DANIEL 2:25 - Pathien Lekhabu Inthieng (BSI)

²⁵ Chun, Ariok chun Daniel chu lal hmaa chun inhmâwtakin a hung ṭhuoi lût a, a kuoma chun, “Juda ram mi sal intânghai lai hin, a mang umzie lal chu inhriettir ding mi pakhat ka hmu suok tah,” a ta.

DANIEL 2:25 ပူးပေါင်းရင်းမြစ်များ

INṬANNA 41:14

Chuongchun, Pharao chun Josef chu ân kotir nghâl tah a, inhmawtakin ripa inthawk chun an ṭhuoi suok tah a; chun, ama chu ânvaw fai a, a silfên chu a thleng a, Pharao kuomah a hung lût a.

NEHEMIA 7:6

Sala ṭhuoi Babulon lal Nebukad- nezzarin a ṭhuoihai laia, sala intâng suoka, Jerusalem le Juda rama mâni khuo senga kîr nâwka, chu rama um tahai chu hienghai hi an nih:

THUVARHAI 24:11

Thinaa ṭhuoi hmanga umhai chu san suok la, That dinga inzosa ṭêpa umhai chu chelkîr rawh.

THUHRILTU 9:10

I kutin sinthaw ding a hmu phawt chu i theitâwpin thaw la, i fêna ding thlâna chun varna amanih, hrietthiemna amanih, hlêmna ama- nih, sinthawna amanih a um ta si nawh a.

DANIEL 1:6

Hieng hai laia Juda nauhai chu Daniel, Hanania, Misael le Azaria an nih.

DANIEL 5:13

Chun, lal hmaa chun Daniel chu an hung ṭhuoi lût a, lal chun Daniel kuomah, “Ka pa lalin Juda rama inthawka a hung ṭhuoi, Juda mi sal intânghai laia mi, Daniel chu i ni maw?

DANIEL 6:13

Chun, an dawn a, lal kuoma chun, “Kha Daniel Juda ram mi salintângpa khan, aw lalpa, nang a pawisa naw cheh a, i thupêk i hming ziek khawm kha a pawisa nawh a, ni tin hnina vawi thum a siem zie a nih,” an ta.