DANIEL 12:1 - Pathien Lekhabu Inthieng (BSI)

¹ “Chu pha chun lal naupa ropuitak Mikael, i mihai ta dinga ngîr chu ngîrsuok a ta; chun, buoina hun chu a hung um ding a nih, hnam um tira inthawka chu chu hun chena khawm la um ngai hrim hrim lo chu; chu pha chun, i mihai, lekha- bua zieka hmu taphawthai chu sanhim nîng an tih.

DANIEL 12:1 ပူးပေါင်းရင်းမြစ်များ

INPÂKNA HLABU 56:8

Nangin kân vâkvainahai hi în chik hlak a, Ka mitthlihai hi i savun pênga chun thun la. I lekhabuah a chuong tâwl naw am a nih?

INPÂKNA HLABU 69:28

Anni chu hringna bua inthawk chun thaihmangin um hai sienla, Mi felhai laia chun ziek ni ve naw raw hai se.

ISAI 4:3

Chun, Ziona la um le, Jerusalem- a la umhai chu inthieng ti ni tâng an tih, Jerusalema a la damhai laia hming ziekhai po po chu:

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tung- ding dingin. Sipaihai LALPA ṭha- hnemngaina chun chuong chu thâwng a tih.

JEREMIA 30:10

Chuleiin, Aw Jakob, ka siehlaw, ṭi naw rawh, LALPA chun a tih: Aw Israel, beidawng bawk naw rawh, ngai ta, ram hlataka inthawkin ka sandam ding che a ni sih a, i thlahai chu an sal intângna rama inthawkin sandam bawk ka tih; chuongchun, Jakob chu hung kîr a ta, nuomsa le to ṭawk ṭawkin um a tih, tukhawma sukṭi ta naw ni hai.

JEREMIA 30:7

Ahei, chu ni chu a ropui sih a, chu ang hrim chu a um nawh a, Jakob buoina hun ngei chu a ni el a nih; nisienlakhawm, chutaka inthawk chun sansuokin um a tih.

EZEKIEL 13:9

Vântieng thukhêl le, zâwlnei teplo mei mei hmutuhai chunga chun ka kut chu um a ta; ka mihai in- khâwmnaa chun ṭhang ve naw ni hai a, Israel sûngkaw chanchin inziek- naa chun ziek ni bawk naw nih a; Israel rama chun lût bawk naw ni hai a; chun, Lalpa PATHIEN chu ka ni ti mi hre tâng in tih.

EZEKIEL 34:24

Chun, kei LALPA hi in Pathien nîng ka ta, ka siehlaw David chu anni laia lal nîng a tih; hi hi kei LALPAIN ka hril ta a nih.

EZEKIEL 5:9

Chun, ka la thaw ngai hlek lo chu nangmaa chun thâwng ka ta, i tir- dakumna lei chun, chuong ang hrim hrim chu thaw khawm thaw nâwk ta ngai naw ningah.

DANIEL 10:13

Nisienlakhawm, Persia ram lal chun ni sâwmhni pakhat sûng chu a mi lo dangkîr a; amiruokchu, ngai ta, Mikael hotu laia lutak pakhat chu kei mi ṭhangpui dingin a hung a; chuong- chun, Persia ram lalhai le chun chutaka chun ka um zing tah a.

DANIEL 10:21

Nisienlakhawm, thudik ziek- naa ziek chu hril ka ti che: hi thil chungchâng thua hin, i lalpa Mikael ti chau naw chu tukhawm a mi ṭan zo hrim hrim an um nawh.

DANIEL 11:45

Chun, a lal chêngna puon in chu tlâng inthienga tuisuoriet inkâra chun kei a ta; nisienlakhawm, a tâwpna tlung tho a tih, tukhawma ama chu an ṭhangpui si nawh a.

DANIEL 7:10

Chun, tuihnâr ṭiumtak a hung suok a, A hma bula inthawk chun a hung suok a, Sâng sânga sângin a rawng an bâwl a, Sang sâwm sâwma vawi sâng sâwm a hmaa chun an ngîr a; Rorêlna chu ṭan a ni tah a, Lekhabuhai chu hawngin a um tah a.

