DANIEL 8:15 - Pathien Lekhabu Inthieng (BSI)

¹⁵ Chun, kei Daniel ngei hin, hre dinga ka izawng thilhmulâwk chu ka hmu tah a; chun, ngai ta, ka hmaa chun mihriem hmêlput hi a hung ngîr a.

DANIEL 8:15 ပူးပေါင်းရင်းမြစ်များ

ISAI 9:6

Ei ta dingin naupang a hung pieng a, naupa pêkin ei um tah a; rorêlna chu a liengkoah chuong a ta, a hminga chun Maka, Remruottu, Pathien Hrât, Chatuon Pa, Remna Lal an ti ding a ni sih a.

DANIEL 10:16

Chun, ngai ta, mi pakhat, mi- hriem naupahai angtak el hin ka hmûrhai chu a hung them a; chun, ka bau chu ka kah a, ka hmaa ngîr kuoma chun thu ka hril tah a, “Aw ka lalpa, thilhmulâwk lei chun ka lung- ngainahai chu ka chungah a tla tah a, chuongchun, hrâtna hrim ka nei dêr ta nawh.

DANIEL 10:18

Chun, mihriem hmêl angtak put pakhat hin a mi hung them nâwk a; a mi sukhrât tah a.

DANIEL 10:5

ka mithai vân tieng ka hang inlên a, ka en a, mi pakhat puon zai inhmia inthuom, a kâwnga Uphaz rângka- chak inthienga inkhit hi ka hmuh a;

DANIEL 12:8

A ri chu ka hriet a, a ngaina ruok chu ka hriet nawh a; chun, kei chun, “Aw ka LALPA, hieng thilhai tâwpna chu ieng am nîng a ta?” ka ta.

DANIEL 7:13

Zâna thil hmulâwkhai ka hmuh a, chun, ngai ta, Mi pakhat mihriem naupa ni âwm tak vân sûmhai le um a hung a, Tienlai mi kuoma ngei chun a hung a, Ama hmaa chun an hung ṭhuoi a.

DANIEL 7:28

“Hi hi thu tâwpna chu a nih a; kei Daniel ta ding chun ka ngai- tuonahai chun a mi sukbuoi hleh a, ka hmêlputziehai chu a hung dang- lam a; nisienlakhawm, chu thil chu ka lungrilah ka vawng zing a,” tiin.

DANIEL 8:1

Lal Belsazzar rorêl a kum thum- naa chun thil hmulâwkhai, a hmaa ka kuoma hung inlang hnunga khan, ka kuomah, kei Daniel kuoma ngei a hung inlang a.

DANIEL 8:19

Ama chun, “Ngai ta, lunginsen- na hun tâwp tieng hun nuhnunga thil um ding chu inhriettir ka ti che, a tâwpna hunbi ruota ṭhang ding chu a ni sih a.

ZEKARIA 1:9

Chun, keiin ‘Aw pu, hienghai hi ieng am an nih a?’ ka ta. Vântirko kei mi betu chun ka kuomah, ‘Hieng hi ieng am an ni inentir ka ti che,’ a ta.

MATTHAI 13:36

Chu lai chun mipuihai chu a fesan a, ina chun a lût tah a; chun, a inchûktirhai chu a kuomah an hung a, “Loa bu tehlêm tekhithu kha mi hrilfie rawh,” an ta.

MATTHAI 24:15

“Chuongchun, sukrêmtu tirdak- um, zâwlnei Daniel ihril kha hmun inthienga ngîra in hmu phâ chun (a tiem taphawt chun a umzie hre raw se),

MATTHAI 24:30

Chu phâ chun Mihriem Naupa inchikna chu vânah inlang a ta, chun, hnuoia um chi tinin an âwmhai chum an ta, Mihriem Naupa hi thil- thawtheina le ropuina nasatak leh vân sûm chunga hung hmûng an tih.

MARKA 13:14

“Nisienlakhawm, sukrêmtu tir- dakum chu a ngîr nawna dinga ngîr in hmu phâleh, (a tiem taphawt chun a umzie hre raw se); chu phâ chun Judai rama umhai chu tlânga dâm tlân hmang raw se;

MARKA 4:12

chuongchun, ‘Hmu chu an hmu thei deh a, hriet ruok chu an hriet thei nawna ding le na ruok chun an hriet thei deh a, a ngaina ruok chu an hriet thei nawna dingin, chuong naw chun ngha kîr nawk an ta, ngaidam hung ni hlau rawi an tih,’” a ta.

JOSUA 5:14

Ama chun, “Ni lo e, LALPA sipaihai hotu dinga hung ka ni lem,” a tih a. Chuongchun, Josua chu hnuoiah a bawkkhup a, chibai a bûk a, a kuom- ah, “Ka Lalpa chun a siehlaw kuoma hin ieng am hril ding a nei a?” a ta.

THUPUONGSUO 1:13

khâwnvar siena lai chun, mi tu amanih mihriem naupa ang, ke lêr chena puon sil, a âwma rângkachak kâwngkhia inkhit ka hmu bawk a.

THUPUONGSUO 13:18

Hitaka hin varna inlang theina a um. Hriet theina nei chun Sahrâng nambar chu sût raw se; mihriem nambar a ni sih a; a nambar chu za ruk sâwmruk paruk a nih.