DANIEL 5:6 - Pathien Lekhabu Inthieng (BSI)

⁶ Chun, lal hmêlput dân chu a hung danglam a, a ngaituonahai chun ama a sukbuoi tah a; a kâwngru insuktuoknahai chu a hung inthâwt a, a khûp le khûp chu an invuoktuo tah a.

DANIEL 5:6 ပူးပေါင်းရင်းမြစ်များ

INPÂKNA HLABU 22:14

Tui anga bunthlâkin ka um a, Ka ru po po khawm inpelsawlin a um a, Ka lungril hi khuoihlu ang a na; ka rîl lai hin ân tui zo tah.

INPÂKNA HLABU 69:23

An mithai chu an hmu theinawna dingin sukthimin hung um sienla, An kâwnghai chu sukthin rawp rawh.

ISAI 35:3

Kut hrâtnawhai chu sukhrât unla, khûp zawihai chu sukdet ro;

ISAI 5:27

Anni laia tukhawm sâwl naw ni hai a, insui bawk naw ni hai; tukhawm inlusu naw ni hai a, ininnghil bawk naw ni hai; an kâwngkhi chu sûtthâwlin um naw nih a, an kekawk khitna chu intan bawk naw nih;

JEREMIA 50:43

Babulona lal chun an ri chu a lo hriet a, a kuthai chu a hung chau a, ama chu lunginzîngna chun a man tah a, nuhmei nauhase nat tuor angin a na tah a.

EZEKIEL 21:7

Chun, i kuomah, ‘Ieng am i thuokindawng pui leh?’ an ti pha chun, ‘Chanchinhai leiin, a hung tlung mêk sih a,’ tîng i ta; chun, lungril tin chu intui a ta, kut po pohai chu hung châu an ta, thlarau tin chu hung châuhâwp an ta, khûphai po po khawm chu tui angin hung zawi an tih; ngai ta, a hung mêk a, thaw khawm a ni ngei ding a nih, Lalpa PATHIEN chun a tih, tîng i tih,” a ta.

EZEKIEL 7:17

Kuthai po po chu hrât loin um an ta, khûphai po po chu tui anga zawiin um an tih.

DANIEL 2:1

Chun, Nebukadnezzarin ro a rêl a, a kum hninaa chun Nebukad- nezzar chun manghai a mang tah a, a lungril chu a hung buoi tah a, in khawm a in ṭha thei ta nawh a.

DANIEL 3:19

Chun, Nebukadnezzar chu lunginsennain a sip a, a hmêl umzie chu Sadrak, Mesak le Abednego chunga chun a hung danglam tah a; chuleiin, a hril a, meithuk chu a lum hlak ang let saria suklum dingin thu a pêk tah a.

DANIEL 4:19

Chun, Daniel a hming dang Beltesazzar chun chawmkhat tak chu mak a ti hleh a, a ngaituonahai chun ama a sukbuoi vieu a. Lal chun a dawn a; “Beltesazzar, mang chun amanih, a umzie chun amanih suk- buoi naw raw se che.” a ta. Beltesaz- zar chun a dawn a. “Ka lalpa, mang chu nangma theidatuhai che ta ding a na, a umzie chu i hmêlmahai ta ding a nih.

DANIEL 4:5

Mang mi sukṭi êm êm el chu ka hmuh a, ka khum chunga ka ngai- tuonahai le, ka lua ka thil hmu- lâwknahai chun a mi suklungzîng êm êm a.

DANIEL 5:5

chun, chu dâr ma chun mihriem kut kutpârhai a hung suok a, lal in bang nâl vâr chunga chun sathâu khâwnvar sana chun a ziek tah a; chun, lal chun chu kut bawng, chu hung ziektu chu a hmuh a.

DANIEL 7:28

“Hi hi thu tâwpna chu a nih a; kei Daniel ta ding chun ka ngai- tuonahai chun a mi sukbuoi hleh a, ka hmêlputziehai chu a hung dang- lam a; nisienlakhawm, chu thil chu ka lungrilah ka vawng zing a,” tiin.

NAHUM 2:10

Sukruokin a um a, a ruok dêr a, a rêm dêr a nih, lungril chu ân tui- hmang a, khûphai chu ân vuoktuoh a, kâwng po po chu a na ngawi ngawi a, an rênga hmêl chu a dâng zo vawng a nih.

HEBRAIHAI 12:12

Chuongchun, kut kaithlahai chu dawm kâng unla, khûp zawihai chu sukhrât ro;