DANIEL 3:19 - Pathien Lekhabu Inthieng (BSI)

¹⁹ Chun, Nebukadnezzar chu lunginsennain a sip a, a hmêl umzie chu Sadrak, Mesak le Abednego chunga chun a hung danglam tah a; chuleiin, a hril a, meithuk chu a lum hlak ang let saria suklum dingin thu a pêk tah a.

DANIEL 3:19 ပူးပေါင်းရင်းမြစ်များ

INṬANNA 31:2

Chuongchun, Jakob chun Laban hmêl chu a en a, hi hma ang khan a chungah a ṭha ta nawh ti a hmuh a.

ESTHER 3:5

Chun, Hamanin Mordekai chun ama chu chibai a bûk nawh a, inza khawm ân za nawh ti a hriet chun, Haman chu a lunginsen ta êm êm el a.

ESTHER 7:7

Chun, lal chu a lunginsen chun uoin dâwn lai chu a tho a, lal in huona chun a va fe tah a; chun, lalnu Esther kuoma a hringna ta dinga ngên dingin Haman khawm chu a ngîr tah a; a chunga chun thiltum ṭha nawtak lal chun a nei ti a hmu ta sih a.

INPÂKNA HLABU 76:10

Matheiloin mihriem lunginsenna hin la hung inpâk ngei a ti che, Lunginsenna mahla chun inkhit i tih.

THUVARHAI 16:14

Lal lunginsenna chu thina thangkohai an nih; Mi var ruok chun sukdei a tih.

THUVARHAI 21:24

Mi chapo le mi uong chu a hming chu Hmusittu a na, Inphûloin chaponaah sin a thawh a.

ISAI 51:23

chuongchun, nangma sukrimsi- tuhai kuta chun sieng ka ta, anni chun i hringna kuomah, ‘Kan hraw ding chein bawkkhup rawh,’ an ti kha; chuongchun, nangin a hrawtu- hai kuoma chun i ruongzâng chu leilâk ang le kawthlêr angin i daw kha,” tiin.

DANIEL 2:12

Hi thil chunga hin lal chu a lunginsen a, ṭi a um ta êm êm a, Babulona mi var po pohai chu sukbo- hmang dingin thu a pêk tah a.

DANIEL 3:13

Chun, Nebukadnezzar chun a lungsenna le a ṭitumna chun Sadrak, Mesak le Abednego hai chu hung ṭhuoi dingin thu a pêk a. Chun, chuong mihai chu lal hmaa chun an hung ṭhuoi tah a.

DANIEL 3:20

Chun, a sipai pâwl laia mi- hrâttakhai chu Sadrak, Mesak le Abednego chu khuop a, meithuk chawklai râpthlâktaka chun pei lût dingin thu a pêk a.

DANIEL 5:6

Chun, lal hmêlput dân chu a hung danglam a, a ngaituonahai chun ama a sukbuoi tah a; a kâwngru insuktuoknahai chu a hung inthâwt a, a khûp le khûp chu an invuoktuo tah a.

DANIEL 6:24

Chun, lal chun thu a pêk a, chuong Daniel hêktuhai chu an hung ṭhuoi a; anni leh, an nauhai leh, an nuhmeihai le chun sakei- bakneihai pûka chun an pei tah a; anni chu sakeibakneihai chun an lo thaw tah a, an ruhai chu a nawi nawiin an suktliek vawng a, pûk ṭuong chu an tlung hman naw hiel lem a nih.

LEVI DÂN 26:18

Chuong sa khawma ka thu in la pawm naw rawp chun, in suolhai leiin a let sariin la hrem ka ti cheu a;

LEVI DÂN 26:21

“Kei a mi kal zâwnga in um a, ka thu in pawm naw chun, in suolhai zirin a let sariin in chungah hremna intlungtir ka tih.

LEVI DÂN 26:24

kei khawm nangni kal zâwngin um ka ta, keima ngeiin in suolhai leiin a let sariin hrem ka ti cheu.

LEVI DÂN 26:28

lunginsentakin nangni kal zâwngin um ka ta; in suol leiin a let sariin hrem bawk ka ti cheu.

THILTHAWHAI 5:33

Chun, anni chun chuong thu chu an hrietin an lungril a khei tah a, sukhlum an tum tah a.

THILTHAWHAI 7:54

Chun, chuong thu chu an hrietin an lungril a khei tah a, Stephan chunga chun an ha an rawt a.