DANIEL 8:25 - Pathien Lekhabu Inthieng (BSI)

²⁵ A remruot dân hmangin a kuta chun vervêkna chu inhlawtlingtir a ta; a lungrila chun ama le ama chu inchawimawi a tih; chun, an inring naw kârin mi tamtak chu suksieng a ta, lalhai lal chungah ngîrsuok bawk a ta, nisienlakhawm, kut loa suksiet nîng a tih.

DANIEL 8:25 ပူးပေါင်းရင်းမြစ်များ

JOB LEKHABU (THE BOOK OF JOB) 34:20

Mitkhapkâr loin an thih a, zânrila ngei khawm; Mihai chu sukhnîngin an um a, an fe hmang tah a; Mi thilthawtheihai khawm chu kut ṭhangloa lâkin an um bawk a.

JEREMIA 48:26

“Ama chu vairui ta u, LALPA chu dodâlin ama le ama ân chawi- mawi sih a; Moab chu ama luoka ngei chun inbuol a ta, ama chu mi hrilin- sîm hung ni bawk a tih.

ṬAP HLA 4:6

Ka mihai naunu rîtlona chu Sodom suolna nêkin a nasa lem sih a; Chu chu mitkhapkâr loa pei- hâwnin a um a, a chunga chun kut hrim innghat a ni nawh.

DANIEL 11:12

Chun, mipui chu ṭhuoi hmang hung nîng an ta, ama chu a lungril chu hung inchawisâng a ta, sâng sâwm tamtak chu hung pei thlûng a ta, nisienlakhawm, hrât pha ngai naw ni.

DANIEL 11:45

Chun, a lal chêngna puon in chu tlâng inthienga tuisuoriet inkâra chun kei a ta; nisienlakhawm, a tâwpna tlung tho a tih, tukhawma ama chu an ṭhangpui si nawh a.

DANIEL 7:26

Nisienlakhawm, rorêlna chu um a ta, a tâwp chena suksiet a, sukbohmang dingin a ram chu lâkpêk an tih.

DANIEL 7:8

Kihai chu ka ngaituoh a; chun, ngai ta, anni lai chun ki dang, ki chitê hi a hung suok a, chu hmaa chun ki hmasa pathumhai kha an zung chena phawi dawkin an um tah a; chun, ngai ta, chu kia chun mihriem mithai ang mithai le, bau thil ropuitaka ṭawngsuok chu a um bawk a.

DANIEL 8:11

Anih, mipuihai lal kuoma ngei khawm chun ama le ama chu ân chawimawi a; pumrawhmanga in- thawina zing zinghai chu amaa inthawkin a lâk hmang a; a Hmun Inthiengtak chu a pei thlâkpêk a.

DANIEL 9:25

Chuleiin, hre la, hrethiem rawh, Jerusalem khuo bâwl ding le siem thar dinga thupêk hung suoka inthawk Messie, Lal Naupa chen chu hapta sari le, hapta sâwmruk pahni nîng a ta, a kawtthlêr le a banghai chu siem nîng a tih, hun buoithlâk- taka khawm chun.

THILTHAWHAI 12:23

Ama chun Pathien kuomah chawimawina chu a pêk naw leiin Lalpa vântirkoin kârloah a man a, rulrukûtin a fâk a, a thi tah a.

2 THESSALONIKA 2:3

Tûkhawmin iengkhawmin hlêm naw raw se cheu; tlûksanna chu a hung tlung hmasa zeta, Dân Bawsepa, bohmang naupa chu, a hung inlang naw chun, chu Ni chu tlung si naw nih a.

2 THESSALONIKA 2:8

Lâk hmang a ni pha chun Dân Bawsepa chu hung inlang nghâl tâng a tih. Lalpa Isun ama chu a baua thuokin sukhlum a ta, a hunga inlârnain sukbohmang a tih.

THUPUONGSUO 17:14

Chuongchun, Berâmte chu do an ta, chun, Berâmte chu hotuhai Hotu le lalhai Lal a ni leiin anni chu hnêng a tih; chun, a kuoma um, ko- hai, thlanghai, ringumhai chun hne bawk an tih,” a tih a.

THUPUONGSUO 19:16

Chun, a puona le a êlpuia chun, “Lalhai Lal le hotuhai Hotu,” tia hming ziek a um.