DANIEL 2:28 - Pathien Lekhabu Inthieng (BSI)

²⁸ amiruokchu, vânah Pathien, thurûkhai phuongtu chu a um a, ama chun lal Nebukadnezzar chu ni nuhnunga thil um dinghai chu ân hriettir a nih. I mang le i khum chunga i lua i thil hmulâwkhai chu hienghi an nih:

DANIEL 2:28 ပူးပေါင်းရင်းမြစ်များ

INṬANNA 40:8

Anni chun a kuomah, “Mang kan nei a, a mi hrilfie thei tukhawm an um si nawha a nih,” an tih a. Josef chun an kuomah, “Mang hrilfienahai chu Pathien ta a ni naw am a nih? Lunginsiettakin mi hang hril ta u,” a tih a.

INṬANNA 41:16

Josef chun Pharao chu a dawn a, “Chu chu keimaa um a ni nawh a, Pathienin Pharao chu thlamuong- thlâktakin dawn lem a tih,” a tih a.

INṬANNA 41:25

Chun, Josef chun Pharao kuom- ah, “Pharao mang hi thuhmun a nih: Pathienin a thilthaw ding Pharao ân hriettir a ni chu.

INṬANNA 49:1

Chun, Jakobin a naupasalhai chu a ko a, a hril a; “Ni nuhnunghaia in chunga thil la tlung ding chu ka hril theina ding cheuin hung inkhâwm ro.

INPÂKNA HLABU 115:3

Kan Pathien chu vânah a um sih a, A nuom taphawt a thaw a nih.

ISAI 2:2

Ni nuhnungahai chun LALPA in umna tlâng chu tlâng lien chungahai chun sukdetin um a ta, tlâng chînhai chunga chun dawm sângin um bawk a ta, chutaka chun hnam tinrênghai chu fe nguoi nguoi an tih.

JEREMIA 10:7

Aw hnamhai Laltak, tuin am ṭi nâwng an ti cheh a? Nang chun i phu hrim sih a, hnamhai laia mi var po po lai le, an lalram sûngahai chun, nang- a ang hrim tukhawm an um nawh.

JEREMIA 30:24

A thaw hmakhat chun LALPA lunginsenna chu hung kîr nâwk ta naw nih a; a lungrila a tum chu a thaw hmakhat chun: hi hnung tieng nihaia chun la hrieng in tih,” tiin.

JEREMIA 48:47

Nisienlakhawm, Moab sal in- tângna chu nakie tieng niahai chun la hung la kîr nâwk ka tih, LALPA chun a tih” tiin. Moab chunga rorêlna chu chuong chen chu a nih.

EZEKIEL 28:3

ngai ta, Daniel nêkin i var lem a nih; nangmaa inthawka thup thei ding thurûk hrim hrim a um nawh a,

EZEKIEL 38:16

ka mi Israelhai chu hung do i ta, sûmpuiin ram a hung tuom ding ang elin; chun, ni nuhnungahai chun aw Gog, an mithmu ngeia nang- maa sukthienga ka um phaa hnam tamtakhai chun an mi hriet theina dingin, ka ram chu indodâl tir ka ti che.

EZEKIEL 38:8

Ni tamtak hnunga chun ko khâwm ning i ta, kum nuhnungahai chun indonaa inthawka sansuok, hnam tamtakhaia inthawka lâk khâwmhai umna ram, Israel tlâng- hai, râusana um zing zing el chu hung tlung i tih; anni chu hnamhai laia inthawka lâk suok an na, an rêng chun himtakin an chêng ding a nih.

DANIEL 1:20

Chun, varna le hrietthiemna kawng tinrêngah, lalin a indawn ta hrim hrima chun, a ram sûnga aisân- thiemhai le mitvaidawi thiemhai po po nêka le sâwma var lemin anni chu a hriet a.

DANIEL 10:14

Ni nuhnungahai chun i mihai chu iengin am a hung tlâkbuok ding a na ti inhriettir ding chein tuhin ka hung a nih; thilhmulâwk kha ni tamtakhaia ding a la ni chau sih a,” a ta.