DANIEL 9:12

Kan chungah thil ṭha naw chu intlungtirin, keini le kan rorêltuhai, kan chunga rorêltuhai chungah a thu a hrilhai chu a hung sukdet tah a; Jerusalem khaw chunga thaw a ni ta ang hin vân hnuoi po po khâwlai khawm thaw a ni ngai si nawh a.

JOEL 2:2

inthimna le vâninnîmna ni, sûm zîng ni le inthim sâ ni, tlâng chunga vârtle var rên ruon ang; mipui nasa- tak le hrâttak, chuong ang la um ngai lo, chuong hnunga suon tamtak chen khawma um nâwk ta ngailo ding chu.

MALAKI 3:16

Chun, LALPA ṭi mihai chu an inbiek tâwl a; chun, LALPA khawmin anni chu a ngai ngei a, a hriet a, ama hmaa chun hriet zingna lekhabu chu, LALPA ṭituhai le, ama hming ngaituo hlaktuhai ta ding chun ziekin a um tah a.

MATTHAI 24:21

chu phâ chun rinumna nasatak a um ding a ni sih a; chuong ang hrim hrima nasa chu leihnuoi insieng tira inthawkin tu chen hin a la um ngai nawh a, um khawm iengtika khawm um nâwk ta bawk naw ni.

MARKA 13:19

Chuong ni chu rimsik ni a ni ding a ni sih a; chuong anga nasa hrim hrim chu Pathien isiem leilung insieng tîra inthawk tu chen hin a la um ngai nawh a, iengtika khawm hung um nâwk ta naw bawk a tih.

LUKA 10:20

Nisienlakhawm, khawhrihai in thu thua an um leiin lâwm naw ro; vâna in hming ziek a ni leiin lâwm lem ro,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:15

Anni pei thlâkna hman khawvêl ta dinga inrem nâwkna a ni chun, anni lâwm nâwkna ding chu, thinaa inthawka hring nâwkna naw chu ieng am ning a ta?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:26

Chuongchun, Israel mi po po sandamin um an tih; “Ziona inthawkin Sandamtu chu hung suok a ta, Jakob kuoma Pathien ngaisak nawna sukbo a tih.

PHILIPPI 4:3

Anih, nang khawm ka rîngkawl bâtpui tak, ka fiel bawk che, kha nuhmeihai kha ṭhangpui rawh. Chanchin Ṭhaa chun an mi thawpui hlak sih a; Klemen le ka sinthawpui dang Hringna bua hming chuonghai le khan.

JUDA 1:9

Nisienlakhawm, Mikael, vântir- ko chunghnungtak hman khan, Diebol le an inthawh a, Mosie ruong thua an insêl laiin, Diebol chungthu rêl pêkin a hrilsiet ngam nawh a, “Lalpân hal lem raw se che,” a ti ta lem a.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

THUPUONGSUO 12:7

Chun, vâna chun indona a hung um a; Mikael le a vântirkohai chun drakon chu an do a;

THUPUONGSUO 13:8

Chuongchun, hnuoia um po po, leilung insieng tîra that tah Berâmtê Hringna Bua hming ziek naw po chun, Pathien chibai bûkin bûk an tih.

THUPUONGSUO 17:14

Chuongchun, Berâmte chu do an ta, chun, Berâmte chu hotuhai Hotu le lalhai Lal a ni leiin anni chu hnêng a tih; chun, a kuoma um, ko- hai, thlanghai, ringumhai chun hne bawk an tih,” a tih a.

THUPUONGSUO 20:12

Chun, mithihai a lien a chîn, lalṭhungpha hmaa ngîr ka hmuh a. Chun, mithihai chu lekhabuhaia ziek an thilthaw ang peiin rêlpêkin an um tah a.

THUPUONGSUO 20:15

Tûkhawm Hringna Buah a hming ziek an hmu naw chun mei dilah an pei bawk a.

THUPUONGSUO 3:5

A hnetu taphawt chu chuong ang chun puon vârhai insiltir nîng a tih; chun, Hringna Bua inthawkin a hming chu thai hmang naw tawp ka tih, ka Pa hmaa le vântirkohai hmaa chun a hming chu ṭan lem ka tih.

THUPUONGSUO 7:14

Kei chun a kuomah, “Pu, nangin i hriet annâwm,” ka ta. Ama chun ka kuomah, “Hieng hi rinum nasataka inthawka suokhai kha an nih, an puonhai Berâmte thisena sâwpin an sukvâr tah a.