DANIEL 2:22 - Pathien Lekhabu Inthieng (BSI)

²² Thurûkhai le thil inthûk- hai chu an kuomah a phuong a, Inthima thil um chu a hriet a, var chu amaa chun a um a nih.

DANIEL 2:22 ပူးပေါင်းရင်းမြစ်များ

INṬANNA 41:16

Josef chun Pharao chu a dawn a, “Chu chu keimaa um a ni nawh a, Pathienin Pharao chu thlamuong- thlâktakin dawn lem a tih,” a tih a.

JOB LEKHABU (THE BOOK OF JOB) 12:22

Inthima inthawkin thil inthûktakhai chu a hmu suok a; Thina varuom chu varah a hung lâk suok tah a.

JOB LEKHABU (THE BOOK OF JOB) 26:6

Ama hmaa chun Seol chu saruok a nih, Sietna khawm chun silfên a nei nawh.

INPÂKNA HLABU 104:2

Nang chun var chu puon angin în bel a, Vânhai khi puon in chung angin i kei phar a.

INPÂKNA HLABU 25:14

LALPA thurûk chu ama ṭituhai kuomah a um a, A thuthlung chu anni inhriettir a tih.

INPÂKNA HLABU 36:9

Hringna tuikhur chu i kuomah a um sih a. I vara chun var la hmûng kan tih.

THUHRILTU 8:1

Mi var ang hi tu am a um a? Thil umze hrie tu am a um a? Mi a varna chun a hmêl chu a sukvar a. A hmêl inrumna khawm chu a danglam tah.

ISAI 41:22

Chuong chu inlangtir sienla, thil la hung tlung ding chu kan kuom- ah hril raw se; kan ngaituo theina ding le kan hriet theina dingin, kha hmaa thilhai chu ieng am a ni hril ta u; annawleh, thil la hung tlung dinghai chu mîn hriettir ro,

ISAI 41:26

Ka hriet theina dingin tuin am a tira inthawk khan a hril hlak a? “Ama hi ân dik ie,” kan ti theina dingin tuin am a hrillâwk hlak a? Anih, a hril hrim hrim an um nawh, anih, inhriettir hrim hrim an um nawh, anih, in thuhrilhai hi a hrie hrim hrim an um nawh.

ISAI 42:9

Ngai ta u, kha hma thilhai chu a hung tlung tah, thil tharhai ka hril a ni hi; an mâwng hmain an chanchin ka hril cheu a ni hi.

ISAI 45:7

Var ka siem hlak a, inthim khawm ka siem hlak a nih; inremna ka siem hlak a, intheidana khawm ka siem hlak; kei hi LALPA, chuong thilhai po po thaw hlaktu chu ka nih,” tiin.

JEREMIA 23:24

LALPA chun, ‘Mi tukhawm ka hmu lo dingah hmun fienrielahai ân bihmang thei am a nih?’ a tih. ‘Hnuoi le vân chu keia suksip a ni naw am a nih?’ LALPA chun a tih.

JEREMIA 33:3

Kei mi hung ko la, lo dawn ka ti cheh a, thil ropui le inthup i hriet naw hai chu inentir ka ti che.

DANIEL 2:11

Lal thil dit dân hi thil vângkhat tak a nih; tisaa chêng nilo pathienhai ti chau naw chu tukhawm lal hmaa inentir thei ding hrim hrim an um nawh,” an ta.

DANIEL 2:19

Chun, zâna thilhmulâwkin Daniel kuoma chun chu thurûk chu phuongin a um tah a. Chun, Daniel chun vâna Pathien chu ân pâk tah a.

DANIEL 2:47

Chun, lal chun Daniel chu a dawn a, “Indiktakin, i Pathien chu pathienhai Pathien, lalhai Lalpa, hi thurûk hi i phuong theizie hmu hrim hin, thurûkhai phuongtu chu a ni ngei hi,” a ta.

DANIEL 5:11

I rama hin mi pakhat amaa pathien inthienghai thlarau umna chu a um a; i pa damlai khawm êngna dâm, hrietthiemna dâm, pathienhai varna anga varna dâm amaa chun hmu suokin a um tah a: aw lalpa, i pa Nebukadnezzar, i pa chun ama chu mitvaidawithiemhai, aisânthiemhai, Kaldai mihai le vânghriltuhai hotuah a siem a,

DANIEL 5:14

I chanchin ka lo hriet a, pathienhai thlarau chu nangmaah a um a, nangmaa chun êngna le thiem- na le varna ṭha bîk chu hmuin a um ti ka lo hriet bawk a.

MATTHAI 13:13

Chuleichun, tekhithuin an kuomah ka hril a nih; hmu hai sien khawm an hmu ngai nawh a, nain hrehai sien khawm an hriet ngai nawh a, a ngaina khawm an hriet ngai naw leiin.

JOHAN 1:9

Var indik tak mi tin sukvar hlak kha a um a, khawvêlah a hung zing a nih.

JOHAN 21:17

A vawithumnaa chun, “Simon, Johan naupa, nangin kei i mi ngaina am?” a ta. Chun, a vawithumnaah “Nangin i mi ngaina am,” a kuoma a ti lei chun Peter a lungngai a, a kuomah, “Lalpa, iengkim i hriet a, ka ngaina che ti i hriet,” a ta. Isûn a kuomah, “Ka berâmhai châwm rawh.

JOHAN 8:12

Chun, Isûn an kuomah thu a hril nâwk a, “Kei khawvêl êntu ka nih, tûkhawm a mi zui chu inthimah lêng tawp naw ni; hringna var nei lem a tih,” a ta.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

EPHESI 3:5

Chu chu tulaia a tirko inthieng- hai le zâwlnei inthienghai kuoma Thlarau inhriettirin a um ta ang hin, tuta hma tieng khan mihriem nauhai kuoma inhriettirin a um ngai nawh.

DÂN PAHNINA 29:28

chun, lunginsen le lungâwilo le lunginsentakin an rama inthawkin a phawidawk vawng a, ram dangah a thelût a nih, tuta an um dân ang hin,’ tîng an tih.

1 TIMOTHE 6:16

Ama chau chun thi thei nawna a nei a, var hnai thei ruol loa chun a um a, ama chu tûkhawmin an hmu ngai nawh a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

HEBRAIHAI 4:13

Thil siem ama mithmua inlang naw hrim hrim a um nawh. Ei chanchin ei intlunna ding mithmua chun iengkim saruok le inhawng sain a um lem a nih.

JAKOB 1:17

Thilpêk ṭha le thilpêk famkim po po chu chung tienga inthawkin, varhai Pa kuoma inthawkin a hung ṭum hlak a nih, amaa chun dang- lamna le inherna hlim hrim hrim a um thei nawh.

1 JOHAN 1:5

Chun, thuincha a kuoma in- thawka kan hriet a, in kuoma kan hril sâwng ding cheu chu hi hi a nih:— Pathien chu var a nih, amaa chun inthim hrim a um nawh.