DANIEL 8:12 - Pathien Lekhabu Inthieng (BSI)

¹² Chun, bawsietna leia pumraw- hmanga inthâwina inhlân zing zingna le chun mipuihai chu a kuoma pêk a ni tah a. Thudik chu hnuoiah a peithlâk a, a nuom nuom a thawh a, a hlawtling bawk a.

DANIEL 8:12 ပူးပေါင်းရင်းမြစ်များ

JOB LEKHABU (THE BOOK OF JOB) 12:6

Inruhmanghai puon inhai chu a hung hlawtling a, Pathien suklungsentuhai chu an him bawk a, Chuonghai kuta chun Pathien chun tamtakin a hung vur a.

INPÂKNA HLABU 119:142

I felna chu kumkhawtluong felna ding a na, I dân khawm thutak a nih.

INPÂKNA HLABU 119:43

Chun, thutak thu chu ka baua inthawk hin la suok vawng naw la, I rorêlnahai chu ka beisei si hlak a.

INPÂKNA HLABU 28:5

LALPA sinthawhai le, A kuta a thilthaw chu an ngaisak naw leiin, Ama chun anni chu siemṭha loin suksieng a tih.

ISAI 59:14

Chuongchun, rorêlna chun hnungtieng a mîn nghatsan a, felna chun hlatakah a mi ngîrsan tah; thutak chu kawtthlêra chun a tlu zing sih a, indikna hlak chu a lût thei nawh a.

JEREMIA 12:1

Aw LALPA, nang chu ka hung ngên lai che chun, i fel a, nangma le chun a san chu ei ngaituo tlâng a, mi rilo lampui chu ieng dinga a hlawtling hlak a, khawhlotaka thawtuhai po po chu nuomsaa um am an na?

DANIEL 11:28

Chun, ama rama chun thuom- hnaw tamtak le chun kîr nâwk a ta; a lungril chu Thuthlung Inthieng kal zâwng ni tâng a ta, a nuom ang angin thâwng a tih; chun, ama ram bawka chun kîr nâwk a tih.

DANIEL 7:21

Ka en zing a, chu ki chun mi inthienghai le chun indona a siem a, anni chu a hne tah a.

DANIEL 8:4

Berâmchal chu thlangtieng le, hmârtieng le, simtieng chu panin ka hmuh a; a hmaa hrim hrim chun ramsa dang ngîr thei an um nawh a, a kuta inthawka la dawk thei hrim hrim khawm tukhawm an um nawh a; chuongchun, a nuom ang angin a thawh a, ama le ama chu ân chawi- mawi tah a.

THUPUONGSUO 13:7

Chun, mi inthienghai a do le a hne phal a na, chi tinrêng dâm, mi tinrêng dâm, ṭawng tinrêng dâm, hnam tinrêng dâm chunga thuneina a kuoma pêk a ni bawk a.

1 SAMUEL 23:9

David chun Saula chun a chunga thil ṭha naw a ngaituo ti chu a lo hriet a, thiempu Abiathar kuoma chun, “Thiempu zakawsîng kha hung la ta khai,” a ta.