DANIEL 6:4 - Pathien Lekhabu Inthieng (BSI)

⁴ Chun, hotuhai le biel awptuhai chun ram chungthuah Daniel chunga chun remchâng an zawng tah a; ni- sienlakhawm, ama chu ring a um a, amaa chun khawhlona le indiknawna hrim hmu a ni naw leiin khawhlona le remchâng chu an hmu thei dêr nawh a.

DANIEL 6:4 ပူးပေါင်းရင်းမြစ်များ

INṬANNA 41:38

Chun, Pharao chun a siehlaw- hai kuomah, “Hieng ang, Pathien thlarau umna mi hi, ei hmu zo ding am a nih?” a tih a.

INṬANNA 43:18

Chun, Josef ina ṭhuoi lûta an um leiin an ṭih a, “Fe hmasak ṭuma ei ipa tangka a mi pêk kîrhai lei khan a ni hi a mi ṭhuoi lût: ei chunga remchâng zawnga mi thawin, eini le ei sabengtunghai le hin suoka um dinga mi man a tum a ni hi,” an tih a.

THUVARHAI 29:27

Mi indik naw chu mi fel ta dingin tirdakum a ni a, Mi tluong chu mi khawhlo ta dingin tirdakum a ni ve thung.

THUHRILTU 4:4

Chun, mi chu a tuolbâwmin a thîkna hlak san, sinthaw hlawtling le sininrimna tinrênghai po po chu ka hmuh a. Hi khawm hi teplo el, lungril rimsikna el a nih.

JEREMIA 18:18

Chun, anni chun, “Hung ro khai, Jeremia chunga hin thuphier- rûk phier ei tih; thiempua inthawkin dânin bo ni nei naw nih a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

JEREMIA 18:23

Amiruokchu, LALPA, mi thatna dinga ka chunga an thu inrâwnna po po kha i hriet a, an suolna chu ngai- dam naw la, i mithmua inthawk chun an suol chu sukhmangpêk bawk naw rawh, amiruokchu, nangma hmaa chun pei thlûkin um hai sienla, anni chu i lunginsen lai chun sawisa rawh.

JEREMIA 20:10

Sîr tina ṭium le, mi tamtakhai hrilsietna chu ka hriet a. Ka ruol, hmêlhriettakhai, ka tlûk nghâktuhai chun, “Hril se ro, ama chu hrilsieng ei ta, ama chu ailâkin um a ta, ama chu hnêng ei ta, ama chunga chun ei phuba chu lâng ei tih,” an tih a.

JEREMIA 29:7

Chun, sala intâng dinga kân ṭhuoihmangtirna cheu khawpuia inremna chu zawng unla, chu chu LALPA kuoma chun hni ro; chutaka inremna lei chun muongna in nei ding a ni sih a.

DANIEL 3:8

Chuongchun, chu lai chun, Kaldai mi ṭhenkhat an hung hnai a, Juda mihai chungah hêkna an hung siem tah a.

DANIEL 5:12

lalin Beltesazzar ân bûk Daniela chun, thu ringhla umhai sukfelin, thu khirtakhai a umzie inentirin le manghai hrilfiein, amaa chun hrietna dâm, thiemna dâm le lungril ṭha bîk chu hmu suokin a um a. Tuhin Daniel chu inkotir la, a umzie chu inentir el a tih,” a ta.

DANIEL 6:22

Ka Pathien chun a vântirko a hungtir a, sakeibakneihai bau chu a hung sukchîp a, an mi sukna hrim hrim nawh; a hmaa chun keimaa indik nawna um lo chu hmuin a um a; aw lalpa nanga hmaa khawm ieng- khawm ka sukpawi nawh,” a ta.

MATTHAI 26:4

Isu chu zâwra mana, an sukhlum theina dingin an inrâwn a.

MATTHAI 27:18

Thîkna leiin ama chu an inmantir ti a hriet sih a.

LUKA 20:20

Chun, ama chu Bawrsâp rorêlna le thuneinaa pêk dingin, a thu hril suol la dingin an inchân zing a, enthlittu, mi ṭha anga inlang tehlêmhai chu an tir a.

LUKA 20:26

Chuongchun, mipui hmaah a thu hril suol lâk ding an hmu nawh a; a dawnna chu mak an ti hleh a, an to zing a.

LUKA 22:2

Chun, thiempu lal le Dân inchûktirtuhai chun a sukhlumnazie an zawng a, vântlâng an ṭi sih a.

JOHAN 19:4

Pilat chu a suok nâwk a, an kuomah, “En ta u, iengkhawm a suol ka hmu nawh ti in hrietna dingin in kuomah ka hung ṭhuoi suok hi,” a ta.

2 KORINTH 11:12

Nisienlakhawm, remchângna hmu nuomtuhaia inthawka rem- chângna chu ka sâttan theina dingin, ka thaw hlak hi thaw pei ka tih, an suongnaa chun keini um ang hin an hung um theina dingin.

PHILIPPI 2:15

suon rilo le kâwmawhai laiah, demkâilo le pawitâwklo, Pathien nau sawisêlbohai in ni theina dingin.Annirawi laia hringna thu in inhlan pha chun, khawvêla hin sukvartu dingin insuklang ro.

1 TIMOTHE 5:14

Chuongchun, hmeithai la nu- nghâk deuhai chu pasal nei hai sienla, nauhai nei sienla, insûng khawsak rel hai sienla, sawisêlna ding remchâng hrim hmêlma chu inhmutir naw hai sienla ka nuom a nih.

TITA 2:8

i thu hril indikzie dâm sawisêl ruol lo chu ân lang a, khing tienga ṭhanghai laia miin ei chunga thil ṭha naw hrim hril ding an hriet naw leia an inzakna dingin.

1 PETER 2:12

Jentailhai lai in chângzie chu mawitak ni raw se; chuongchun, thil suksuoltuhai anga an hrilsiet cheu kawngah in thil thaw ṭhat an hmuhai leiin a hung kan nia chun Pathien chawimawi thei an tih.

1 PETER 3:16

Nisienlakhawm, thuhnuoirawl- tak le ṭi dêk pumin, sie le ṭha hrietna inthiengtak nei unla, chuongchun, an hrilsietna cheu kawnga chun, Kristaa in um dân ṭhatak hrilsetuhai chu sukmuolphoin um thei an tih.

RORELTUHAI 14:4

Nisienlakhawm, a nu le pa chun, chu chu LALPA thaw a nih ti an hriet nawh a; Philistin mihai chunga remchâng a zawng a ni sih a. Chuong lai chun Philistin mihai chun Israel mihai chungah ro an rêl a.

1 SAMUEL 12:4

Anni chun, “I mi hlêm ngai nawh a, i mi suknawmna ngai bawk nawh a, tu kuta inthawk khawma lâk âwm lo chu i lâk ngai bawk nawh,” an ta.

1 SAMUEL 18:14

Chun, David chu a thilthaw taphawtah feltakin a châng hlak a, LALPA chu a kuomah a um a.

1 SAMUEL 22:14

Chuongchun, Ahimelek chun lal chu a dawn a, “Lal mâkpa, i mi rawntak hlak, in sûngkuo laia mi inzaum David ang hrim hrima mi ringum hi i siehlaw po pohai lai hin tu am a um a?