DANIEL 8:13 - Pathien Lekhabu Inthieng (BSI)

¹³ Chun, mi inthieng pakhat thu- hril ka hriet a; chun, mi inthieng dangin tu amanih thuhriltu kuoma chun, “Mipuihai le Hmun Inthieng- tak sirdea um ve ve dinga pêk ding le, sukrêmtu bawsietna le, pumraw- hmang thilinhlân zing zing chung- thua thil hmulâwk hi ieng chen am nîng a ta?” a ta.

DANIEL 8:13 ပူးပေါင်းရင်းမြစ်များ

INPÂKNA HLABU 74:10

Aw Pathien, dotu chun ieng chen am a hrilsiet ding che? Hmêlma chun kumkhuoin i hming hi a hrilsiet ding am a nih?

INPÂKNA HLABU 74:9

Kan inchiknahai chu kan hmu ta nawh a, Zâwlnei hrim hrim an um ta nawh a, A sâwt dingzie hre hrim hrim khawm keini lai an um nawh.

INPÂKNA HLABU 79:5

Aw LALPA, ieng chen am i lunginsen kumkhuo ding a na? I thîkna chu mei angin a chawk ding am a nih?

ISAI 28:18

Chun, thina kuoma in thu- thlung chu sûtin um a ta, Seol le in thutiem khawm chu ngir suok naw ni, vuokna tui lien liem chu a luong tlang pha chun, chu pha chun sirdein um in tih.

ISAI 6:11

Chun, kei chun, “LALPA, ieng chen am nîng a ta?” ka tih a. Chun, ama chun a dawn a, “Khawpuihai mihriem um loa a ram a, inhai thlûttu um lo a a ṭîek a, râusana a um vawng a,

ISAI 63:18

I mi inthienghai chun sâwt nawtê chau an nei a, a mi dotuhai chun i hmun inthieng chu an sir siet tah.

ISAI 9:6

Ei ta dingin naupang a hung pieng a, naupa pêkin ei um tah a; rorêlna chu a liengkoah chuong a ta, a hminga chun Maka, Remruottu, Pathien Hrât, Chatuon Pa, Remna Lal an ti ding a ni sih a.

JEREMIA 12:10

Berâmpu tamtakhai chun ka grêp huon chu an suksiet a, ka chan chu an ke hnuoiah an sirde a, ka chan inhawitak chu thlalêr ram râusanah an siem tah a.

DANIEL 11:31

Sipaihai chu ama tieng chun ngîr an ta, Hmun Inthiengtak chu hrilsieng an ta, kulpui ngei khawm chu; chun, pumrawhmang thilinhlân zing zing chu la hmang an ta, sukrêmna intluntu tirdakumna chu sie lem an tih.

DANIEL 12:11

Chun, pumrawhmang thilin- hlân rawp hi lâk hmang le, sukrêmna tirdakum intluntu uma inthawkin ni sâng khat za hni sâwmkuo um a tih.

DANIEL 12:8

A ri chu ka hriet a, a ngaina ruok chu ka hriet nawh a; chun, kei chun, “Aw ka LALPA, hieng thilhai tâwpna chu ieng am nîng a ta?” ka ta.

DANIEL 4:10

Ka khum chunga ka lua thil hmulâwkhai ka hmu chu hieng ang hi a nih; hnuoi lailung lai hin thing ka hmuh a, ka en zing a, ân sângzie chu a nasa hleh a.

DANIEL 4:13

Ka khum chunga thil hmu- lâwkhai ka hmua chun, ngai ta, vâna inthawkin vêngtu le mi inthieng pakhat a hung thlah a.

DANIEL 4:23

Chun, lalin vâna inthawka vêngtu le mi inthieng hung thlaa, Thing kha phûr thlu unla sukbo- hmang ro, amiruokchu, a zunghai kûnghmui ruok chu hnuoia hlobet innêm lai thîr le dârsen hnânga khuopin mâksan ro, vâna inthawka daidâw chun hu hlak sienla, a fâk ding khawm chu ramhnuoia ramsa- hai fâk ang chu ni raw se; ama chunga hun sarihai a fe liem hma- khat chun, ti thu an hung hril ruok hi chu,

DANIEL 7:16

Ka kâwla ngîrhai laia pakhat kuom chu ka hung hnai a, hi po po chungthua thudik chu kân dawn tah a. Chuongchun, ama chun a mi hril a, thil umziehai chu a mîn hriettir tah a.

DANIEL 7:23

Chun, ama chun a hril a, ‘Sahrâng palina chu hnuoi chunga ram palina, ram dang po poa in- thawka danglam tak ding, hnuoi po po chu lem zo a, sirde a, a suknâwia suknâwitu ding chu a nih.

