DANIEL 11:44 - Pathien Lekhabu Inthieng (BSI)

⁴⁴ Nisienlakhawm, saktieng le hmârtienga thuthanghai chun ama chu sukbuoi an ta, mi tamtak chu sukbohmang dêr ding le sukse dingin lunginsentakin fe suok a tih.

DANIEL 11:44 ပူးပေါင်းရင်းမြစ်များ

DANIEL 11:11

Chun, simtieng lal nasataka suklungsenin um a ta, hung suok a ta, hmâr tieng lal ngei chu hung do a tih; chun, mipui nasatak chu hung tir suok a ta, chu mipui nasatak chu a kutah pêk nîng a tih.

DANIEL 11:30

Kittima lawnghai chun ama an hung rûn ding a ni sih a; chuleiin, lungngai a ta, hung kîr nâwk a ta, Thuthlung Inthieng chunga chun lunginsenna nei a ta, a nuom ang angin thâwng a tih; kîr nâwk a ta, chuong Thuthlung Inthieng nghat- santuhai chu ngaisak a tih.

DANIEL 11:43

Nisienlakhawm, Aigupta rama thil hluhai po po le, tangka le rângkachak ro bâwmhai chunga chun thuneina nei a ta; Libua mihai le Ethiopia mihai chu a kaiza vêng chun um an tih.

DANIEL 11:45

Chun, a lal chêngna puon in chu tlâng inthienga tuisuoriet inkâra chun kei a ta; nisienlakhawm, a tâwpna tlung tho a tih, tukhawma ama chu an ṭhangpui si nawh a.

THUPUONGSUO 16:12

Chun, a parukna chun a berbu chu tuipui Euphratesa chun a bunthlâk a; chuongchun, nisa suokna tieng panga lal hung dinghai ta dinga lampui chu inzosa a hung ni theina dingin, a tui chu a kang intan tah a.

THUPUONGSUO 17:13

Chuongchun, thu hmunkhatin an thilthawtheina le thuneina chu sahrâng pêng an tih.