DANIEL 7:27 - Pathien Lekhabu Inthieng (BSI)

²⁷ Chun, vânhnuoia ram le lalram le ram ropuinahai chu Achunghnung- tak mi inthienghai hnam kuoma chun pêk nîng a ta, ama ram chu chatuon ram a na, ram po pohai chun a rawng bâwl an ta, ama thu awi an tih,’ tiin.

DANIEL 7:27 ပူးပေါင်းရင်းမြစ်များ

INPÂKNA HLABU 145:13

I ram chu chatuon ram ding a na, I thuneina chu suon um sûng po poin um zing a tih.

INPÂKNA HLABU 22:27

Kâwlkawdawnga mi po po khawmin hre nâwk an ta, LALPA tieng ngha tâng an tih: Hnam tina chi tin i hmaah kûn an tih.

INPÂKNA HLABU 72:11

Anih, lal po po chu a hmaah bawkkhup an ta, Hnam tinrêngin a rawng bâwl an tih.

INPÂKNA HLABU 86:9

Aw LALPA, i siem hnam tinrênghai chu hung an ta, i hmaah hung kûn an ta, I hming chu hung chawimawi an tih.

ISAI 14:2

Chun, chi tin chun anni ṭhuoi an ta, an hmun ding chu intlun an tih; chuongchun, Israel sûnghai chun LALPA rama chun anni chu suokpa- ahai le suoknuahai la nei an tih; anni sala mantuhai chu salah la man an ta, anni suknawmnatuhai chunga chun ro la rêl an tih.

ISAI 54:3

Changtieng le vawitienga khawm în dar lien ding a ni sih a; chuong- chun, i chithlahai chun hnam tin chu roin hluong an ta, khawpui râusan hnungahai chun mîn umtir nâwk an tih.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tung- ding dingin. Sipaihai LALPA ṭha- hnemngaina chun chuong chu thâwng a tih.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuong- chun, chuong ramhai chu kawi tam- taka hung sukkawiin, hung kâng- hmang a ta, kumkhuoin ama chu um ta lem a tih.

DANIEL 4:34

Chuong nihai tâwpa chun, kei Nebukadnezzar hin ka mithai chu vântieng ka tang a, ka hrietna chu ka kuomah a hung kîr nâwk a, Achung- hnungtak chu mal ka sâwm a, cha- tuona hring zing chu ka chawimawiin kân pâk a: A rorêlna chu chatuon rorêl a na, A lalram chu ṭhanga inthawk ṭhang sâwng tamtak chen a ni sih a;

DANIEL 6:26

Thupêk chu ka siem a; ka ram leilunga mi po pohai chun Daniel Pathien chu ṭiin a hmaa chun inthin raw hai se. Ama chu Pathien hring, chatuona pângngai zing a ni sih a, A ram khawm chu suksiet ni ngai naw nih a, A rorêlna chu chatuonin um zing lem a tih.

DANIEL 7:14

Chun, ama chu mi po po le hnam po po le ṭawng tinrêngin, A rawng an bâwl theina dingin a kuoma chun Rorêlna dâm, ropuina dâm, lalram dâm an pêk a, A lalram chu chatuon lalram bo ta ngailo ding le, A ram suksieta um ta ngailo ding chu a nih.

DANIEL 7:18

Nisienlakhawm, Achunghnung- tak mi inthienghai chun ram chu chang an ta, chatuon, chatuon chenin ram chu nei an tih,’ tiin.

DANIEL 7:22

Tienlai mi chu a hung a, Achunghnungtak mi inthienghai chu rorêlna chu a pêk a, mi inthienghaiin ram chu an chang hun a tlung hmakhat chun.

OBADIA 1:21

Zion tlânga chun Esau tlâng rêlpêk dinga sansuoktuhai hung an ta, chun ram chu LALPA ta nîng a tih.

ZEKARIA 14:9

Chun, LALPA chu leihnuoi po po chunga laltak ni tâng a ta, chu nia chun LALPA chu pakhat nîng a ta, a hming khawm pakhat chau nîng a tih.

LUKA 1:33

Jakob thlahai chungah cha- tuonin inlal a ta, a ramin tâwp ni nei naw ni,” a ta.

JOHAN 12:34

Chun, mipui chun a kuomah, “Krista chu chatuonin a um zing ding a nih ti Dân Lekhabuah kan hriet ie, nangin, ‘Mihriem Naupa khaikângin a um ding a nih,’ ieng ti tia ti am i na? Chu Mihriem Naupa chu tu am a na?” an ta, an dawn a.

1 KORINTH 15:24

Chu hnunga chun a tâwp chu la hung tlung a tih, chu pha chun rorêlnahai po po le thuneina thil- thawtheina po pohai a sukbo hnungin, Pathien kuomah, Pa kuoma ngei chun ram chu pêng a tih;

THUPUONGSUO 11:1

Chun, luong, hmawl ang hi pêkin ka um a, chuongchun, tûin amanih, “Tho la, Pathien biekin le mâichâm chu inkhi la, a sûnga betuhai khawm tiem rawh.

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl tah a.

THUPUONGSUO 17:14

Chuongchun, Berâmte chu do an ta, chun, Berâmte chu hotuhai Hotu le lalhai Lal a ni leiin anni chu hnêng a tih; chun, a kuoma um, ko- hai, thlanghai, ringumhai chun hne bawk an tih,” a tih a.

THUPUONGSUO 19:16

Chun, a puona le a êlpuia chun, “Lalhai Lal le hotuhai Hotu,” tia hming ziek a um.

THUPUONGSUO 20:4

Chun, lalṭhungphahai ka hmuh a, a chungah mi an ṭhung a, an kuoma chun rorêlna an pêk a. Chun, Isu inhriettirna thu lei le, Pathien thu leia lu tanhai thlarau le sahrâng le a lim chibai bûk loa, an bâwka manih, an kuta manih inchikna nei nawhai thlarau chu ka hmu bawk a. Chuonghai chu an hung hring a, kum sâng khat sûnga dingin Krista leh rorêlin an um a.

THUPUONGSUO 22:5

Chun, zân um nâwk ta naw nih a; khâwnvar le nisa var ngai naw ni hai a; Lalpa Pathien chun anni a ên ding a ni sih a; chuongchun, chatuonin ro rêl an tih.