DANIEL 6:16 - Pathien Lekhabu Inthieng (BSI)

¹⁶ Chun, lal chun thu a pêk a, Daniel chu an hung ṭhuoi a, sakei- bakneihai pûka chun an pei lût tah a. Lal chun a hril a, Daniel kuoma chun, “I Pathien a rawng i bâwl zing hlak chun sansuok a ti che,” a ta.

DANIEL 6:16 ပူးပေါင်းရင်းမြစ်များ

2 SAMUEL 3:39

Lal dinga hrieknâl ni lang khawm, vawisûn hin ka hrât naw a nih; chun, hieng Zeruia nauhai hi ka ta dingin tuor hla an um taluo a nih; LALPAIN thil ṭha naw thawtu chu a suolzie ang peiin thung raw se,” a ta.

JOB LEKHABU (THE BOOK OF JOB) 5:19

Buoina paruka inthawkin sansuok a ti cheh a, Anih, pasaria thil ṭha naw hrimin nang tâwk ta naw ni che.

THUVARHAI 29:25

Mihriem ṭîna hin châng a hung siem a, LALPAA a ringna innghattu ruok chu him a tih.

ISAI 41:10

ṭi naw ro, kei in kuomah ka um sih a; lunginzîng naw ro, kei in Pathien ka ni sih a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 43:2

Tuihai in palkai lai khawmin kei in kuomah um ka ta; vadunghai in palkai lai khawmin chîm tlum naw ni cheu; meia in fe thleng lai khawmin kâng naw ni cheu a; meichawkin sukchawk bawk naw ni cheu.

JEREMIA 26:14

Chun, keia chungchâng thua chun, in kutah ka um a nih, in mithmua ṭha le ân dik ang chun ka chungah thaw el ro.

JEREMIA 38:5

Chun, lal Zedekia chun, “Ngai ta u, in kuta um a nih annâwm,; lal chu nangni kal zâwnga thil thaw thei mi ding a ni si nawh a,” a ta.

JEREMIA 38:6

Chuongchun, Jeremia chu an man a, lal naupa Malkija khurthim, vêngtuhai kul sûnga uma chun an sie lût tah a; chuongchun, Jeremia chu khuopnahai le chun an infe thlâktir tah a. Chun, chu khurthim sûnga chun chirhak ti chau naw chu tui khawm a um nawh a, chuongchun, Jeremia chu chirhaka chun ân chie tah a.

JEREMIA 39:17

Nisienlakhawm, nang chu, chu ni chun sansuok ka ti cheh a, mi iṭihai kuta chun pêk ni naw ti ni, LALPA chun a tih.

DANIEL 3:15

tuhin tawtawrâwt dâm, theihle dâm, ṭingṭang dâm, rawsem dâm, perkhuong dâm, baza le rimawi tinrêng ri chu in hriet pha pha, in bawkkhupa milim ka siem chu chi- bai in bûk ding chun a ṭha; ami- ruokchu, chibai in bûk naw chun, chu dârkâr sûng ngeia chun meithuk chawklai râpthlâktaka chun peiin um in tih; ka kuta inthawka sansuok ding cheu pathien chu tu am a ni leh?” a ta.

DANIEL 3:17

Chuong chu a ni ding chun, kan Pathien a rawng kan ibâwl chun meithuk chawklai râpthlâka inthawk chun a mi sanhim thei a; aw lalpa, i kuta inthawk khawmin a mi sanhim thei a nih.

DANIEL 3:28

Chun, Nebukadnezzar chun a hril a, “Sadrak, Mesak le Abednego hai Pathien, a vântirko hung tir a, a siehlaw ama ringtuhai hung san- himtu chu inpâkin um raw se; lal thuhai chu a hung sukdanglam a, an Pathien chau naw chu pathien dang hrim hrim chu a rawng an bâwla chibai an bûk nawna dingin an taksahai chu a humpêk tah a.

DANIEL 6:20

Daniel kuomah, sakeibakneihai pûk kâwl chu a hung tlung hnai chun, ṭap râwlin a khêk a; lal chun Daniel kuoma chun, “Aw Daniel, Pathien hring siehlawpa, i Pathien a rawng i bâwl zing zing hlak chun sakeibak- neihaia inthawkin a sansuok thei che am a nih?” a ta.

DANIEL 6:7

Hi rama hotuhai, ram awptuhai, biel awptuhai, sipai hotuhai le rorêl- tuhai po po kan inkhâwm a, aw lalpa, ni sâwmthum sûng chu nangma kuoma chau naw chu tukhawmin mi dang amanih, pathien amani kuoma hnina a siem hrim hrim chu, ama chu sakeibakneihai pûka pei lût ni raw se tia dân dettak siem dingin kan inbiekthlûk tah a nih.

THILTHAWHAI 24:27

Chun, kum hni ân vawi hnungin Porkia Festain Felik chu a thleng tah a; Felik chun Judahai laia hmingṭhat a nuom a, Paula chu khuop sain a mâksan tah a.

THILTHAWHAI 25:11

Mi suol ka nia, thina khawp rau thil thaw ka ni chun, thi khawm ka sêl nawh; nisienlakhawm, hienghai mi hêkna thil hi a bul iengkhawm a um naw chun, tukhawmin an kuomah mi pe thei naw ni hai, Kaisar kuomah intlun ka tih,” a ta.

THILTHAWHAI 25:9

Nisienlakhawm, Festa chun Judahai laia hmingṭhat a nuom a, Paula kuoma chun, “Jerusalema hang fea, khitaka ka hmaa i thu rêl i nuom am?” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:3

Rorêltuhai chu thil ṭha thaw- tuhai ta ding chun ṭium an ni nawh a, thil ṭha naw thawtuhai ta ding ruok chun ṭium an nih. Anleh, rorêltu ṭi loa um i nuom am? Thil ṭha thâw la, a înpâk hlâwng i tih;

2 KORINTH 1:10

Ama chun chuong ang lâwma thina nasaa inthawk chun a mi lo sansuok tah a, mi la sansuok nâwk a tih. Mi la sansuok nâwk pei a tih ti amaa chun beiseina kan innghat a,