DANIEL 4:16 - Pathien Lekhabu Inthieng (BSI)

¹⁶ a lungril khawm chu mihriem lungrila inthawka sukdanglam ni sienla, a kuoma chun ramsahai lung- ril chu pêk ni raw se; chun, hun sarihai chu ama chungah bo raw se.

DANIEL 4:16 ပူးပေါင်းရင်းမြစ်များ

2 SAMUEL 18:32

Chun, lal chun Kus mi kuoma chun, “Tlangvâl Absalom chu a la dam de maw?” a ta. Chun, Kus mi chun a dawn a, “Lalpa ka lalpa hmêlmahai le i sietna zawngtuhai po po chu chu tlangvâl ang chun um vawng raw hai se,” a ta.

ISAI 6:10

Hi chihai lungril hi sukthâu la, an nahai suksêt la, an mithai insîmtir rawh; chuong naw chun an mitin hmûng an ta, an nain hrieng an ta, an lungrilin hre bawk an ta, nghakîr nâwk an ta, sukdamin um rawi an tih,” a ta.

DANIEL 11:13

Hmâr tieng lal chu hung kîr nâwk a ta, a hmasa nêka mi tam lem chu hung ṭhuoi a ta; chun, kumhai tâwpah, hunhai tâwpa chun sipai nasatak le hausakna tamtak leh hung a tih.

DANIEL 12:7

Chun, puon zai inhmia inthuom, vadung tuihai chunga ngîr chun a kut changtieng le vawitieng chu vân tieng a phar a, chatuona Hring kuoma chun inkhâmin, “Hun khat le, hunhai le, hun chenve sûng nîng a tih; chun, mi inthienghai thil- thawtheina chu a nâwia suknâwi vawng chu an zo pha chun hieng thil po po hi thaw zo ni tâng a tih,” a ti ka hriet a.

DANIEL 4:23

Chun, lalin vâna inthawka vêngtu le mi inthieng hung thlaa, Thing kha phûr thlu unla sukbo- hmang ro, amiruokchu, a zunghai kûnghmui ruok chu hnuoia hlobet innêm lai thîr le dârsen hnânga khuopin mâksan ro, vâna inthawka daidâw chun hu hlak sienla, a fâk ding khawm chu ramhnuoia ramsa- hai fâk ang chu ni raw se; ama chunga hun sarihai a fe liem hma- khat chun, ti thu an hung hril ruok hi chu,

DANIEL 4:25

chuongchun, mihriem laia in- thawka hnawt hmang nîng i ta, i chêngna chu rama ramsahai lai nîng a tih; chun, bâwngchalhai anga hlo- bet infâktir nîng i ta, vâna inthawka dâidâw chun sukhu ni bawk i tih; chun, hun sarihai chu i chunga chun fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chu.

DANIEL 7:25

Achunghnungtak chu kalin thu hril a ta, Achunghnungtak mi in- thienghai chu hung suksieng a tih: chun, hunhai le dân chu sukdanglam dingin ngaituong a ta, hun khat le hunhai le hun chenve sûng chu a kuta pêk nîng an tih.

DANIEL 7:28

“Hi hi thu tâwpna chu a nih a; kei Daniel ta ding chun ka ngai- tuonahai chun a mi sukbuoi hleh a, ka hmêlputziehai chu a hung dang- lam a; nisienlakhawm, chu thil chu ka lungrilah ka vawng zing a,” tiin.

HEBRAIHAI 1:11

Chuonghai chu la bohmang a ta, Nang ruok chu um sawng ding i nih; Chun, chuonghai po po chu, Silfên angin la hlui a ta,

THUPUONGSUO 12:14

Chuongchun, thlalêra a hmuna chun a vuong lût theina dingin nuhmei chu mupui lientak thla khing hni an pêk a, chutaka chun rûlpui hmu phâk nawah hun khat le hunhai le hun chenve sûng po châwm an tih.