DANIEL 5:16 - Pathien Lekhabu Inthieng (BSI)

¹⁶ Amiruokchu, a umziehai chu i hril theiin, thu ringhlaumhai khawm chu i sukfel thei tiin i chanchin hi ka lo hriet a; tuhin, lekhaziek hi i tiem thei a, a umzie chu i mîn hriettir thei chun puon senduk insiltir nîng i ta, i rîngah rângkachak khaidiet inhlitir ni bawk i ta, hi rama hin rorêltu pathumna chu nîng i tih,” a ta.

DANIEL 5:16 ပူးပေါင်းရင်းမြစ်များ

INṬANNA 40:8

Anni chun a kuomah, “Mang kan nei a, a mi hrilfie thei tukhawm an um si nawha a nih,” an tih a. Josef chun an kuomah, “Mang hrilfienahai chu Pathien ta a ni naw am a nih? Lunginsiettakin mi hang hril ta u,” a tih a.

INṬANNA 41:15

Chun, Pharao chun Josef kuomah, “Mang ka nei a, a hrilfie thei tukhawm an um nawh a, nangin mang hi a thu i hriet chun i hrilfie thei ti i chanchin mi hril ka lo hriet a,” a tih a.

INṬANNA 41:42

Chun, Pharaoin a kuta inthawkin a hming namna kutsebi chu a phawi a, Josef kutah ân buntir a, puon zai inhmia siem silfênhai ân hâktir bawk a, a rîngah rângkachak khaidiet ân hlîtir a;

DANIEL 2:48

Chun, lal chun Daniel chu ropuitakin a siem a, thilpêk ropui- takhai a pêk a, Babulon rama mi var po po chunga hotu tak le Babulon biel sûng po poa rorêl dingin a siem tah a.

DANIEL 2:6

Nisienlakhawm, mang le a hril- fiena chu in mîn hriettir thei chun keimaa inthawkin thilpêkhai le lâwmmanhai le inzaumna nasatak hai hmûng in tih; chuleiin, mang le a hrilfiena chu mîn hmutir ro,” a ta.

DANIEL 5:29

Chun, Belsazzar chun thu a pêk a, Daniel chu puon senduk an insiltir a, a rînga chun rângkachak khaidiet an inhlitir a; chun, ama chungthua chun ram sûnga rorêltu pathumna chu a ni ding a nih ti thuphuong a siem tah a.

DANIEL 5:7

Chun, aisânthiemhai, Kaldai mi- hai le vânghriltuhai chu hung ṭhuoi dingin lal chu inringtakin a khêk tah a. Lal chun Babulona mi varhai kuoma chun, “Tukhawm hi lekhaziek hi tiem a, a umzie mîn entir thei taphawt chu puon senduk insiltirin a rînga chun rângkachak khaidiet inhlitir nîng a ta, hi ram rorêltu pathumna chu ni bawk a tih,” a ta.

DANIEL 6:2

an chunga chun hotu pathum, a pakhat chu Daniel chu ni dingin ti chu ṭha a ti a; chun, hieng biel awp- tuhai hin anni kuoma chun sum sêng dân chanchin chu pêng an ta; chuong- chun, lal chun sietna a tuok nawna dingin.

THILTHAWHAI 8:18

Chun, tirkohai kut innghat leia Thlarau Inthieng pêk a nih ti Simonin a hmuh a,