DANIEL 12:4 - Pathien Lekhabu Inthieng (BSI)

⁴ Nisienlakhawm, nang aw Daniel, hun tâwp chena dingin thuhai chu khâr la, lekhabu chu châr tlat rawh: mi tamtak chu hnungtieng hmatieng tlân an ta, hrietna chu a pung ding a ni sih a,” tiin.

DANIEL 12:4 ပူးပေါင်းရင်းမြစ်များ

ISAI 11:9

Ka tlâng inthienga hrim hrim chun insuknat um ta naw nih a, insuksiet um bawk ta naw ni; tuihai hin tuisuoriet ân khum zing angin, leihnuoi hi LALPA hrietnain a sip zo vawng ta ding a nih.

ISAI 29:11

Chuongchun, inlârna hrim hrim in ta dingin lekhabu châr tlata thu ang a ni tah a, chu chu mihaiin lekha thiem mi kuomah, “Lunginsiettakin hi hi tiem rawh,” tiin an pêk hlak a; chun, ama chun, “Ka tiem thei nawh, châr tlat a ni hi,” a ti hlak;

ISAI 30:26

Chu naw khawm chu, LALPA chun a mihai silna chu a tuom a, an sâtna pawphai chu a sukdam ni chun, thla var chu nisa var tlukin um tâng a ta, nisa var chu a lêt sariin, ni sari sûng var tlukin, um tâng a tih.

ISAI 32:3

Chuongchun, hmutuhai mit chu fie naw naw nih a, hretuhai na chun ngai a tih.

ISAI 8:16

Inhriettirna thu ziel hi khuop la, dân thu hi ka inchûktirhai lai namin inchik rawh.

JEREMIA 5:1

Jerusalem kawtthlêrahai chun hmatieng hnungtieng tlân unla, tuhin va en ta u! chutaka hmun lienahai chun va zawng unla, va hre ta u, mi hrim in va hmuin, mi thil indiktaka thaw a, thudik zawng hrim an um am; chun, chuong a ni chun ngaidam ka tih.

DANIEL 10:1

Persia lal Kura inlal kum thumnaa chun a hming Belte- sazzar inbûk, Daniel kuomah thil suklangin a um a, chu thil chu thil indik, indona ropuitak a na, chu thil chu a hriet a, thilhmulâwk chu hriet- thiemna a nei bawk a.

DANIEL 10:14

Ni nuhnungahai chun i mihai chu iengin am a hung tlâkbuok ding a na ti inhriettir ding chein tuhin ka hung a nih; thilhmulâwk kha ni tamtakhaia ding a la ni chau sih a,” a ta.

DANIEL 10:21

Nisienlakhawm, thudik ziek- naa ziek chu hril ka ti che: hi thil chungchâng thua hin, i lalpa Mikael ti chau naw chu tukhawm a mi ṭan zo hrim hrim an um nawh.

DANIEL 11:33

Chun, mihai laia a varhai chun, mi tamtak inchûktir an ta; ni tamtak sûng, râllâk le, sala manin mei le kâwlhnâmin tlûng an tih.

DANIEL 11:40

Chun, hun tâwpa chun simtieng lal chun ama chu nawr a ta; hmâr- tieng lal chun lawng tamtakhai leh, sakawr chung chuong mihai leh, sakawr tawlailîrhai leh phaivaw hrâng ang elin ama chu hung rûn a tih; chun, ramhaia chun hung lût a ta, palzêl a ta, fe thleng a tih.

DANIEL 12:13

Nisienlakhawm, nang chu fe pei la, a tâwp a tlung hma chun, ni tâwpa- hai chun châwl i ta, i chantâwka chun i ngîr ding a ni sih a,” a ta.

DANIEL 12:5

Chun, kei Daniel chun ka en a; chun, ngai ta, mi dang pahni, pakhat chu vadung pang khingtieng sîrah, a dang chu vadung pang khingtieng sîrah, an lo ngîr a.

DANIEL 12:9

Ama chun, “Daniel, fe el rawh, hun tâwp chena dingin hieng thuhai hi khârkhum tlat le chârde tlat an ni sih a.

DANIEL 8:17

Chuongchun, ka ngîrna hmun kâwla chun a hung hnai a; chun, a hung hnai chun ka ṭih a, ka bawk- khup tah a; nisienlakhawm, ka kuoma chun, “Aw mihriem naupa, thil hmulâwkhai chu hun tâwpa ding a nih ti hi hre rawh,” a ta.

DANIEL 8:19

Ama chun, “Ngai ta, lunginsen- na hun tâwp tieng hun nuhnunga thil um ding chu inhriettir ka ti che, a tâwpna hunbi ruota ṭhang ding chu a ni sih a.

DANIEL 8:26

Chun, zântienghai le zîngtieng- hai thilhmulâwka thil hril chu ân dik a nih; nisienlakhawm, thil hmulâwk chu la khâr hri phawt rawh; ni la hung tlung ding tamtakhai ta ding chu a ni sih a,” a ta.

MATTHAI 24:14

“Chun, hi Ram Chanchin Ṭha hi hnam po poin an hrietna dingin khawvêl po poah hrilin um a tih; chu zoa chun tâwpna chu la tlung a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:18

Anleh, an nain an hriet naw am a nih? Hreh e le! “An ri chu ram tinah ân thang a, An thu chu kâwlkawdawng chenin ân thang suok tah.”

THUPUONGSUO 10:4

Chun, vâninrûm pasarihai chun an rawl an insuo phingleh ziek ka tum a; chuongchun, “Vâninrûm pasarihai thu hril chu ip tlat la ziek naw,” tiin vâna inthawkin rawl ka hriet a.

THUPUONGSUO 22:10

Chun, ama chun ka kuomah, “Hi lekhabu hrillâwkna thuhai hi ip naw; a hun chu a hung tlung ding a ni ta sih a.

THUPUONGSUO 5:1

Chun, lalṭhungphaa ṭhung kut chang tienga chun lekhabu sûng tieng le puo tienga ziek, inchikna pasaria inchik tlat ka hmuh a.