DANIEL 2:35 - Pathien Lekhabu Inthieng (BSI)

³⁵ Chun, thîr dâm, pil dâm, dârsen dâm, tangkaruo dâm le rângkachak dâm chu inang rawngin an innawi tah a; nipui laia hrizâwlhaia busi ang el an hung ni tah a; chun, anni ta ding hrimin hmun hmu a ni ta nawh a, thli chun a lên hmang vawng tah a; chun, kha lung milim deltu kha tlâng ropuitak a hung na, khawvêl po po a hluo sip tah a.

DANIEL 2:35 ပူးပေါင်းရင်းမြစ်များ

JOB LEKHABU (THE BOOK OF JOB) 6:17

A hung lum pha chun an bohmang a; A lum pha chun, an hmuna inthawkin an bohmang hlak.

INPÂKNA HLABU 103:16

Thliin a mût a, a bo hlak a nih, A umna chun hre nâwk ta naw nih.

INPÂKNA HLABU 22:27

Kâwlkawdawnga mi po po khawmin hre nâwk an ta, LALPA tieng ngha tâng an tih: Hnam tina chi tin i hmaah kûn an tih.

INPÂKNA HLABU 37:10

Sâwt nawtê hnungah mi rilo chu a um ta awm si nawh a, Anih, a umna hmun chu en en hman la khawm um ta naw ni.

INPÂKNA HLABU 37:36

Nisienlakhawm, lampuiah a va feh a; chun, ngai ta, ama chu a um ta nawh a. Anih, ka zawng a, nisienla- khawm, hmu zo a ni ta nawh.

INPÂKNA HLABU 46:9

Ama chun indonahai chu kâwlkawdawng chenin a sukbo hlak a, Thalngul chu a sukthliek a, fei chu a sât bawng hlak a. Tawlailîrhai chu meiah a raw hmang hlak.

INPÂKNA HLABU 66:4

Leihnuoi po pohai hin chibai bûk an ti che a, Nangma inpâkin hla sak an ta, I hming inpâkin hla sak an tih,” ti ro.

INPÂKNA HLABU 86:9

Aw LALPA, i siem hnam tinrênghai chu hung an ta, i hmaah hung kûn an ta, I hming chu hung chawimawi an tih.

ISAI 11:9

Ka tlâng inthienga hrim hrim chun insuknat um ta naw nih a, insuksiet um bawk ta naw ni; tuihai hin tuisuoriet ân khum zing angin, leihnuoi hi LALPA hrietnain a sip zo vawng ta ding a nih.

ISAI 8:9

“Chi tinhai, buoi nuoi nuoi ta unla, kawinawiin in um ding a nih; ram hlataka mi po pohai, na sit unla, inrâlthuom ro; kawinâwiin in um ding a nih; inrâlthuom ro, kawi- nâwiin in um ding a nih.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuong- chun, chuong ramhai chu kawi tam- taka hung sukkawiin, hung kâng- hmang a ta, kumkhuoin ama chu um ta lem a tih.

HOSEA 13:3

Chuleiin, zîngkâr ṭieusûm ang le, Dâidaw inhmataka bo nâwk el hlak ang, Hrizâwla bu si thlivirin a lâk hmang hlak ang, Meikhu suokna meikhu ang nîng an tih.

MIKA 4:13

Aw Zion naunu, tho la chîl rawh, i ki chu thîr angin siem ka ta, i kepha bâwrhai chu dâr angin ka siem ding a ni sih a; chun, chi tamtakhai chu vaw nâwi i ta, an thil hlêp chu LALPA ta dingin hlânthieng i tih, an sum chu leihnuoi pumpui LALPA ta dingin hlânthieng i tih.

ZEKARIA 12:3

Chu nia chun hieng hi hung nîng a ta, hnam po pohai ta dingin Jerusalem chu lung phurriksakah siem ka ta, chuonga amaa insukrik- tuhai po po nasataka sukhliem nîng an ta; chuongchun, hnuoi chunga hnam po pohai a chunga chun inhâwrkhâwm an tih,” tiin.

1 KORINTH 15:25

a hmêlmahai po po a ke hnuoia a sie hmakhat chu ama chu lala um ding hrim a ni sih a.

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl tah a.

THUPUONGSUO 12:8

drakon le a tirkohai khawm chun an do ve a; nisienlakhawm, an hne ta nawh a, an hmun chu vânah a um ta bawk nawh.

THUPUONGSUO 20:11

Chun, lalṭhungpha lientak vâr- tak le a chunga ṭhung chu ka hmuh a, a hmaa inthawk chun hnuoi le vân an tlân hmang a, an ta dingin hmun hrim a um ta nawh a.