DANIEL 4:19 - Pathien Lekhabu Inthieng (BSI)

¹⁹ Chun, Daniel a hming dang Beltesazzar chun chawmkhat tak chu mak a ti hleh a, a ngaituonahai chun ama a sukbuoi vieu a. Lal chun a dawn a; “Beltesazzar, mang chun amanih, a umzie chun amanih suk- buoi naw raw se che.” a ta. Beltesaz- zar chun a dawn a. “Ka lalpa, mang chu nangma theidatuhai che ta ding a na, a umzie chu i hmêlmahai ta ding a nih.

DANIEL 4:19 ပူးပေါင်းရင်းမြစ်များ

INṬANNA 31:35

chun ama chun a pa kuomah, “I hmah a ka tho pei naw leiin, ka lalpa, lunginsen naw rawh; nuhmei umdân pângngai chu ka chunga a um lai tak a ni sih a,” a tih a. Chuongchun, a zawng a zawng a, milimhai chu a hmu zo ta nawh a.

INṬANNA 32:18

‘I siehlaw Jakob ta an nih, pu Esau, i ta dingin lâwmmana ân phur che a ni hi: ama khawm kan hnungah a um’ ti rawh,” tiin.

INṬANNA 40:12

Josef chun a kuomah, “Hi hi a hrilfiena a nih: a kau pathum chu ni thum a nih.

1 LALHAI 18:7

Chun, chuonga Obadia a fe lai chun, ngai ta, Elija le chun an intuok a; ama chun a la hriet a; chuongchun, a bawkkhup a, “Nang i ni maw, ka pu Elija?” a ta.

FESUOKNA 32:32

Nisienlakhawm, rem i ti chun an suolna chu la ngaidam hrâm rawh, chuong a ni naw chun, ka ngên che hi, i lekhabu i zieka inthawk khan mi thaihmang el rawh,” a tih a.

JEREMIA 29:7

Chun, sala intâng dinga kân ṭhuoihmangtirna cheu khawpuia inremna chu zawng unla, chu chu LALPA kuoma chun hni ro; chutaka inremna lei chun muongna in nei ding a ni sih a.

JEREMIA 4:19

Ka phîng, ka phîng! ka lungah a na; ka lung chu a to ṭawk ṭawk naw tawp a; ka to ṭawk ṭawk thei nawh; indona inṭhi lâwkna tawtawrâwt ri chu, aw ka thla, i lo hriet ta leiin.

DANIEL 1:7

Chun, mitillâk hotu chun anni chu hming tharhai a pêk a; Daniel chu Beltesazzar ân bûk a, Hanania chu Sadrak, Misael chu Mesak, Azaria chu Abednego.

DANIEL 2:26

Lal chun a dawn a, Daniel, a hming Beltesazzar kuoma chun, “Mang ka ihmu tâk le a umzie chu nang hin i mîn hriettir thei ding maw?” a tih a, ân dâwn a.

DANIEL 2:37

Aw lalpa, nang chu lalhai lal, vâna Pathienin ram dâm, thilthaw- theina dâm, hrâtna dâm le ropuina dâm a pêk che chu i nih;

DANIEL 4:24

a umzie chu hieng ang hi a nih: Aw lalpa, hi hi Achunghnungtak thu- pêk chu a nih, ka pu lal chunga hung tlung hi;

DANIEL 5:12

lalin Beltesazzar ân bûk Daniela chun, thu ringhla umhai sukfelin, thu khirtakhai a umzie inentirin le manghai hrilfiein, amaa chun hrietna dâm, thiemna dâm le lungril ṭha bîk chu hmu suokin a um a. Tuhin Daniel chu inkotir la, a umzie chu inentir el a tih,” a ta.

DANIEL 5:18

Aw nang lalpa, Achunghnung- tak Pathien chun i pa Nebukadnezzar chu ram dâm, ropuina dâm, nasatna dâm, inlalna dâm a pêk a;

DANIEL 5:19

ropuina a pêk lei chun a hmaa chun mi po pohai, hnam po pohai le ṭawng tinhai chu an inthinin an ṭih a; a nuom nuom a that a, a nuom nuom chu a sukhring bawk a; a nuom nuom chu a kei sâng a, a nuom nuom chu a kei hnuoi bawk a.

DANIEL 7:15

“Kei Daniel ruok chu, ka taksa sûnga chun ka lungril chu suknatin a um a, ka lua thil hmulâwkna chun a mi suklungzîng hleh a.

DANIEL 7:28

“Hi hi thu tâwpna chu a nih a; kei Daniel ta ding chun ka ngai- tuonahai chun a mi sukbuoi hleh a, ka hmêlputziehai chu a hung dang- lam a; nisienlakhawm, chu thil chu ka lungrilah ka vawng zing a,” tiin.

DANIEL 8:27

Chun, kei Daniel chu ka châu a, ni iengzât amani chu ka damnawh a; chun, ka tho a, lal sin chu ka thaw tah a: nisienlakhawm, thilhmulâwka chun mak ka ti êm êm a, tukhawma an hriet thiem si nawh a.

HABAKKUK 3:10

Tlânghai chun an hmu cheh a,an ṭih a; Tui insawkhai khawm chu an fe hmang tah a; Li inthûk chun a râwl ânsuoh a, A kuthai chu chungtieng a phar a.

1 SAMUEL 1:15

Hanna chun a dawn a, “Ni lo, ka lalpa, nuhmei lungril lungngai tâwp- khâwk ka na; uoin khawm, zupui khawm ka dâwn dêr nawh a, LALPA hmaa chun ka lungril ka phawr lem a nih.

1 SAMUEL 24:8

A hnung ela chun David khawm chu a tho a, pûka inthawk chun a suok a, “Lalpa, ka lalpa,” tiin Saula chu a ko zui a. Chun, Saula chu a nghakîr chun, David chun a hmaia hnuoi sikin chibai a bûk a.

1 SAMUEL 26:15

Chun, David chun Abner kuoma chun, “Mi huoisen i ni naw am a nih? Israel mihai lai hin nang ang tu am an um a? Iengtiziea lal i pu chu i vêng naw am a na? Lal i pu chu sukbo- hmang dingin tu amanih a hung kha tie.

1 SAMUEL 3:17

Chun, ama chun, “Ieng thil am LALPA chun i kuomah a hril lie? Ka kuoma hin iengkhawm ip naw rawh aw; i kuoma a hril po po chu ka kuomah ip i nei chun i chungah Pathien chun a thaw thawin thaw sienla, chu nêka nasa khawmin,” a ta.