DANIEL 9:12 - Pathien Lekhabu Inthieng (BSI)

¹² Kan chungah thil ṭha naw chu intlungtirin, keini le kan rorêltuhai, kan chunga rorêltuhai chungah a thu a hrilhai chu a hung sukdet tah a; Jerusalem khaw chunga thaw a ni ta ang hin vân hnuoi po po khâwlai khawm thaw a ni ngai si nawh a.

DANIEL 9:12 ပူးပေါင်းရင်းမြစ်များ

1 LALHAI 3:9

Chuongchun, i mihai rorêlpêkna dingin i siehlaw hi hrietna lungril hung pe la, a sie le a ṭha ka thlier theina dingin, i mi hieng zât zozai hi tuin am ro rêlpêk thei a ta le?” a ta.

2 LALHAI 22:16

LALPAIN hieng ang hin a tih, Ngai ta, hi hmuna le, a sûnga chêng- hai chunga hin thil ṭha nawtak ka hung intlungtir ding a nih, Juda lal- in lekhabua a thu tiem ang po po kha;

JOB LEKHABU (THE BOOK OF JOB) 12:17

Inrâwnkhâwmhai chu a ṭhuoi hmangin a suksiet a; Rorêltuhai chu invêt ruolah a siem tah a.

INPÂKNA HLABU 148:11

Hnuoia lalhai le mi tinrênghai, Mi lien hai le, hnuoia rorêltuhai po po;

INPÂKNA HLABU 2:10

Chuongchun, aw lalhai, var ta unla, Hnuoia rorêltuhai inchûktirin um ro.

THUVARHAI 8:16

Rorêltuhai chun keimain ro an rêl a, Mi ṭhahai le, hnuoi chunga rorêltuhai po po chun.

ISAI 43:28

Chuleiin, hmun inthienga mi lienhai chu sukthieng nâwng ka ta, chuongchun, Judahai chu ṭawngse- phurah siem ka tih; Israelhai chu insêlna bûrah siem bawk ka tih.

ISAI 44:26

mâni siehlaw thu sukdet a, mâni palaihai remruot sukmuol- suotu, Jerusalem chungchâng thua, ‘Chutaka chun mi um nâwk an tih,’ titu le, Juda ram khawpuihai chung- châng thua, ‘Siemin um nâwk tâwl an ta, a sietna laihai chu siem ṭha nâwk ka tih,’ titu,

JEREMIA 30:7

Ahei, chu ni chu a ropui sih a, chu ang hrim chu a um nawh a, Jakob buoina hun ngei chu a ni el a nih; nisienlakhawm, chutaka inthawk chun sansuokin um a tih.

JEREMIA 32:23

chuongchun, an hung lût a, an nei a, nisienlakhawm, i râwl chu an awi nawh a, i dân khawm chu an zâwm bawk nawh a; anni chun thaw dinga thu i pêkhai a iengkhawm chu an thaw nawh a; chuleiin, thil ṭha naw tinrêng chu an chunga chun în tlungtir a,

JEREMIA 39:16

“Fe la, Ethiopia mi Ebed-melek kuoma khan hieng hin va hril rawh, Sipaihai LALPA, Israel Pathien chun hieng hin a tih: Ngai ta, thil ṭha tiengah ni lovin, thil ṭha naw tiengah hi khawpui chunga hin ka thuhai chu ka hung intlungtir ding a nih; chun, chu nia chun nanga hmaa chun suk- kim nîng an tih.

JEREMIA 44:23

Riminhnik chu in raw leiin, LALPA chungah in lo suksuol ta leiin, LALPA râwl chu in ngai nawh a, a dân khawm in hraw nawh a, a thuruothaia le, a thu inhriettirahai chun in um bawk nawh a; chuleiin, vawisûn nia a um ang hin, hieng thil ṭha nawhai hi in chungah a hung tlung a ni hi,” tiin.

ṬAP HLA 1:12

Nangni a fe inlawn po pohai, in ta dingin iengkhawm a ni naw maw? Ngai unla, ka kuoma thaw anga, ka lungngaina ang hrim hi lungngaina a um am en ta u, LALPAIN a lunginsenna ṭium nia a mi sukrinumna ang hi.

ṬAP HLA 2:13

Ieng am inhriettir ka cheh a, ieng lêm hrilkhîng ka ti cheh a, Aw Jerusalem naunu? Nang chu ka thlamuon theina ding chein, ieng tluk chau am ka ni ding a na, Aw Zion naunu nunghâk? I sietna chu tuisuoriet angin a lien a, tuin am sukdam thei a ti cheh a?

