DANIEL 8:8 - Pathien Lekhabu Inthieng (BSI)

⁸ Chun, kêlchal chu ama le ama nasatakin ân chawimawi a, a hrât hle lai chun a ki ropuitak chu a tliek tah a; a aia chun vân thli palihai tienga chun ki maktak pali a hung suok a.

DANIEL 8:8 ပူးပေါင်းရင်းမြစ်များ

2 CHANCHIN SUINA 26:16

Nisienlakhawm, a hung hrât chun, a lungril a hung uong a, khawhlotakin a thaw tah a, a Pathien LALPA chunga chun a bawsiet tah a; riminhnik rawna mâichâm chunga riminhnik raw dingin LALPA biek ina chun a fe ve ta a.

ESTHER 9:4

Mordekai chu lal ina chun ropui- tak a ni sih a, a chanchin chu ram- bung po poa chun ân thang a; chu Mordekai chu a hung inṭhang lien tiel tiel el sih a.

JEREMIA 49:36

Chun, Elam chunga chun vân hmun palihaia inthawka thli palihai chu hung inhrângtir ka ta, chu thli fena tienga chun anni chu sukdar vawng ka tih, Elama inthawka hnaw dawkhai tlung nawna hnam hrim hrim um naw ni hai.

JEREMIA 5:27

Bâwm chu vatehaia a sip angin, an inhai chu inhlêmnain a sip a; chuleiin, an hung lienin an hung hausa a.

EZEKIEL 16:7

Ramhnuoi hnader anga pung dingin ka siem cheh a, i hung pung ngei a, i hung ropui a, incheina ṭha bîktak ang chu i hung ni tah a; i nênehai a hung in siem a, i sam dâm khawm a hung ṭo a, amiruokchu, saruok le ruok i la ni tlat el a.

EZEKIEL 28:9

Nangma sukhlumtu che hmaa chun, ‘Pathien chu ka nih,’ i la ti rawp ding am a nih? Mihriem chau i ni sih a, Pathien ni lo, nangma inhliemtu che kuta chun.

DANIEL 11:4

A hung ngîrsuok phingle chun a ram chu sukkhawi nîng a ta, kawlkil palihai anga chun sem dar nîng a tih; a thlahai amani le a rorêlna ram dungzui chun ni chuong naw nih a, a ram chu hieng mihai titâk lo khawm mi danghai ta ding khawma suk- thlawng a ni ding a ni sih a.

DANIEL 4:31

Lalin chuonga thu a hril lai zing chun, vâna inthawkin râwl a hung thlah a, “Aw lal Nebukadnezzar, nangma kuoma inthawkin ram chu ṭhe hmang a ni tah ti hi i kuomah hril a nih.

DANIEL 5:20

Nisienlakhawm, a lungril chu a hung insâng a, a lungril a hung ngar phingle chun chapotakin a thaw tah a, ân lalna lalṭhungphaa inthawk chun sie hnuoiin a um tah a, amaa inthawk chun a ropuina chu an lâk hmang a,

DANIEL 7:2

Daniel chun a hril a, “Zâna hin ka thil hmulâwkna chun, ngai ta, vân thli hai pali chu tuisuoriet ropui- tak chunga an lo hrâng hi ka hmuh a.

DANIEL 7:6

Hi hnunga hin, ngai ta, a dang keitê ang, a ruongzânga vate thlahai ang thla pali nei chu ka hmuh a; chu sahrâng chun lu pali khawm a nei bawk a, a kuoma chun rorêlna chu pêk a ni tah a.

DANIEL 8:22

Chun, a tliek a, a hmuna pali hung suok kha, chu hnama inthawk chun lal pali hung ngîrsuok an ta; nisienlakhawm, a thilthawtheina le chu ni naw ni.

DANIEL 8:5

Chun, ka ngaituo lai chun, ngai ta, hnuoi chung po po dâpin thlang- tienga inthawkin kêlchal a hung a, hnuoi hrim hrim a tâwk nawh a; chun, kêl chun a mithai inkâra chun ki maktak el a nei a.

DANIEL 8:7

Chun, berâmchal hnaia hung chu ka hmuh a, a chunga chun lung- insentakin a châng a; berâmchal chu a sik a, a kihai pahni chu a suktliek tah a; ama hmaa ngîr dingin berâm- chala chun thilthawtheina hrim a um nawh a; chuleiin, hnuoi chungah a tethlûk a, ama chu sirdein a chîl a; chuongchun, ama kuta inthawka berâmchal sansuok thei hrim hrim chu an um nawh a.

MATTHAI 24:31

Chun, a vântirkohai chu taw- tawrâwt ri nasatak leh tir suok a tih. Anni chun a ithlanghai chu kâwl kil lia inthawkin, vân tâwpa inthawka a tâwp khing tieng chenin lâwr khâwm an tih.

MARKA 13:27

Chun, vântirko chu tir suok a ta, a thlanghai chu kâwl kil lia inthawkin, hnuoi tâwpa inthawka vân tawp chenin lâwr khawm a tih.

DÂN PAHNINA 31:20

An pi le puhai kuoma inkhâma ka tiem, nênetui le khuoizua luong rama chun ka ṭhuoi a, fa le dâwna an um a, an tlaia an hung thâu pha meu chun pathien danghai kuom tieng nghâng an ta, an rawnghai bâwl an ta, mi hmusit an ta, ka thuthlunghai bâwsieng an tih.

THUPUONGSUO 7:1

Chu hnunga chun khawmuola le tuisuorieta le, thing hrim hrima chun thli hrim a hrâng nawna dingin, hnuoi thli pali chu chelin hnuoi kil lia ngîr vântirko pali ka hmuh a.