DANIEL 8:19 - Pathien Lekhabu Inthieng (BSI)

¹⁹ Ama chun, “Ngai ta, lunginsen- na hun tâwp tieng hun nuhnunga thil um ding chu inhriettir ka ti che, a tâwpna hunbi ruota ṭhang ding chu a ni sih a.

DANIEL 8:19 ပူးပေါင်းရင်းမြစ်များ

INPÂKNA HLABU 102:13

Tho i ta, Zion tlâng chu lunginsiet i tih, Ama chu lunginsiet a hun ta sih a, anih, hun ruot chu a tlung tah.

DANIEL 11:27

Chun, hi lal hai ve ve hi chu; an lungrilhai chu thil suol thawna lung- ril nîng a ta; dawkân hmunkhata chun thukhêlhai hril an tih; nisien- lakhawm, hlawtling naw nih a, a tâwpna chu hun ruota chun a la ni ding a ni sih a.

DANIEL 12:4

Nisienlakhawm, nang aw Daniel, hun tâwp chena dingin thuhai chu khâr la, lekhabu chu châr tlat rawh: mi tamtak chu hnungtieng hmatieng tlân an ta, hrietna chu a pung ding a ni sih a,” tiin.

DANIEL 8:23

Chun, an ram hun nuhnung tienga, bawsetuhai an hung puitling pha chun lal hmêl ṭiumtak, thu khir- tak takhai hre thei hung ngîrsuok a ta.

HABAKKUK 2:3

Inlârna hi hun ruota hung tlung ding a la na, A tâwp chu a hnai mêk zing a, inkhêl bawk naw nih; A muong khawma nghâk zing la, A hung tlung ngei ding a ni leiin,” tiin.

LUKA 21:23

Chuong ni chun inraihai le nautê pawmhai chung rik a tih, khawvêla hin rinum nasatak a tlung ding lei le, hi chihai chunga hin lunginsenna a tlung ding a ni leiin.

THUPUONGSUO 1:1

Isu Krista thuphuongsuo, Pathienin a suokhai inhriettir dinga a kuoma a pêk, thil hung um vak ding thu chu; chu chu a vântirko hmangin a suok Johan kuomah a hung inhriettir a;

THUPUONGSUO 10:7

nisienlakhawm, vântirko pasari- na rawl ri a um phaleh, a mût ding ṭêpin, Pathien thurûk chu kim tâng a tih, a suok zâwlneihai kuoma a chanchin ṭha hril ang khan,” a tih a.

THUPUONGSUO 11:18

Hnamhai chu an lunginsen a, chun, i lunginsenna chu a hung tlung ve thung a, mithi rorêlpêk hun le, i suok zâwlneihai kuoma dâm, mi in- thienghai kuoma dâm, i hming inza mi lien le mi chînhai kuoma dâm, an lâwmman pêk hun le, hnuoi sukse- tuhai suksiet ve thung hun chu a hung tlung bawk a,” tiin.

THUPUONGSUO 15:1

Chun, vânah inchikna dang ropuitak le maktak ka hmu a, vântirko pasari hremna pasari chawihai chu; chuong chu hremna nuhnung takhai an nih; chuonga chun Pathien lunginsenna chu a kim ta sih a.

THUPUONGSUO 17:17

Pathien thuhai chu a tlung hmakhat chun a dit zâwng an thawna ding le thu thuhmuna an um theina dingin le, an ram chu sahrâng kuoma an pêkna dingin Pathienin an lung- rilah a tir ta sih a.