DANIEL 2:20 - Pathien Lekhabu Inthieng (BSI)

²⁰ Daniel chun a dawn a, “Pathien hming chu chatuon chatuon chenin inpâkin um raw se, Varna le hrâtna dâm chu ama ta a ni sih a.

DANIEL 2:20 ပူးပေါင်းရင်းမြစ်များ

INṬANNA 14:20

i hmêlmahai i kuta petu Pathien Chunghnungtak chu inpâkin um raw se,” a ta. Abram chun ama chu iengkim sâwma pakhat a pêk a.

1 LALHAI 8:56

“A thutiem po po ang peia a mi Israelhai châwlna petu LALPA chu inpâkin um raw se, a siehlaw Mosie hmanga a thutiem ṭhahai po po kha pakhat khawm ân khêl nawh a.

1 CHANCHIN SUINA 29:20

Chun, David chun, mipui in- khâwmhai po po kuoma chun, “Tuhin LALPA in Pathien chu inpâk ro,” a ta. Chuongchun, mipui inkhâwmhai po po chun LALPA an thlatuhai Pathien chu an inpâk a, an luhai an kûn a, lal le LALPA chu chibai an bûk tah a.

2 CHANCHIN SUINA 20:21

Chun, mipuihai chu ân fui zo hnung chun, sipaihai hmaa an fe suok phaa inthieng mawina chu inpâka LALPA kuoma hla sak dingin mi a ruot a: “LALPA kuomah lâwmthu hril ro, a zângaina chu kumkhuoin a um zing sih a, ti ro” a ta.

NEHEMIA 9:5

Chuongchun, Levi mi, Jesua, Kadmiel, Bani, Hasabneia, Serebia, Hodia, Sebania le Pethahia hai chun an hril a, “Ngîr unla, LALPA in Pathien chu chatuona inthawka cha- tuon chenin inpâk ro khai; chun, chawimawina le inpâkna po po khawmin a phâk lo, i hming ropui chu inpâkin um raw se.

JOB LEKHABU (THE BOOK OF JOB) 12:13

Amaa chun varna le hrâtna a um a, Ama chun hrietthiemna le remhrietna a nei.

INPÂKNA HLABU 113:1

LALPA chu inpâk ro. Aw LALPA siehlawhai, inpâk unla, LALPA hming chu inpâk ro.

INPÂKNA HLABU 113:2

LALPA hming chu inpâkin um raw se, Tuta inthawka kumkhaw- tluongin.

INPÂKNA HLABU 115:18

Eini ruok chun LALPA chu inpâk tâng ei tih, Tuta inthawka kumkhaw- tluongin. LALPA chu inpâk ro.

INPÂKNA HLABU 147:5

Ei LALPA chu a ropui a, thilthawthei tienga khawm hrâttak a nih, A varna chun tâwpintai a nei nawh.

INPÂKNA HLABU 41:13

LALPA, Israel Pathien chu, Chatuona inthawka chatuon chenin inpâkin um raw se, Amen, Amen.

INPÂKNA HLABU 50:23

Tukhawm lâwmthu hril inthawina inhlân taphawt chun a mi chawimawi hlak, Chun, a um dân takinningtaka vawngtu kuoma chun, Pathien sandamna inentir ka tih,” a tih a.

INPÂKNA HLABU 62:11

Pathien chun vawikhat a hril a, E! hi hi vawi hni ka hriet tah: Thilthawtheina hi Pathien ta a nih ti hi.

THUVARHAI 8:14

Thurâwnna chu ka ta a na, hrietna hrisêl leh, Hrethiemin ka um a, thilthawtheina ka nei a nih.

JEREMIA 32:19

rorêlnaa ropui le, sinthawa thil- thawthei tak, mihriem nauhai um- dân po po hmu zing hlak; mi tin chu ama um dân le a thilthawhai ang peia pe dingin;

EZEKIEL 28:3

ngai ta, Daniel nêkin i var lem a nih; nangmaa inthawka thup thei ding thurûk hrim hrim a um nawh a,

MATTHAI 6:13

Suol dinga thlêmnaa chun mi ṭhuoi lût naw la, Mi suol laka chu mi sandam lem rawh, tiin.

JUDA 1:24

Chuongchun, in tlûk nâwna dinga vêng thei cheu le, a ropuina hma ngeiah nasataka hlimin inthieng nawna kai nawa sietheitu cheu,

THUPUONGSUO 5:12

chuonghai chun rawl inring takin, “Berâmte that ta hi Thilthawtheina dâm, hausakna dâm, Varna dâm, hrâtna dâm, chawimawina dâm, ropuina dâm, Malsâwmna dâm hmu tlâk a nih ie,” an ta.