DANIEL 2:19 - Pathien Lekhabu Inthieng (BSI)

¹⁹ Chun, zâna thilhmulâwkin Daniel kuoma chun chu thurûk chu phuongin a um tah a. Chun, Daniel chun vâna Pathien chu ân pâk tah a.

DANIEL 2:19 ပူးပေါင်းရင်းမြစ်များ

JOB LEKHABU (THE BOOK OF JOB) 4:13

Îmu inhniktaka mi in re ṭhiep lai, Zâna thilhmulâwkna ka ngai tuo laiin,

INPÂKNA HLABU 25:14

LALPA thurûk chu ama ṭituhai kuomah a um a, A thuthlung chu anni inhriettir a tih.

DANIEL 1:17

Chun, hieng tleirâwlhai pali hi Pathien chun varna le thiemna po poa bengvarna le hrietna a pêk a; chun, Daniel chun thilhmulâwkhai le manghai chung po poa chun hriet- thiemna a nei a.

DANIEL 2:22

Thurûkhai le thil inthûk- hai chu an kuomah a phuong a, Inthima thil um chu a hriet a, var chu amaa chun a um a nih.

DANIEL 4:26

Chun, thing zunghai kûnghmui hla dinga thu an pêk chungthua hin chu; i ram hi chu nangma ta ni zing a ta; chu hnunga chun vânhai chun ro an rêl ngei a nih ti hre tâng i tih.

DANIEL 4:9

“Aw Beltesazzar, mitvaidawi- thiemhai hotu, pathien inthienghai thlarau chu nangmaa chun a um a, thurûk chun nang a sukbuoi ngai naw che ti ka hriet leiin, ka manga thil hmulâwkhai ka hmu ta le, a umzie chu mi hril rawh.

DANIEL 7:2

Daniel chun a hril a, “Zâna hin ka thil hmulâwkna chun, ngai ta, vân thli hai pali chu tuisuoriet ropui- tak chunga an lo hrâng hi ka hmuh a.

DANIEL 7:7

Hi hnunga hin zâna thil hmu- lâwkhai chu ka hmuh a, sahrâng palina chu, ngai ta, hrât êm êm el, thilthawtheitak, ṭiumtak el hi a na; thîr ha ropuitakhai chu a nei a; a fâk zo a, a suknâwiin a suknâwi a, a mahlahai chu a kehaiin a sirdeh a, a hmaa sahrânghai po poa inthawk khan danglamtak a na; chun, ki sâwm a nei bawk a.

AMOS 3:7

Indiktakin Lalpa PATHIEN chun a rawngbâwltu, a zâwlneihai kuoma a thurûk hril loin iengkhawm thaw naw ni.

NAMBAR 12:6

Ama chun, “Ka thu hi ngai ro, nangni lai hin zâwlnei in um chun ama chu kei LALPA hi inlârnain inhriettir ka ta, mang tieng bieng ka tih.

JOSUA 22:33

Chuong thu chun Israel thlahai chu a suklâwm hleh a; chun, Israel thlahai chun Pathien chu an inpâk tah a; chuongchun, Reuben thlahai le Gad thlahai chu hang do a, an umna ram hang suksietpêk thu chu an hril nâwk ta nawh a.