DANIEL 8:11 - Pathien Lekhabu Inthieng (BSI)

¹¹ Anih, mipuihai lal kuoma ngei khawm chun ama le ama chu ân chawimawi a; pumrawhmanga in- thawina zing zinghai chu amaa inthawkin a lâk hmang a; a Hmun Inthiengtak chu a pei thlâkpêk a.

DANIEL 8:11 ပူးပေါင်းရင်းမြစ်များ

ISAI 37:23

Tu am i sukhmingsietin, i hril- siet a? Tu chung âm i râwl i sukpuom a, i mit i suksâng? Israel Mi Inthieng chung ngeiah.

ISAI 37:29

Ka chunga i lunginsen lei le, i ṭawng mingemzie chu ka naa hin a hung lût tâk leiin ka hnâr inbûk chu i hnârah inbûk ka ta, ka thîrse chu i hmûrah inbûk bawk ka tih; i hungna lampui ngeia khan inkîrtir nâwk ka ti che, tiin

JEREMIA 48:26

“Ama chu vairui ta u, LALPA chu dodâlin ama le ama ân chawi- mawi sih a; Moab chu ama luoka ngei chun inbuol a ta, ama chu mi hrilin- sîm hung ni bawk a tih.

JEREMIA 48:42

Chun, Moab chu LALPA do- dâla ân chawimawi leiin, hnam ninaa inthawka sukbohmang nîng a tih.

EZEKIEL 46:14

Chun, zîng tin tin chun chu le chun bu thilinhlân khawm buotsai i ta, epha hmun ruka ṭhea hmun khat le, hriek hin hmun thuma ṭhea hmun khat, chu beiphit inditak chu suk- tlawr dingin; chun, dân um zing angin, LALPA kuoma bu thilinhlân chu a ni zing zing ding a nih.

DANIEL 11:22

Ama hmaa chun tuilêt hrâtnain anni chu la hmang a ta, suksiet nîng an tih; anih, thuthlung hotu ngei khawm chu suksiet nîng a tih.

DANIEL 11:31

Sipaihai chu ama tieng chun ngîr an ta, Hmun Inthiengtak chu hrilsieng an ta, kulpui ngei khawm chu; chun, pumrawhmang thilinhlân zing zing chu la hmang an ta, sukrêmna intluntu tirdakumna chu sie lem an tih.

DANIEL 12:11

Chun, pumrawhmang thilin- hlân rawp hi lâk hmang le, sukrêmna tirdakum intluntu uma inthawkin ni sâng khat za hni sâwmkuo um a tih.

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn tah a; chun, tangka dâm, rângkachak dâm, dârsen dâm, thîr dâm, thing dâm, lung dâm pathien- hai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po umna chu i chawi- mawi nawh a,

DANIEL 7:25

Achunghnungtak chu kalin thu hril a ta, Achunghnungtak mi in- thienghai chu hung suksieng a tih: chun, hunhai le dân chu sukdanglam dingin ngaituong a ta, hun khat le hunhai le hun chenve sûng chu a kuta pêk nîng an tih.

DANIEL 8:12

Chun, bawsietna leia pumraw- hmanga inthâwina inhlân zing zingna le chun mipuihai chu a kuoma pêk a ni tah a. Thudik chu hnuoiah a peithlâk a, a nuom nuom a thawh a, a hlawtling bawk a.

DANIEL 8:24

A thilthawtheina chu hrâttak nîng a ta, nisienlakhawm, ama thil- thawtheina hran ngat chu ni naw ni; râpthlâktakin suksieng a ta, hlaw- tling a ta, a nuom nuom thaw bawk a tih; mi inthienghai le mi hrâttakhai chu sukse bawk a tih.

DANIEL 8:25

A remruot dân hmangin a kuta chun vervêkna chu inhlawtlingtir a ta; a lungrila chun ama le ama chu inchawimawi a tih; chun, an inring naw kârin mi tamtak chu suksieng a ta, lalhai lal chungah ngîrsuok bawk a ta, nisienlakhawm, kut loa suksiet nîng a tih.

DANIEL 9:25

Chuleiin, hre la, hrethiem rawh, Jerusalem khuo bâwl ding le siem thar dinga thupêk hung suoka inthawk Messie, Lal Naupa chen chu hapta sari le, hapta sâwmruk pahni nîng a ta, a kawtthlêr le a banghai chu siem nîng a tih, hun buoithlâk- taka khawm chun.

NAMBAR 28:3

Chun, an kuomah hril rawh: ‘Hi hi meia thilinhlân LALPA kuoma in inhlân ding chu a nih: berâmte a chal kum khat mi demkailo ni tin pahni, pumrawhmang thilinhlân inhlân hrim dingin.

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hma- khat chu Jerusalem chu Jentailhai sirdein um a tih.

2 THESSALONIKA 2:4

Ama chu, Pathiena an inbûk taphawt le sakhuo po po doin an chunga um tumin inchawimawi a tih; chuongchun, Pathien biekina ṭhung- in Pathien ang rauin intâr suong a tih.

HEBRAIHAI 2:10

A ta dinga iengkim uma, a zâra iengkim um bawk ta ding chun, nau tamtak ropuinaa a ṭhuoi lût chun, an sandamna siemtu kha tuornahai leiin sukfamkim chu a âwm hrim sih a.

THUPUONGSUO 17:14

Chuongchun, Berâmte chu do an ta, chun, Berâmte chu hotuhai Hotu le lalhai Lal a ni leiin anni chu hnêng a tih; chun, a kuoma um, ko- hai, thlanghai, ringumhai chun hne bawk an tih,” a tih a.