DANIEL 3:27 - Pathien Lekhabu Inthieng (BSI)

²⁷ Chun, biel awptuhai, ram awp- tuhai, sipai hotuhai le lal rorêltuhai hung inkhâwmhai chun chuong mihai chu an taksahai chunga chun meiin thilthawtheina a nei nawh a, an lua sam khawm chu a kângkin nawh a, an zakuohai khawm chu a danglam chuong nawh a, anni chu mei rim khawm an innam nawh ti chu an hmuh a.

DANIEL 3:27 ပူးပေါင်းရင်းမြစ်များ

1 LALHAI 13:28

Chun, a fe tah a, a ruong lampuia inthal dêra lo um le, sabeng- tung le sakeibaknei ruong bula lo ngîr zing chu a va hmuh a; sakeibaknei chun ruong chu a lo la fâk nawh a, sabengtung khawm chu a lo la sukpawp naw bawk a.

2 LALHAI 19:19

Chuleiin, aw LALPA kan Pa- thien, nang, nangma chau hi LALPA Pathien i nih ti hnuoi chung ram po po hin an hriet theina dingin amaa inthawk hin mi sanhim ngei ngei rawh,” tiin.

INPÂKNA HLABU 83:18

Nangma chau hi JEHOVAH hming put, Hnuoi chung po poa Achung- hnungtak i nih ti an hriet theina dingin.

ISAI 26:11

“LALPA, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭha- hnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 43:2

Tuihai in palkai lai khawmin kei in kuomah um ka ta; vadunghai in palkai lai khawmin chîm tlum naw ni cheu; meia in fe thleng lai khawmin kâng naw ni cheu a; meichawkin sukchawk bawk naw ni cheu.

DANIEL 3:21

Chun, chuong mihai chu an kekawrhai, an lukâwmhai, an kawr- fuolhai le an silfên danghaia chun khuopa umin meithuk chawklai râpthlâktaka peiin an um tah a.

DANIEL 6:23

Chun, lal chu nasatakin a lâwm tah a, Daniel chu pûka inthawka la suok ding chun anni chu thu a pêk tah a, chuongchun, Daniel chu pûka inthawk chu lâk suokin a um a, ama chun Pathien chu a ring tlat leiin amaa chun suknatna iengkhawm hmuin a um nawh a.

DANIEL 6:7

Hi rama hotuhai, ram awptuhai, biel awptuhai, sipai hotuhai le rorêl- tuhai po po kan inkhâwm a, aw lalpa, ni sâwmthum sûng chu nangma kuoma chau naw chu tukhawmin mi dang amanih, pathien amani kuoma hnina a siem hrim hrim chu, ama chu sakeibakneihai pûka pei lût ni raw se tia dân dettak siem dingin kan inbiekthlûk tah a nih.

MATTHAI 10:30

In samzai chen khawm hi tiem vawng a nih in sawnnaw.

THILTHAWHAI 26:26

Hieng thu hi lal hin a hriet annâwm, a kuoma khawm ṭi loin ka hril hi; hieng thil hi a kuomah iengkhawm ip a ni nawh ti indiktakin ka hriet deh, hieng hi in kila thaw a ni si nawh a.

THILTHAWHAI 27:34

Chuleiin, bu fa dingin ka tir cheu hi; in damna ding a ni hi; nangni laia tukhawm a samzai pakhat khawm bohmang naw ni,” a ta.

HEBRAIHAI 11:34

Hrât nawnaa inthawka hrâttak- a siemin an um a, indonaa chun mi hrât khawkhêng an lo na, hnam dang indo pâwlhai an intlânsiettir a.