ṬAP HLA 2:17

LALPA chun thaw a itum chu a thaw tah a; Tienlai nihaia thu a pêk thuhai chu a hung sukpuitling tah a; A pei thlâk tah a, a lunginsiet nawh a; Hmêlmahai chu lâwmin a siem tah a; I hmêlmahai ki chu a chawimawi ta a ni hi.

ṬAP HLA 4:6

Ka mihai naunu rîtlona chu Sodom suolna nêkin a nasa lem sih a; Chu chu mitkhapkâr loa pei- hâwnin a um a, a chunga chun kut hrim innghat a ni nawh.

EZEKIEL 13:6

Anni chun teplo mei mei le vân tieng thil khêl thu an hmu a, LALPA- IN anni chu a tir naw sain, ‘LALPAIN a tih’ tiin an thu chu sukdet ni ngei dingin mihai an inbeiseitir a.

EZEKIEL 5:9

Chun, ka la thaw ngai hlek lo chu nangmaa chun thâwng ka ta, i tir- dakumna lei chun, chuong ang hrim hrim chu thaw khawm thaw nâwk ta ngai naw ningah.

DANIEL 12:1

“Chu pha chun lal naupa ropuitak Mikael, i mihai ta dinga ngîr chu ngîrsuok a ta; chun, buoina hun chu a hung um ding a nih, hnam um tira inthawka chu chu hun chena khawm la um ngai hrim hrim lo chu; chu pha chun, i mihai, lekha- bua zieka hmu taphawthai chu sanhim nîng an tih.

JOEL 2:2

inthimna le vâninnîmna ni, sûm zîng ni le inthim sâ ni, tlâng chunga vârtle var rên ruon ang; mipui nasa- tak le hrâttak, chuong ang la um ngai lo, chuong hnunga suon tamtak chen khawma um nâwk ta ngailo ding chu.

AMOS 3:2

“Nangni chau hi khawvêla sûng- kuo po po laia ka hriet in na; chuleiin, in khawhlona po poahai chun hrem ka ti cheu.

ZEKARIA 1:6

Amiruokchu, ka thuhai le ka thuruothai, ka siehlaw zâwlneihai thu ka ipêkhai chu, chuonghai chun in thlatuhai chu an hnawtphâk tah ni lo am a nih? Anni chu an ngha kîr a, ‘ei thilthawhai ang pei le, ei um dân ang peia sipaihai LALPAIN ei chunga thaw dinga a ngaituo angtakin, chuong angtak chun ei chungah a thaw a ni hi,’ an tih a,” tiin.

ZEKARIA 1:8

“Zâna hin thil ka hmuh a, mi pakhat sakawr sen chunga chuong hi ka hmuh a, ama chu hmun inruom inhmui thing lai hin a ngîr zing a; chun, a hnunga chun sakawr sen dâm, a buong dâm, a vâr dâm hi an um a.

ZEKARIA 7:12

Anih, an lungrilhai chu lungthîr angin an siem a, chuong ni naw sien chu dân le inhmaa zâwlneihai hmanga a thlaraua sipaihai LALPA- IN a pêk thuhai chu an hriet ta ding bah; chuleiin, sipaihai LALPAA in- thawka lunginsenna nasatak chu a hung tlung tah a.

MATTHAI 24:21

chu phâ chun rinumna nasatak a um ding a ni sih a; chuong ang hrim hrima nasa chu leihnuoi insieng tira inthawkin tu chen hin a la um ngai nawh a, um khawm iengtika khawm um nâwk ta bawk naw ni.

MATTHAI 5:18

Titakzetin ka hril cheu hi, hnuoi le vân hi a bo hmakhat chun Dân thua sunhâng chite amanih, thai- hâng chite amanih, pakhat khawm, bo naw tawp a tih, a rênga a tlung kim hmakhat chun.

MARKA 13:19

Chuong ni chu rimsik ni a ni ding a ni sih a; chuong anga nasa hrim hrim chu Pathien isiem leilung insieng tîra inthawk tu chen hin a la um ngai nawh a, iengtika khawm hung um nâwk ta naw bawk a tih.

LUKA 21:22

Chuong ni chu phuba lâk ni a nih, thu an ziek po po a hung tlung theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:8

Hi hi ka ihril chu a nih: thlatuhai kuoma thutiemhai chu sukdet ding le Pathien thu ân dik ti inhriettirna dingin Krista chu sertanhai rawng- bâwltuin a hung um a;