DANIEL 2:18

Babulona mi var danghai lai chun Daniel le a ruolhai chu an thi ve nawna dinga, hi thurûk chungchâng thua hin vâna Pathien zângaina chu an ngên theina dingin.

DANIEL 2:22

Thurûkhai le thil inthûk- hai chu an kuomah a phuong a, Inthima thil um chu a hriet a, var chu amaa chun a um a nih.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuong- chun, chuong ramhai chu kawi tam- taka hung sukkawiin, hung kâng- hmang a ta, kumkhuoin ama chu um ta lem a tih.

DANIEL 2:45

Chun, tlânga inthawka lung chu kuthai ṭhang lova sât thlâka uma, thîr dâm, dârsen dâm, pil dâm, tangkaruo dâm le rângkachak dâm chu a nâwia a sukkawi i hmu ta ang khan, Pathien ropuitak chun hi hnunga thil hung um ding lal kuoma chun a hung inhriettir a ni hi; mang chu indik ngei a ta, a umzie khawm chu indik bawk a tih,” a ta.

DANIEL 2:47

Chun, lal chun Daniel chu a dawn a, “Indiktakin, i Pathien chu pathienhai Pathien, lalhai Lalpa, hi thurûk hi i phuong theizie hmu hrim hin, thurûkhai phuongtu chu a ni ngei hi,” a ta.

DANIEL 4:5

Mang mi sukṭi êm êm el chu ka hmuh a, ka khum chunga ka ngai- tuonahai le, ka lua ka thil hmu- lâwknahai chun a mi suklungzîng êm êm a.

HOSEA 3:5

Chu hnunga chun Israel thlahai chu hnungkîr an ta, LALPA an Pathien le an laltak David chu zawng an ta; ni nuhnunghaia chun LALPA le a ṭhatna chu inthin pumin pan an tih.

AMOS 4:13

Ngai ta, tlânghai inngîr suok a, thli siem a, mihriem kuoma chun a ngaituona chu ieng am a na ti hrilsuokpêk a, zîngkâr chu sukthim a, hnuoi hmun insâng sirtu chu a hming LALPA, sipaihai Pathien chu a ni sih a.

NAMBAR 24:14

Ngai ta! tuhin ka mihai kuomah ka fe ding a nih; hung la, hieng mi hai hin hi hnunga i mihai chunga an thaw dân ding hril ka ti cheu,” a ta.

MATTHAI 6:9

“Chuongchun, nangni chu hieng ang hin ṭawngṭai ro: Kan Pa vâna mi, I hming inzaum raw se, I ram hung tlung raw se.

DÂN PAHNINA 31:19

Chuleiin, hla hi in ta dingin ziek la, Israel thlahai chu inchûktir rawh; Israel thlahai chungchâng thuah hi hla hi a mi hrietpuitu a ni theina dingin invawntir rawh.

DÂN PAHNINA 4:30

Rinuma in uma, in chunga chuong thilhai po po chu a hung tlung pha chun a tâwp a tâwpa chun LALPA in Pathien tieng chu ngha kîr nâwk in ta, a thu chu pawm tâng in tih.

2 TIMOTHE 3:1

Chun, hi hi hre rawh, ni nu- hnungahai chun hun khirtakhai hung um a tih.

HEBRAIHAI 1:1

Pathien inhmaa thlatuhai kuoma bung tamtak le kawng tinrênga zâwlneihaia thu lo hriltu khan,

2 PETER 3:3

Hi hi hre hmasa unla, ni nu- hnungahai chun nuisantuhai chu, anni châkna anga umin, nuisan pumin hung an ta,

THUPUONGSUO 1:1

Isu Krista thuphuongsuo, Pathienin a suokhai inhriettir dinga a kuoma a pêk, thil hung um vak ding thu chu; chu chu a vântirko hmangin a suok Johan kuomah a hung inhriettir a;