din a nih, I thupêkhai chu kân chûk thiem theina dingin hrietthiemna mi pe rawh.

INPÂKNA HLABU 85:4

Aw, a mi sandamtu Pathien, mîn nghatkîrtir la, Kan chungah i lunginsenna chu sukbo rawh.

ISAI 31:1

Aigupta rama ṭhangpuina zawnga zu feh a, sakawrhai chunga ringna innghat a, a tam leia tawlailîrhai le an hrât êm leia sakawr chunga chuong mihai ring a, Israel- hai Mi Inthieng tieng en si loa, LALPA khawm râwn si lohai chu an chung a rik ie!

ISAI 42:9

Ngai ta u, kha hma thilhai chu a hung tlung tah, thil tharhai ka hril a ni hi; an mâwng hmain an chanchin ka hril cheu a ni hi.

ISAI 43:22

Nisienlakhawm, aw Jakobhai, nangni chun in mi ko si nawh a, aw Israelhai, nangni chun in mi nghawk lem a ni hi.

ISAI 64:6

Mi inthieng naw angin kan lo um vawng ta sih a, kan felnahai po po khawm silfên inthieng naw ang a na; kan rêng hin hna angin kan vuoi hlak a; kan khawhlonahai hin thli angin a mi lên hmang hlak.

ISAI 64:7

Chuongchun, i hming lama, nangma chel dinga mâni insukhar tukhawm an um dêr nawh a, keini kuoma hin i hmai i thup ta sih a; kan khawhlonahai hmangin i mi sukbo- hmang tah a nih.

ISAI 9:13

Nisienlakhawm, mihai chun anni vawtu tieng chu an ngha chuong si nawh a, sipaihai LALPA chu an zawng chuong bawk nawh.

JEREMIA 2:30

A thlâwn elin in thlahai chu ka lo vuok tah a; ṭhat phanain an hmang si nawh; sakeibaknei hnukinrâwl ang elin nangni kâwlhnâm ngei chun in zâwlneihai a fâk zo a ni hi.

JEREMIA 30:14

Nangma hmangaituhai po po che hlaka an theinghil cheh a; an zawng ta naw cheh a: mi rilo hremna le hmêlma inhliemna chun kân hliem si cheh a, i suolnahai an pung pei lei chun i khawhlona chu a nasa hle sih a.

JEREMIA 31:18

Ephraim chu hieng ang lusûn hin ka hriet ngei a nih: “Bâwngtê rîngkawl la bât ṭhang lo angin nangin i mi thununa, thununin ka um a; nangin mîn hertir la, chuongchun, inher ka tih: nang chu LALPA ka Pathien i ni sih a,” tiin.

JEREMIA 44:23

Riminhnik chu in raw leiin, LALPA chungah in lo suksuol ta leiin, LALPA râwl chu in ngai nawh a, a dân khawm in hraw nawh a, a thuruothaia le, a thu inhriettirahai chun in um bawk nawh a; chuleiin, vawisûn nia a um ang hin, hieng thil ṭha nawhai hi in chungah a hung tlung a ni hi,” tiin.

JEREMIA 44:27

Ngai ta u, thil ṭha tiengah ni loin, thil ṭha naw tienga dingin anni chu ka enkai dêk a nih: Aigupta rama Juda mi um po pohai chu, an ram dêr hmakhat chun, ṭâmna dâm le kâwl- hnâm dâma anni chu sukbohmang nîng an tih.

JEREMIA 5:3

Aw LALPA, i mit chun thudik chu a hmu a ni naw am a nih? Anni chu i vuok a, amiruokchu, an lungngai nawh a; anni chu i fâk zo a, anachu, sukdikna chu an dangkîr sih a, an hmêlhai chu lungpui nêka ngarin an siem a, hungkîr chu an nuom naw a nih.

ṬAP HLA 5:21

Aw LALPA, i kuom tieng mîn nghat kîrtir nâwk la, hung ngha kîr el kan tih, Tienlai hun ang khan kan nihai hung sukthar rawh!

EZEKIEL 16:43

I tleirâwl lai nihai kha i hriet zing ta nawh a, amiruokchu, hieng thilhaia hin i mi suklungsen a; chuleiin, ngai ta, kei khawma i nun suol maw chu i lu chungah hung intlungtir ka tih, Lalpa PATHIEN chun a tih; chun, pawrchenahai po po belsain hi khawhlona hi thaw ta naw ti nih.

DANIEL 9:11

Anih, Israel mihai po po chun i râwl chu awi lo dinga inherhmangin i Dân chu an lo bawsiet tah a; chuleiin, ṭawngsie chu kan chungah, Pathien siehlaw Mosie dâna inkhâmna zieka um le chun buokin a um tah a; chuonga chun thil kan lo suksuol ta sih a.

HOSEA 7:10

Israel chapona chun ama thiemnawzie ân hriettir a, Nisienlakhawm, hieng po poa khawm hin, LALPA an Pathien tieng chu an ngha nawh a, Ama chu an zawng bawk nawh,

HOSEA 7:14

An lungril takin an mi ko nawh a, An khum laizâwlah an chierinthluok mei mei a nih; Bu le uoin dingin an inkhâwm a, ka chunga chun an hel sih a.

HOSEA 7:7

Thuk ang elin an sa vawng a, an rorêltuhai an sukbohmang a; An laltak taphawthai chu an tluh a, Anni lai tukhawm a mi ko an um nawh.

LUKA 24:45

Chuongchun, Pathien Lekha Thu hrietna dingin an lungvar a sukvar tah a,

JOHAN 10:35

Pathien thu tlungnahai hman pathienhai an ti chun, (Pathien Lekha thu bân thei a ni si nawh a)

JOHAN 6:45

Zâwlneihai Lekhabuah, ‘Pa- thien inchûktirin um vawng an tih,’ ti ziek a nih. Mi tin Pa thu hrea inchûk taphawt chu ka kuomah an hung hlak.

JOHAN 8:32

chun, thutak hrieng in ta, thutak chun suok ni bân a ti cheu,” a ta.

EPHESI 4:21

a rawl chu in ngai tah a, ama inchûktirhai in ni angin Isua thutak um chu inchûktirin in um tah a.

DÂN PAHNINA 29:4

Nisienlakhawm, LALPAIN vawi- sûn chen hin hriet thiemna lungril dâm, hmu theina mit dâm, hriet theina nakâwr dâm a la pêk naw cheu a nih.

JAKOB 1:5

Nangni laia tûkhawmin varna a tlasam chun, mi po po kuoma hal lo le inro loa pe hlaktu Pathien chu hni raw se; chuongchun, a kuomah pêk nîng a tih.