DANIEL 9:27

Chun, hapta khat chu mi tam- tak leh thuthlung dettak siem a ta, chun, chu hapta chenve kâr chun inthâwina le thilinhlân chu suktâwp a tih; chun, tirdakumna thla chunga chun sukrêmtu inumtirtu ding chu hung a ta, a tâwpna ding ruot chen chun; chun, sukrêmtu chunga chun lunginsenna chu buok ni tâng a tih,” tiin.

ZEKARIA 1:19

Ama chun, “Hi kihai hi Juda le Israel le Jerusalem sukdartuhai chu an nih,” tiin a mi dawn a.

ZEKARIA 14:5

Chun, ka tlânghai ruoma chun tlânsieng in ta; tlânghai ruom chun Azel a tlung rak ding a ni sih a: anih, Juda lal Uzzia inlal laia simkhaw- leihnuoi inhnînga in tlânsiet ang khan, tlânsieng in tih; chun, LALPA ka Pathien chu hung a tih, a kuoma mi inthienghai po po leh.

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a phuong nuom- nahai chau naw chun tukhawmin Pa chu an hriet bawk nawh.

MATTHAI 24:15

“Chuongchun, sukrêmtu tirdak- um, zâwlnei Daniel ihril kha hmun inthienga ngîra in hmu phâ chun (a tiem taphawt chun a umzie hre raw se),

MARKA 13:14

“Nisienlakhawm, sukrêmtu tir- dakum chu a ngîr nawna dinga ngîr in hmu phâleh, (a tiem taphawt chun a umzie hre raw se); chu phâ chun Judai rama umhai chu tlânga dâm tlân hmang raw se;

LUKA 10:22

Ka Pain iengkim a mîn kawltir tah, Naupa chu tû am a na, Pa naw chun tukhawmin an hriet nawh; Pa khawm chu tû am a ni Naupa le an kuomah Naupain a phuong nuomnahai chau naw chun tukhawmin an hriet nawh,” a ta.

LUKA 21:20

“Nisienlakhawm, sipaihaiin Jerusalem an inhuol in hmu pha, a bohmang ding a nih ti hre ro.

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hma- khat chu Jerusalem chu Jentailhai sirdein um a tih.

JOHAN 1:18

Tukhawmin ienglai khawmin Pathien an hmu nawh; a Naupa khât nei sun, Pa ângsûnga um ngei khan a chanchin a hril tah a nih.

DÂN PAHNINA 33:2

“Sinaia inthawkin LALPA chu a hung a, Seira inthawkin an kuomah a tho a, Paran tlânga inthawkin a var a suok a; Mi inthieng sângsâwm laia inthawkin a hung; A kut changtieng chun an ta dingin dân chawk thei a um a.

1 THESSALONIKA 3:13

chuongchun, ei Lalpa Isu, a mi inthienghai po po le a hung pha, ei Pathien le ei Pa hmaah in lungrilhai inthiengna kawngah sawisêlboin sukdet thei a ti cheu.

HEBRAIHAI 10:29

Pathien Naupa sirde a, thu- thlung thisen ama sukthiengna thil narâna ruota, lunginsietna Thlarau suknuortu chu, chu mi chu ieng anga hremna nasa lem tuor tlâka ruot ni dingin am in ngai a?

1 PETER 1:12

Chuong thu chun mani rawng inbâwl loin, nangni rawng an bâwl lem ti an kuomah inhriettir a ni tah. Chuong thu chu vâna inthawka tirsuok Thlarau Inthieng ṭhangpuiin, Chanchin Ṭha hriltu cheu khan tuhin an hril cheu a, chuong thil chu vântirkohaiin bi an nuom hlak a nih.

JUDA 1:14

Chuong mihai chungthu chu Enok, Adama inthawka pasarina chun a hrillâwk a, “Ngai ta u, Lalpa chu a mi inthieng sîng khathai leh a hung:

THUPUONGSUO 11:2

Biekin puotienga inhuonna sûng tuollai ruok chu inkhi sa naw, chu chu Jentailhai kuoma pêk a ni ta sih a; anni chun khaw Inthieng chu thla sawmli pahni sir dêng an tih.

THUPUONGSUO 6:10

anni chun rawl inringtakin, “Aw Lalpa, mi inthieng le indiktak, ieng chen am rorêl loa hnuoia umhai chunga kan thisen insuona phuba chu la loa i um ding?” tiin an khêk a.

RORELTUHAI 13:18

LALPA vântirko chun a kuom- ah, “Iengdinga ka hming i min dawn am? Hril mi a ni dêr nawh,” a tih a.