DANIEL 2:14 - Pathien Lekhabu Inthieng (BSI)

¹⁴ Chun, Daniel chun, lal vêngtu sipai pâwl hotu Ariok, Babulon rama mi varhai sukhlum dinga fe suoktu kuoma chun varna le thurâwnna dawnnain a lo râwn tah a;

DANIEL 2:14 ပူးပေါင်းရင်းမြစ်များ

INṬANNA 37:36

Chun, Midian mihai chun Josef chu Aiguptaah Pharao hnuoia hotu pakhat, vêngtu pâwl hotu Potiphar kuoma chun an zâwr a.

JEREMIA 39:9

Chun, Nebuzaradan, vêngtu pâwl hotu chun khawpuia mi la um sunhai le, tlân hmangtuhai le, ama kuoma hung lûthai le, mipui a la mahla la um sunhai po chu Babulon tieng chun salah a ṭhuoi tah a.

JEREMIA 52:12

Chun, thla nganaa, chu thla ni sâwm ni chun, chu chu Babulon lal Nebukadnezzar inlal kum sâwm- pakuona a nih; vêngtu hotu Nebuza- radan lal hmaa ngîr hlak chu Jerusalema chun a hung a,

JEREMIA 52:14

Chun, Kaldai sipaihai vêngtu pâwlhai la umhai po po chun Jerusalem kulbang chu a vêlin an sukchim tah a.

DANIEL 2:15

lal sipai hotu Ariok chu a dawn a, “Lala inthawka thupêk iengdinga pawimaw êm êm am a nih a?” a ta. Chun, Ariok chun Daniel kuoma chun thil chu ân hriettir a.

DANIEL 2:24

Chuongchun, Daniel chu lalin Babulona mi varhai sukbohmang dinga a ruot Ariok kuoma chun a va lût a, a va feh a, a kuoma chun, “Babulona mi varhai hi sukbohmang naw rawh; lal kuoma chun mi ṭhuoi lût la, mang umzie chu lal chu inentir ka tih,” a ta.