DANIEL 4:14 - Pathien Lekhabu Inthieng (BSI)

¹⁴ Ama chu inringtakin a khêk a, ‘Thing kha phûr thlu unla, a kâuhai kha tan thla ro, a hnahai kha sâwi ṭil unla, a ra kha the dar bawk ro; a kâuhaia vatehai le, a hnuoia ram- sahai kha fe hmang raw hai seh.

DANIEL 4:14 ပူးပေါင်းရင်းမြစ်များ

JOB LEKHABU (THE BOOK OF JOB) 24:20

Sul chun ama chu theinghil a ta, nge chun inhniktakin ama fâng a tih, Ama chu hriet zing khawm ni ta naw ni; Chun, fel nawna chu thing anga sukthliek ni bawk a tih.

JEREMIA 27:5

ka bân phar le ka thilthawtheina nasatak chun hnuoi phêk chunga ramsahai le mihriem le leihnuoi chu ka siem a; chun, ka ngaia pêk ding âwm kuoma chun ka pêk tah a.

JEREMIA 51:6

Babulona inthawk chun tlân suok unla, mi tinin a hringna sandam raw se; a khawhlonaa sât thlâkin um naw unla, LALPA phuba lâkna hun a ni sih a; ama chun thungna chu pêng a tih;

JEREMIA 51:9

Babulon chu sukdam ka tum a, nisienlakhawm, sukdamin a um si nawh a; ama chu mâksan unla, mi tin chu mâni ram sengah fêng ei tiu; a chungthu rêlna chun vân a tlung ta sih a; vânhai chena dawm sâng chu a ni ta sih a.

EZEKIEL 31:10

“Chuleichun, Lalpa PATHIEN chun hieng hin a tih; Insâng tienga chun chawisângin i um a; a lêrzîk chu kâubuk sataka chun ân umtir a, ân sâng lei chun a lungril chu suksângin a um a;

DANIEL 2:21

Hunhai le hunbihai chu a sukdanglam a, Lalhai chu a suktlâwmin lalhai chu a tungding a; Mi varhai kuoma chun varna a pêk a, hrietna neihai kuoma chun hrietthiemna a pêk bawk a;

DANIEL 3:4

Chun, tlângsam chu inringtakin a hung khêk a, “Aw mipui po pohai, hnam po pohai le, ṭawng po pohai, in kuomah hieng anga thupêk hi a nih:

DANIEL 4:12

A hnahai chu a mawiin a rahai chu a tam êm êm a, amaa chun mi po po ta dingin fâkding a um a; ramsahai chu a hnuoia chun an inzârhlieh a, chunglêng vatehai khawm chu a kâuhaia chun an chêng a, mi po po chu amaa châwmin an um a.

DANIEL 4:23

Chun, lalin vâna inthawka vêngtu le mi inthieng hung thlaa, Thing kha phûr thlu unla sukbo- hmang ro, amiruokchu, a zunghai kûnghmui ruok chu hnuoia hlobet innêm lai thîr le dârsen hnânga khuopin mâksan ro, vâna inthawka daidâw chun hu hlak sienla, a fâk ding khawm chu ramhnuoia ramsa- hai fâk ang chu ni raw se; ama chunga hun sarihai a fe liem hma- khat chun, ti thu an hung hril ruok hi chu,

DANIEL 4:29

Thla sâwm pahnihai tâwpa chun Babulon ram lal ina chun a feh a.

DANIEL 5:20

Nisienlakhawm, a lungril chu a hung insâng a, a lungril a hung ngar phingle chun chapotakin a thaw tah a, ân lalna lalṭhungphaa inthawk chun sie hnuoiin a um tah a, amaa inthawk chun a ropuina chu an lâk hmang a,

DANIEL 5:21

chun, mihriem nauhai laia inthawk chun hnawt hmangin a um a; a lungril chu ramsahai lungril anga siem a hung na; a umna hmun chu ram sabengtunghai lai a ni tah a; chun, bâwngchal angin hlobet chu a ring a, a taksa chu vâna inthawka daidawin a sukhu ta bawk a: mi- hriemhai ram chunga hin Pathien Chunghnungtakin ro a rêl a, a nuom nuom chu a chunga chun a sie hlak ti a hriet hmakhat chun.

MATTHAI 3:10

Tuta inthawk el khawmin thing bul tinah hreipui an sie tah; chuong- chun, thing tin ra ṭhaa ra naw phawt chu an phûr a, meiah an pei hlak.

MATTHAI 7:19

Thing tin a ra ṭha naw chu an phûr a, meiah an pei hlak.

LUKA 3:9

Tu ngei khawm hin hreipui thing bul tinah an sie tah; chuongchun, thing tin ra ṭhaa ra naw taphawt chu an phûr a, meiah an pei hlak,” a ta.

THUPUONGSUO 10:3

sakeibaknei inhûk angin rawl inringtakin a khêk tah a. A khêk zo chun vâninrûm pasarihai chun an rawl an insuo tah a.

THUPUONGSUO 18:2

Chun, ama chun rawl inring- takin, “Babulon khaw ropui chu a tlâwm tah, a tlâwm tah! khawhrihai umna le, thlarau inthiengnaw tin- rêng kulbîng le, vate inthiengnaw le tirdakum tinrêng kulbîng a hung ni tah.