DANIEL 2:45 - Pathien Lekhabu Inthieng (BSI)

⁴⁵ Chun, tlânga inthawka lung chu kuthai ṭhang lova sât thlâka uma, thîr dâm, dârsen dâm, pil dâm, tangkaruo dâm le rângkachak dâm chu a nâwia a sukkawi i hmu ta ang khan, Pathien ropuitak chun hi hnunga thil hung um ding lal kuoma chun a hung inhriettir a ni hi; mang chu indik ngei a ta, a umzie khawm chu indik bawk a tih,” a ta.

DANIEL 2:45 ပူးပေါင်းရင်းမြစ်များ

INṬANNA 41:26

Bâwngpui pasari ṭhatak takhai chu kum sari an nih, bu vui sari ṭhatak takhai khawm chu kum sari an ni bawk a; mang chu thuhmun a nih.

INṬANNA 41:28

Chu chu a nih Pharao kuoma ka hril kha: Pathienin a thilthaw ding Pharao ân hriettir a ni hi.

INṬANNA 41:32

Chun, Pharao mang ân nei nawntirna che chu hi lei hi a nih, thil thaw ding chu Pathienin a sukdet a, Pathien bawkin ân tlungtir vak ding leiin.

2 SAMUEL 7:22

Chuleichun, Aw LALPA Pa- thien, nang chu i ropui a nih, kan naa kan hriet angin nanga ang hrim hrim an um nawh a, nangma naw chu Pathien hrim hrim an um bawk nawh.

1 CHANCHIN SUINA 16:25

LALPA chu a ropui a, nasataka inpâk ding a ni sih a, Ama chu pathien po po nêka ṭi ding a nih.

NEHEMIA 4:14

Chun, ka hang en vêl a, ka tho a, mi ṭhahai le rorêltuhai le mi danghai kuoma chun, “Anni chu ṭi dêr naw unla, LALPA ropuitak le, ṭiumtak el chu hre zingin in unauhai, in nau- pasalhai, in naunuhmeihai, in nu- hmeihai, in inhai hum dingin thaw ro khai,” ka tih a.

NEHEMIA 9:32

Chuleiin, kan Pathien, Pathien ropui, iengkim thawthei le ṭium, thuthlung hlena lunginsietna suk- langtu chun keini chunga le kan lalhai, kan mi lienhai dâm, kan thiempuhai dâm, kan zâwlneihai dâm, kan pi le puhai le i mihai po po chungah, Assuria lalhai inlal laia inthawka tu chena rinumna hung tlung zozai hi thil chîn thamah ngai nawh rawh.

JOB LEKHABU (THE BOOK OF JOB) 36:26

Ngai ta, Pathien chu a ropui a, ama chu ei hriet naw a nih; A kum tamzie khawm chu zawng suok ruollo a nih.

INPÂKNA HLABU 135:5

LALPA chu ropuitak a nih ti le, Ei LALPA chu pathien po po nêkin a chunghnung a nih, ti ka hriet sih a.

INPÂKNA HLABU 145:3

LALPA chu a ropui a, nasataka inpâk ding a nih, A ropuizie chu suisuok ruol a ni nawh.

INPÂKNA HLABU 2:9

Anni chu thîr hmawlin sukkawi i ta, Bêlhemtu bêl angin anni chu pei nâwi i tih,” a tih a.

INPÂKNA HLABU 48:1

LALPA chu a ropui a, nasataka inpâk ding a nih; Ei Pathien khawpuiah, a tlâng inthienga chun.

INPÂKNA HLABU 96:4

LALPA chu a ropui a, nasataka inpâk ding a ni sih a, Pathien po po nêka ṭî ding a nih.

ISAI 28:16

chuleiin, Lalpa Pathien chun hieng ang hin a hril, “Ngai ta, lung, lung fie hnung, a kia lung hlutak ka phûm, dettak chu, Ziona chun lung- phûm dingin ka rem hi; ama ringtu chu inhmaw naw nih.

DANIEL 2:24

Chuongchun, Daniel chu lalin Babulona mi varhai sukbohmang dinga a ruot Ariok kuoma chun a va lût a, a va feh a, a kuoma chun, “Babulona mi varhai hi sukbohmang naw rawh; lal kuoma chun mi ṭhuoi lût la, mang umzie chu lal chu inentir ka tih,” a ta.

DANIEL 2:28

amiruokchu, vânah Pathien, thurûkhai phuongtu chu a um a, ama chun lal Nebukadnezzar chu ni nuhnunga thil um dinghai chu ân hriettir a nih. I mang le i khum chunga i lua i thil hmulâwkhai chu hienghi an nih:

DANIEL 2:29

nanga ta ding chun, aw lalpa, hi hnunga thil la hung tlung dinghai chu i khum chungah i ngaituonahai chu i lungrilah a hung lût a nih; thurûkhai phuongtu chun thil la hung tlung ding chu ân hriettir che a ni chu.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuong- chun, chuong ramhai chu kawi tam- taka hung sukkawiin, hung kâng- hmang a ta, kumkhuoin ama chu um ta lem a tih.

DANIEL 8:25

A remruot dân hmangin a kuta chun vervêkna chu inhlawtlingtir a ta; a lungrila chun ama le ama chu inchawimawi a tih; chun, an inring naw kârin mi tamtak chu suksieng a ta, lalhai lal chungah ngîrsuok bawk a ta, nisienlakhawm, kut loa suksiet nîng a tih.

HAGGAI 2:22

ramhai lalṭhungpha khawm chu pei thlâng ka tih; chun, hnamhai lalram hrâtna chu sukse bawk ka tih; chun, tawlailîrhai chu pei thlâng ka ta, a chunga chuongtuhai le chun; sakawrhai le a chunga chuong, mi tin chu mâni unau kâwlhnâm ngeia suktlâwm ni tâng a tih,’ tiin.

ZEKARIA 12:3

Chu nia chun hieng hi hung nîng a ta, hnam po pohai ta dingin Jerusalem chu lung phurriksakah siem ka ta, chuonga amaa insukrik- tuhai po po nasataka sukhliem nîng an ta; chuongchun, hnuoi chunga hnam po pohai a chunga chun inhâwrkhâwm an tih,” tiin.

MALAKI 1:11

Nisa suoknaa inthawka a tlâk- na chenin Jentailhai lai hman ka hming hi a ropui a na; hmun tinahai chun riminhnik dâm ka hminga in- hlân a na, thil inthieng inhlân leh; Jentailhai lai hman ka hming chu a ropui sih a, sipaihai LALPA chun a tih.

MATTHAI 21:24

Chun, Isûn an kuomah, “Kei khawmin thu bau khat indawn vêng ka ti cheu, chu chu in mi hril chun tu thuin am hieng thilhai hi ka thaw, hril vêng ka ti cheu.

MATTHAI 24:35

Hnuoi le vân bo a ta, ka thu ruok chu bo naw ni.

LUKA 17:20

Chun, Pharisaihaiin Pathien ram hung tlung ding hun an indawn leiin an kuomah, “Pathien ram chu hmu theiin a hung tlung nawh ie,

DÂN PAHNINA 10:17

LALPA in Pathien chu pathien- hai Pathien, hotuhai Hotu, Pathien ropuitak, hrâttak, ṭiumtak el, tukhawm ditsak bîk nei lo, thamna khawm la ngai lo a ni sih a.

THUPUONGSUO 1:19

“Chuongchun, i thil hmu tahai le thil um zinghai le tuta hnunga thil hung um dinghai thu chu ziek rawh;

THUPUONGSUO 19:17

Chun, nisaa khin vântirko ngîr ka hmuh a; ama chun vânlaizâwla vate vuong po pohai kuoma chun rawl inringtaka khêkin, “Pathien ruoi ropuitak ṭhenaa chun hung inkhâwm ro,

THUPUONGSUO 4:1

Chuong thil hnunga chun ka hang en a, chun, ngai ta, vânah kawtkhâr inhawng ka hmuh a; chun, rawl ka hriet hmasak, tawtawrâwt ri anga mi bie khan, “Hitaka hin hung rawh, chuongchun, tuta hnunga thil hung um dinghai inentir ka ti che,” a ta.